Ibru 6:4 - Ñwed Abasi Ke Ikọ Ibibio Ayo Mfịn

⁴ Ado ata akpọsọñ ñkpọ anọ mbon e-edooho emaebọ ntad anyen, e-emaeketabba mme mfọn Abasi ekop, e-emaekekeene ewana ke Adisana Sịbidịd

Ibru 6:4 ပူးပေါင်းရင်းမြစ်များ

Matiu 12:45

anye atịmme aka akedat sịbidịd itiaba ebakka ibak ekan anye adidʌñ keed. Idahami itie awo ado adidiọọk akan naña akedo akpa. Naña adiiba adodo ye idiọọk emana ami.”

Matiu 5:13

“Ndufo edo inʌñ ederimbod. Ado adieke inʌñ mmiinemme aba, ediinam die nọ anye amaana anie inem? Ifọnnọ ke baaba usʌñ nte keed aba, ana etop anye eduọk, efiik ke ukod.

Yọọn 15:6

Awo keed ake adodo a-mmiidʌññọ ke ami aba nte ñkọk e-ekpịkkeke nọ ana asaad, e-ekoonoke mme utọ ñkọk ado etop edọñ ke ikañ enyʌñ efọọmọ.

Yọọn 3:27

Yọọn amaabọọrọ ammọ, “Awo akeme adibọ sʌk se enọ anye eto abio ubọọñ Abasi kpọd.

Yọọn 4:10

Yisọs abọọrọ anye ate, “Akpedo amaadiọọñọ enọ Abasi mme awo u-ubịppe fiin mmọọñ ami, afo akpaabịp anye ndin anye akpaunọ fiin mmọọñ uwem.”

Yọọn 6:32

Yisọs amaabo ammọ ate, “Ke ata akpanikọ ami ntañ inọ ndufo, idooho Moses inọọ ndufo uyo atooho abio ubọọñ Abasi, ado Ete Mmi anọ ata uyo atooho abio ubọọñ Abasi.

Utom 10:45

Mbon e-emaekena mboppo, e-enịmme ke akpanikọ, e-ekesañake ye Bita edi, emaeba ke mkpaidem naña mme Yentaid ñko ekebọ enọ Adisana Sịbidịd.

Utom 11:17

Adieke Abasi akenọọhọ ammọ ukem enọ anye akinọọhọ ñnyịn i-ikinịmme Abọọñ Yisọs Krais ke akpanikọ, ami ñkedo anie awo adikere ke mmekeme iniin uyo Abasi?”

Utom 15:8

Abasi, adiọọñọke esịd awo, amaawọt abo ke imidat ammọ isịn ke atu ato ke adinọ Adisana Sịbidịd asọk ammọ ukem naña anye akenam inọ ñnyịn.

Utom 8:20

Bita amaabọọrọ anye ate, “Yak akʌk mfo atak ye afo, sia afo akere abo ke imikeme idep enọ Abasi ke akʌk!

Ñwed Mbon Rum 1:11

Mmenie udọñ adikịt ndufo nọ ami inọ ndufo mme enọ sịbidịd adinọ ndufo nsọñidem,

2 Kọrint 4:4

Abasi ayo ami amaanam ekike mbon e-emmiinịmme ke akpanikọ akịm, mbaak unwana eti etob ubọọñ Krais, a-adooho mbiod Abasi, adiyamma anọ ammọ.

2 Kọrint 4:6

Sia Abasi akenọọhọ uyo ate, “Yak unwana ayama ke akịm,” amaanam unwana amọ ayama ke esịd ñnyịn ma anye anwaña awo anyen adidiọọñọ ubọọñ Abasi ke iso Yisọs Krais.

Kadesia 3:2

Ñkpaama adikpeep ñkpọ keed ito ndufo: Ndufo ekebọ edisana Sịbidịd ke adinịm ibed me ke adinịm se ekekop?

Kadesia 3:5

Nte Abasi inọ ndufo Sịbidịd amọ mme unam utịbeñkpọ ke atu ndufo sia emenịm ibed me sia emenịm se ekekop?

Efisọs 1:18

Ami mmenyʌñ mbọñ akam mbo yak anyen esịd ndufo anwaña nọ ato do ndufo ediọọñọ idodanyen a-anye ikoodo ndufo, ye uforo ke ubọọñ inie amọ ke ndisana nditọ Abasi,

Efisọs 2:8

Sia ke mfọn ke inyaaña ndufo, ato mbuọdidem, ndin ami idooho ke idem ndufo, ado enọ a-atooho Abasi,

Efisọs 3:7

Ami mmaakappa ndo afʌn ikọabasi, ami ato ke mfọn a-Abasi annọọhọ miin ato ke mme utom adudu amọ.

Efisọs 4:7

Ado einọ ñnyịn keed-e-keed mfọn naña Krais adeeme.

1 Timoti 4:14

Kuuduọọk enọ u-usịneke fiin ke idem, e-ekunọọhọ eto brọfesi idaha mme nyobioawo ekudotto ubọk.

2 Timoti 2:25

Ana enye asụụk idem ke ini anye ayemme edinekke mbon ebiọọñọke anye, ke idodanyen ke Abasi ayaanam utọ ibon ado ekappa esịd, ndin edinie ifiọk atooho akpanikọ,

2 Timoti 4:14

Adeksanda, adomutịm, amaannam ibak eti-eti. Abasi ayaasio usieene akekem ye se anye anam.

Ibru 10:32

Toiyo mme akpa usen ado ke ndufo emaekebọ unwana, ke ini a-ndufo ekesọọñọke eda ke akwa anwan ke iso ukuud.

Ibru 2:4

Abasi akenyʌñ anọ ikọ ntiense abañake adinọ mme idiọọñọ, mme utịbe ñkpọ, mme utom adudu ye mme enọ Adisana Sịbidịd e-ekedeemeke nte asañake akekem ke udọñ amọ.

1 Yọọn 5:16

Adieke awo ndomokeed akịtte ayịnete amọ naña anam idiọọkñkpọ a-ammiisụụhọ ke ñkpa, yak anye abọñ akam abo Abasi anọ anye uwem. Ntañ mbaña idiọọkñkpọ a-ammiisụụhọ ke ñkpa. Idiọọkñkpọ a-asuuhọ ke ñkpa mmọdo aba. Ami mbooho yak ebọñ akam ebaña anye a-asuuhọ ke ñkpa.