Ibru 6:17 - Ñwed Abasi Ke Ikọ Ibibio Ayo Mfịn

¹⁷ Sia Abasi akeyem adinam uduak amọ a-mmiisikpəhoke uduood anwaña mbon a-anye akenamma enwọñọ ado anọ mfọn-mfọn, anye amaasọọñọ ke enwọñọ.

Ibru 6:17 ပူးပေါင်းရင်းမြစ်များ

Yọọn 10:10

Inọ adi adiyịp ñkpọ ñnyʌñ ñwot awo ñnyʌñ nsobo, ado ami mmedi nọ ammọ enie uwem, enyʌñ enie anye ayọhọ-ayọhọ.

Ñwed Mbon Rum 11:29

sia awo ikemekke adiisọọk mme enọ Abasi mme ikood amọ mfep.

Ñwed Mbon Rum 8:17

Do ndin adieke ñnyịn idooho nditọ amanaisọñ ndin ñnyịn ido mme adiaakpa–adiaakpa ake Abasi ye mme adiana adiaakpa mme Krais; sia adieke ñnyịn iwuaanake ke ufen amọ ke akpanikọ, iyainyʌñ iwuaana ke ubọọñ amọ.

Kadesia 3:29

Adieke adooho Krais inie ndufo, awuọ ndufo edoñño mfịd Ebraham, mme adia akpa amọ ato ke enwọñọ.

Efisọs 1:11

Ke anye, emaenyʌñ imeemek ñnyịn i-imaikibaba tọọñọ ke aditọọñọ nte asañake akekem ke ubonoñkpọ anye a-anamma afịd ñkpọ asio nọ asaña ye ewʌhọ uduak amọ,

Ibru 11:7

Ke mbuọdidem Nua, ke ini emaekewuuk anye ebaña mme ñkpọ a-anye mmiikikịtte ke anyen dion, ke adisana mbaak anye amaabọp ubom a-akenyaañake ufọk amọ. Ke mbuọdidem amọ anye amaabiom ederimbod ikpe ndin amaanyʌñ akappa ado adiaakpa nti ido asañake ye mbuọdidem.

Ibru 11:9

Ke mbuọdidem anye amaabọp ufọk ke isọñ enwọñọ nte asenawo ke asen idịd; anye akedʌñ ke atayad nte a-Aisik mme Yekọb ekenamma, e-ekedooho mme akpa adiaakpa ye anye ke ukem enwọñọ.

Ibru 6:12

Ñnyịn iyemme ndufo ekappa ifu, ado edubọiyọ mbon e-eduuho ke mbuọdidem ye ime, ammọ ebọ inie a-Abasi amaakenwọnwọñọ.

Ibru 6:16

Mme awo esinwọñọ ke anyịñ awo se ikpon ikan ammọ, ndin utọ enwọñọ ado asisọọñọ se etañ anyʌñ atre afịd-afịd mfaaña.

Ibru 6:18

Abasi akenam ami nọ ato do, ke mme ñkpọ iba e-emmiikemeke adikpəhọ, a-Abasi ñko mmiikemeke adisʌhọ nsu, ñnyịn i-imaiikifeeñe idimʌm idodanyen e-enyanna inọ nte añkọ adimʌm ukpọñ ñnyịn, ma anye asọọñọ ada kwak!

Yemsi 1:17

Afịd ntiñkpọ ye afịd mfọnmma enọ ato anyọñ, asọiyọ ato Ete unwana anyọñ, a-mmiikpəhọke nte mme ndukpọñ ekpuuñọke.

Yemsi 2:5

Ikpañ utọñ, mme ndima nditọete: Nte Abasi imekke mbon edoññoke uweene ke anyen ederimbod nọ edido imọ ke mbuọdidem enyʌñ edinie abio ubọọñ a-anye akenwọñọke anọ mbon e-emaaha anye?

1 Bita 1:3

Itooro anie Abasi ye Ete Abọọñ ñnyịn Yisọs Krais! Ke akamba mbọm ammọ, annọ ñnyịn ufa emana asịn ke uwem idodanyen ato ke adised Yisọs Krais ke ñkpa;

1 Bita 3:7

Mme ebe, kpasʌk ntodo, edu uwem ye ibaan ndufo nte mme enie-iwuod awo; enọ ibaan ukpono nte mbon ememme ekan ndufo, sia ammọ enyʌññọ ekeene ndufo ewana ke mfọn uwem, mbaak ñkpọ ndomokeed adibiọññọ akam ndufo.