Ibru 6:6 - Ñwed Abasi Ke Ikọ Ibibio Ayo Mfịn

⁶ adieke ammọ eduọọhọ ekpọñ usʌñ, adikan mmaana ndʌt ammọ nsịn ke ukappa esịd, sia ke ntakudua ammọ, ammọ emaana ekọñ Ayịn Abasi ke eto enyʌñ enam anye abọ esuenne anwa-anwa.

Ibru 6:6 ပူးပေါင်းရင်းမြစ်များ

Matiu 19:26

Yisọs amaabenne anyen ase ammọ anyʌñ abo ate, “Ñkpọ ami asọñ ye awo, ado ye Abasi afịd ñkpọ ado mmem-mmem.”

Eti Etob Naña Duk Awet 11:48

Awuọ ndufo etie ntiense esọọñọ se mme ete ndufo ekenam; ammọ emaewot mme brọfed, ndin ndufo edikọọk udi enọ mme brọfed ado.

2 Timoti 2:25

Ana enye asụụk idem ke ini anye ayemme edinekke mbon ebiọọñọke anye, ke idodanyen ke Abasi ayaanam utọ ibon ado ekappa esịd, ndin edinie ifiọk atooho akpanikọ,

Ibru 10:26

Adieke ñnyịn ikoiyokoi ikaiso adinam idiọọkñkpọ ke ini adooho imaibọbọ ifiọk akpanikọ, uwa idiọọkñkpọ ibaaha aba,

Ibru 10:29

Die ndin ke ediitre adinie unen adinọ awo a-adooho Ayịn Abasi ke idak ukod ufen, akpan-akpan, anye a-anamma iyiib edioomo nte mbad ñkpọ, a-akenamma anye asana, ñko akenyʌññọ asọñ Sịbidịd mfọn anyen?

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 4:14

Ndin, sia ñnyịn imainie akwa aku a-amaakesaña iboiyo ke mme abio ubọọñ Abasi, Yisọs Ayịn Abasi, yak ñnyịn itʌm imʌm akpanikọ ikama ke abaña mbuọdidem a-ñnyịn isọọñọke itañ ibaña.

Ibru 6:4

Ado ata akpọsọñ ñkpọ anọ mbon e-edooho emaebọ ntad anyen, e-emaeketabba mme mfọn Abasi ekop, e-emaekekeene ewana ke Adisana Sịbidịd

2 Bita 2:21

Akpaakefọn ammọ adikpitre adikidiọọñọ usʌñ adinenido akan adidiọọñọ mmaa, ndin ewọññọ ekpọñ adisana ewʌhọ e-ekenọọhọ ammọ.

1 Yọọn 5:16

Adieke awo ndomokeed akịtte ayịnete amọ naña anam idiọọkñkpọ a-ammiisụụhọ ke ñkpa, yak anye abọñ akam abo Abasi anọ anye uwem. Ntañ mbaña idiọọkñkpọ a-ammiisụụhọ ke ñkpa. Idiọọkñkpọ a-asuuhọ ke ñkpa mmọdo aba. Ami mbooho yak ebọñ akam ebaña anye a-asuuhọ ke ñkpa.