Ibru 7:27 - Ñwed Abasi Ke Ikọ Ibibio Ayo Mfịn

²⁷ Anye itieeghe nte mme akwa aku mfen, inieeghe adiwa uwa kwa usen kwa usen, awa akpa abaña mme ndiọiñkpọ amọ, ndin adiwa abaña ndiọiñkpọ mbon mfen. Anye akewa uwa abaña mme ndiọiñkpọ mbon awo akañ keed kpọd, ke ini anye akeyakka idem amọ anọ uwa.

Ibru 7:27 ပူးပေါင်းရင်းမြစ်များ

Ñwed Mbon Rum 6:10

Ñkpa a-anye akekpaaha, anye akekpa anọ idiọọkñkpọ afịd awo akañ keed; ado uwem a-anye aduuho, anye adu anọ Abasi.

Efisọs 2:22

Ndin ke anye, enyʌñ esʌk ebọp ndufo edian keed nọ enyʌñ ekappa itie idʌñ a-Abasi adʌññọ ke esịd, ke Sịbidịd amọ.

Efisọs 5:2

inyʌñ idu uwem ima, kpa nte Krais akimaaha ñnyịn, a-akenyʌññọ ayak idem amọ inọ ñnyịn nte inem ufịk enọ ye uwa anọ Abasi.

Taitọs 2:14

a-akeyakka idem amọ anọ ke ntak ñnyịn nọ ifak ñnyịn asio ke afịd idiọọkñkpọ adinam asana anọ idem amọ mme awo e-edoññoke ata ake amọ, e-enieeghe udọñ adinam se ifọn.

Ibru 5:1

Esio afịd akwa aku ke atu mme awo ndin enyʌñ ememek anye ebo ada ke iwuod mme awo ke mme ñkpọ a-abañake Abasi, ke adinọ mme enọ ye mme uwa ke ntak mme idiọọkñkpọ.

Ibru 5:3

Ami ado ntak a-anaaha anye awa mme uwa ke ntak mme idiọọkñkpọ amọ ye ake mme mbon mfen.

Ibru 8:4

Adieke anye akpekebaaha ke ederimbod, anye ikpidooho aku sia mme awo ebaba e-esinọọhọ mme enọ naña ibed aketemme.

Ibru 9:12

Anye ikiboiyoke idʌk ato ke iyiib mme ebod me ake nditọ enañ; ado akekama iyiib idem amọ adʌk ke Nsana Mma Ata Adisana Itie ini keed kpọd, ato ke adinam ami anye amaabọ nsi-nsi ufak anọ ukeed awo.

Ibru 9:14

die ndin ke iyiib Krais, a-akedooho ke ntak Sịbidịd nsi-nsi ayaak idem nte anana ndo uwa anọ Abasi, miidiiyette esịd ñnyịn isiooño mme adinam a-adatta awo aka ñkpa ifep, nọ ñnyịn ikan inam ñkpọ inọ aduuwem Abasi!

Ibru 9:25

Anye ikinyʌññọ idʌk hefịn adiwa idem amọ mmaana ñwaa, naña akwa aku akesidʌk Nsana Mma Ata Adisana Itie ke isua ke isua ye iyiib a-mmiikidooho akemọ.

Ibru 9:26

Akpedooho ntodo, awuọ Krais akpaakebọ ufen uwak-uwak ini tọọñọ ke ini e-ekebotto ederimbod. Ado idahami anye amaadi ini keed kpọd anọ ukeed awo ke mme utịd ini ami adidiben idiọọkñkpọ mfep ke anye adiwa idem amọ.

Ibru 9:28

kpa ntodo ke ekewa Krais ini keed kpọd nọ abiom ndiọiñkpọ uwak mme awo afep; ndin anye ayaamaana adi ayọhọ ñkemba, idooho adidibiom idiọọkñkpọ, ado adidat adinyaaña nsọk mbon e-etieeghe ebet anye.

Ibru 9:7

Ado akwa aku ikpọọñ akesidʌk esịd ubeed, ndin akesinam ntom akañ keed kpọd ke isua, ndin ikemeke-keme adinam ado ke mmiisañake ye iyiib, a-anye akesinọọhọ ke iwuod amọ, anyʌñ anọ ke ntak nnamndue se mme awo ekesinam ke unana adidiọọñọ.