Ibru 6:9 - Ñwed Abasi Ke Ikọ Ibibio Ayo Mfịn

⁹ Nditọeka, akpesʌk ado nte ñnyịn itañña ntom, adima ufan, ñnyịn iminekke inịm Abasi ke akpanikọ ibaña mme nti ñkpọ a-asañake ye adinyaaña ukpọñ inọ ndufo.

Ibru 6:9 ပူးပေါင်းရင်းမြစ်များ

Maak 16:16

Awo ake adinịm ke akpanikọ, anyʌñ abọ uduọkmmọọñ, eyaenyaaña anye, ado awo ake atre adinịm ke akpanikọ, ikpe ayaabiom anye.

Utom 11:18

Ammọ emaekekop ami, ikinieehe mfaaña aba, ado emaetooro Abasi ebo ete, “Awuọ Abasi afeen ndudue anọ mme Yentaid nọ ammọ enie uwem.”

Utom 20:21

Mmekwọrọ nnọ mme Yuu ye mme Krik mbo yak ammọ ekappa esịd ekeene Abasi, enyʌñ enie mbuọdidem ke Abọọñ ñnyịn Yisọs.

1 Kọrint 10:14

Ke ntak ado mme ufan, ifeghe ikpọñ ukpono ndem.

2 Kọrint 12:19

Iba ndufo nte ke afịd se inwana itañ ami ado ñnyịn adinyaaña idem ñnyịn ke iso ndufo? Ñnyịn itie ke iso Abasi itañ mme ikọ ami nte mbon e-ebaaha ke Krais; ndin afịd se inam, mme ndima ufan, ado adisọọñọ ndufo idem.

2 Kọrint 7:1

Sia ñnyịn iminie mme enwọñọ ami, nditọete, yak ñnyịn iyet se ideghe abʌkidem ye sịbidịd ifep ke idem ñnyịn, inam adisana ido ñnyịn afọn ama ke adibaak Abasi.

2 Kọrint 7:10

Sia mfʌghọ ke ido Abasi anam awo akappa esịd a-adatta adinyaaña anọ awo, inyʌññọ isaña ye utua ñkpọfiọk, ado mfʌghọ ederimbod adat ñkpa adi.

Kadesia 5:6

Sia ke Krais Yisọs adinịm mboppo mme aditre adinịm mboppo ibaaha ufọn ndomokeed. Ñkukwere ñkpọ a-abaaha ufọn ado mbuọdidem e-ekịtte eto ima.

Ibru 10:34

Ndufo emaesikop mbọm enọ mbon e-ekesịneke ke ufọk ñkpakọb, ñko ke ini ekesikoonoke mme inie ndufo, ekesibọ ke idaara sia emaediọọñọ ke ndufo ke idem ndufo emaenie mme inie, e-efọọnọ ekan e-ediinyʌñ ikpeene ke nsi-nsi.

Ibru 10:39

Ado ñnyịn isịneke ke atu mbon e-etịmmeke edem enyʌñ ebọ nsobo, ado isịne ke atu mbon e-enịmme enyʌñ ebọ adinyaaña.

Ibru 2:3

die ke ñnyịn idiibọkkọ adieke ñnyịn isịnne utọ ekamba adinyaaña ukpọñ ami? Adinyaaña ukpọñ ami Abọọñ ke idem amọ akebemme iso asian, ndin mbon e-ekekoppo enyʌñ esọọñọ inọ ñnyịn.

Ibru 5:9

ndin ke emaekenam anye afọn ama, anye amaakappa ado usʌñ nsi-nsi adinyaaña anọ afịd mbon e-ekoppo item enọ anye

Ibru 6:10

Abasi inieeghe ukwañ esịd; anye ikemeke adifre mme utom ndufo ye ima a-ndufo ewọttọ anye kpa nte ndufo emaekenyaaña nditọ amọ ndin enyʌñ esʌk eka iso enyanyaaña ammọ.

1 Bita 2:11

Ndima mme ufan, mmibeeñe ndufo, nte mme isenawo ye mbon isañ ke ederimbod, nte yak ediañña idem ekpọñ idiọọk udọñ, a-anwanake ye ukpọñ ndufo.

2 Bita 3:1

Mme ndima ufan, ami ado ayọhọ deta iba a-nnọọhọ esọk ndufo. Ñwed naña iba editoiyo adinam ndufo enie eti akikere.

1 Yọọn 2:7

Mme ndima ufan, idooho ufa ibed ke ñwet inọ ndufo, ado kpa akaan ibed a-ndufo emadiọdiọọñọ tọọñọ ke editọọñọ.

Ñwed Yud 1:3

Mme adima ufan, akpesʌk ado akembaaha ke ekamba udọñ adiwet ndufo mbaña adinyaaña afịd ñnyịn iwuanake, esịd añnyịk miin ñko adiwet ñkpeiye ndufo mbo isọọñọ ndufo ukod edika iso ñnwanake ntak mbuọdidem a-Abasi akenọọhọ mme ndisana awo.