Ibru 7:19 - Ñwed Abasi Ke Ikọ Ibibio Ayo Mfịn

¹⁹ (sia ibed ikikanna inam ñkpọ ndomokeed afọn ama), ndin emaeben idodanyen a-afọnnọ akan edi, a-adooho ke anye, ñnyịn itʌm isaña ikpere Abasi.

Ibru 7:19 ပူးပေါင်းရင်းမြစ်များ

Yọọn 1:17

Sia Moses akinọ ibed ikpọọñ, ado mfọn mme akpanikọ ato Yisọs Krais.

Yọọn 14:6

Ndin Yisọs amaabọọrọ: “Ami ndo usʌñ, mme akpanikọ mme uwem. Awo ndomokeed idieghe ibịne Ete ibọhọke anto miin.

Utom 13:39

Ato ke anye enam afịd mme andinịm ke akpanikọ ebọkkọ ke afịd idiọọkñkpọ, utebeikpe a-ndufo mmiikpikikanna inie ke idak ibed Moses.

Ñwed Mbon Rum 5:2

ato ke anye ñnyịn imidʌk ke mbuọdidem, inie mfọn a-ñnyịn ibaaha idahami. Ndin ñnyịn imikop idadesịd ke idodanyen ke ubọọñ Abasi.

Ñwed Mbon Rum 7:7

Nso-o ke ñnyịn idiitañ ndin? Nte ibed adiọọk? Iyoo! Ado ke akpanikọ, ami ñkpediọọñọke se idiọọkñkpọ ado ke esiooho ibed efep. Sia ami ñkpekediọọñọke se isịnanyen ado adieke ibed mmiikpikibooho ntom, “Kuusịn anyen ke ñkpọ awo.”

Ñwed Mbon Rum 8:3

Sia se ibed mmiikinieeghe adudu adinam sia idiọọk ido abod ñnyịn amaabọ anye adudu, Abasi amaanam ke adinọ ukweeñe Ayịn amọ ke mbiod idiọọk ido abʌkidem adido uwa ñkpọ idiọọkñkpọ. Ndin anye amaabiom idiọọkñkpọ ikpe ke uduod abʌkidem,

Kadesia 2:16

imidiọọñọ ibo ke ikpe itoppoke awo ikeene edinịm ibed ado ato mbuọdidem ke Yisọs Krais. Ke ntodo, ñnyịn ñko imikọọñ mbuọdidem ñnyịn ke Krais Yisọs ma ñnyịn inie utoppo ikpe ke Krais idooho ke edinịm ibed sia awo ndomokeed idibọọhọ utoppo ikpe ito ke edinịm ibed.

Kadesia 3:21

Ke ntodo, mme ibed anie ntuaha ye mme enwọñọ Abasi? Iyoo! Sia akpedooho emaenọ ibed akpekekanna anọ uwem, adinenido akpeketo ke ibed ado.

Kadesia 3:24

Ke ntodo ekenịm ibed edikara ma idat ñnyịn usʌñ asọk Krais, nọ itoppo ñnyịn ikpe ke mbuọdidem.

Efisọs 3:12

Ke anye, anyʌñ ato ke mbuọdidem ke anye, ñnyịn imikeme adisaña ñkpere Abasi ke ñkpọkñyak ye uko.

Kodosi 1:27

Ato ke ammọ Abasi amek adiyaara ke atu mme Yentaid ubọọñ imọ ami se idịbe ke Krais abaaha ke ndufo, adooho idodanyen ubọọñ.

1 Timoti 1:1

Bọọd, abọsịd Krais Yisọs, naña asaña akekem ke ewʌhọ Abasi Andinyaaña ñnyịn, ye Krais Yisọs idodanyen ñnyịn,

Ibru 10:1

Mbed ado ndukpọñ kpọd anọ mme nti ñkpọ se idi ke iso, idooho ata mme ñkpọ ado ke idem ammọ. Ke ntak ami, ukem uwa e-ewaaha ke isua ke isua ikemeke adiyet mbon e-esañake ekpere adikpono Abasi nọ afọn ama.

Ibru 11:40

sia Abasi amaaduak ñkpọ se ifọn ikan inọ ñnyịn nọ ato ke adidiana ye ñnyịn ikpọọñ ekpenam ammọ efọn ema.

Ibru 11:6

Ñko, awo a-mmiinieeghe mbuọdidem ikemekekeme adinam se inem Abasi esịd, sia awo ndomokeed a-adieeghe abịne anye ana anịm ke akpanikọ ke anye mmọdo, ñko ke anye ado andinọ mbon e-eyemme anye ke afịd esịd utịb.

Ibru 3:6

Ado Krais anam akpanikọ nte Ayịn ke ufọkabasi. Ndin ñnyịn ido ufọk amọ, adieke ñnyịn imʌmmọ etiido ñnyịn ikama ye idodanyen a-ñnyịn idatta itañ ase.

Ibru 4:16

Yak ñnyịn ndin isaña ikpere ebekpo Abasi mfọn uko-uko, nọ ato do ñnyịn ibọ mbọm ye mfọn a-adiinyaaña ñnyịn ke ini nnananyen.

Ibru 6:18

Abasi akenam ami nọ ato do, ke mme ñkpọ iba e-emmiikemeke adikpəhọ, a-Abasi ñko mmiikemeke adisʌhọ nsu, ñnyịn i-imaiikifeeñe idimʌm idodanyen e-enyanna inọ nte añkọ adimʌm ukpọñ ñnyịn, ma anye asọọñọ ada kwak!

Ibru 7:11

Adieke ekpekekanna enie mfọnmma ato ke idak ubonoñkpọ Difai (sia aketo ke ntak ami enọ mme awo mme ibed) ntak ekekịtte ufọn aku mfen adidi-e, ake ubonoñkpọ Medkisedek, idooho ke idak ubonoñkpọ Erọn?

Ibru 7:20

Ndin aketo ke unwọñọ! Mbon mfen ikidooho mme aku ito ke unwọñọ

Ibru 7:25

Ke ntodo anye akeme adinyaaña ukeed-ukeed mbon e-edieeghe ebịne Abasi ke anye, sia anye adodu uwem afịd ini, aka iso adinam ñkpeubọk anọ ammọ.

Ibru 8:6

Ado ubiọñutom a-Yisọs akebọọhọ akpon akan ake ammọ kpa nte edioomo a-anye adooho andida nte asịn emem akoñño idaha akan akaan ado, ñko ekenyʌñ ebọp anye ke mme enwọñọ a-afọnnọ akan.

Ibru 9:9

Ami ado uwọdñkpọ ake ini ami, a-awọttọ abo ke mme enọ ye mme uwa e-ekesinọọhọ ikikanna adiyet esịd mme andikpono Abasi.

Yemsi 4:8

Esaña ekpere Abasi ndin anye ayaasaña ikpere ndufo. Eyie ubọk ndufo, ndufo mme anam idiọọk, ndin enam esịd ndufo asana, ndufo mme enie esịd iba.