Ibru 7:1 - Ñwed Abasi Ke Ikọ Ibibio Ayo Mfịn

¹ Medkisedek ami akedo adidem Sadem ye aku Abasi Ibom andikoñ ñkan. Anye akekịt Ebraham naña anyọñ ekọñ a-anye akekaaha akekan ye mme ndidem anyʌñ adiọñ anye.

Ibru 7:1 ပူးပေါင်းရင်းမြစ်များ

Maak 5:7

Ndin anye abọọñ ñkpo ke afịd adudu amọ. “Nso-o ke afo ayem ye ami, Yisọs Ayịn Andikoñ Ñkan Abasi Ibom? Mmuukpeiye fiin ke anyịñ Abasi mbo kuuntʌkkọ miin!”

Utom 16:17

Abọikpa ami amaakeene Bọọd ye ñnyịn ke edem, abọọñ ñkpo abo, “Mbon ami edo nditọutom Abasi Andikoñ Ñkan, e-etañña ñkpọ ebaña usʌñ adinyaaña ino ndufo.”

Ibru 6:20

itie a-Yisọs amaakibebem ñnyịn iso idʌk ke ntak iwuod ñnyịn. Anye amaakappa akwa aku ke nsi-nsi kpa ukem-ukem nte Medkisedek.

Ibru 7:2

Ndin Ebraham amaanọ anye ubaak keed ke atu duop afịd-afịd ñkpọ. Ke akpa ifed, Medkisedek awuọ “adidem unenido” ke ado aboiyoke, ñko “adidem Sadem” awuọ “adidem emem.”

Ibru 7:3

Ikinieeghe ete me eka, ikinieeghe ntịppe, inieeghe ntọọñọ me usen uwem me utịd, kpa nte Ayịn Abasi anye ado aku ke nsi-nsi.

Ibru 7:6

Kpa ye ado, awo ami ikitooho ntịppe Difai, ado anye amaabọ Ebraham ayọhọ ubaak duop anyʌñ adiọñ anye a-akenieeghe mme enwọñọ ado.