Ibru 6:11 - Ñwed Abasi Ke Ikọ Ibibio Ayo Mfịn

¹¹ Ñnyịn iyem afịd ndufo ewọt ukem-ukem ntịñanyen ami tutu ata akpatre, nọ ato do idodanyen ndufo atʌm asọñ.

Ibru 6:11 ပူးပေါင်းရင်းမြစ်များ

Matiu 24:13

Ado awo a-asọñọke ada akewuọ utịd eyaenyaaña anye.

Eti Etob Naña Duk Awet 1:1

Uwak mme awo edomo ukeme adiwet mbʌk ñkpọ se ikitịppe ke ufọọd ñnyịn,

Ñwed Mbon Rum 12:8

adieke adooho adinọ item, nọ item; adieke adooho adinọ mbon unanna ñkpọ, tat ubọk nọ, adieke adooho adidat usʌñ, dat usʌñ; adieke adooho adiwọt mbọm, nam ado ke inemesịd.

Ñwed Mbon Rum 15:13

Yak Abasi idodanyen ayọọhọ ndufo ye afịd idadesịd ye emem naña ndufo edot anyen ke anye, nọ ndufo ekpesʌk eyọọhọ mme idodanyen ke adudu Adisana Sịbidịd.

1 Kọrint 13:13

Ndin idahami ñkpọ ita ami esʌhọ: mbuọdidem, idodanyen ye ima. Ado andikpon ñkan ke atu mme ñkpọ ami ado ima.

1 Kọrint 15:58

Ke ntom, ndima nditọete mmi, isọọñọ ida. Ikiiyak ñkpọ ndomokeed inyeeñe ndufo. Afịd-afịd ini, isịn idem ndufo ayọhọ-ayọhọ ke utom Abọọñ, sia emediọọñọ ke ñwaidem ndufo idooho ke utak-utak.

Kadesia 5:5

Ado ke mbuọdidem ye ke ñnyekidem ñnyịn isʌk ibet mme nti ido a-ñnyịn idotto anyen ibaña ato ke Sịbidịd.

Kadesia 6:9

Yak ñnyịn ikuukpa mba ke adinam etiñkpọ, sia ke akem ini iyaidọk idọk, adieke ñnyịn mmisịñeke idem ikpọñ.

Fidibai 3:15

Afịd ñnyịn i-ikponno inyʌñ idiọọñọ idem akpena ida ikịt mme ñkpọ ke utọ usʌñ ami. Ñko adieke abaaha ñkpọ a-ndufo ekereke ebaña ke nsio-nsio usʌñ, anye ado ñko Abasi ayaanam inwaña ndufo.

Kodosi 1:23

adieke ndufo ekaaha iso ke mbuọdidem ndufo, e-esọọñọ eda, e-enie iwuuk, ifemmeke ikpọñ eti etob. Anye ami ñko ado eti etob andufo ekekoppo enyʌññọ ekwọrọ enọ afịd ñkpọ se Abasi abot ke ikpaanyọñ, ndin a-ami, Bọọd, ñkappake ndo afʌn nnọ.

Kodosi 1:5

mbuọdidem mme ima a-atooho ke idodanyen e-ekeboono ke abio ubọọñ Abasi inọọ ndufo, a-ndufo emaekekop ebaña ke ikọ akpanikọ a-atooho eti etob,

Kodosi 2:2

Uduak mmi ado nọ ammọ enie idọñesịd enyʌñ ediana ke ima, nọ atoodo ammọ enie ayọhọ imọ a-atooho ke ayọhọ edidiọọñọ mme ndịbe-ndịbe ñkpọ Abasi, a-adooho Krais,

1 Tesadonia 1:5

sia eti etob ñnyịn ikisañake ye ikọ inua ikpọọñ, ado ye adudu ñko, ye Adisana Sịbidịd ndin ye aditʌm nnịm ke akpanikọ ke esịd. Ndufo emediọọñọ naña ñnyịn ikidu uwem ke atu ndufo ke ntak iwuod ndufo.

1 Tesadonia 4:10

Ndin ke akpanikọ, ndufo emema afịd ubon Abasi ke Masidonia. Ado ñnyịn isʌk ikpak ndufo idem, nditọete, adika iso nnam ntodo ñkakan.

2 Tesadonia 3:13

Ndin ndufo, nditọete, ikiiyak ikak ndufo adinam se ifọn.

Ibru 10:22

yak ñnyịn isaña ikpere Abasi ye esịd akpanikọ ke ayọhọ mbuọdidem, sia emaekekama nsana mmọọñ esiime ke esịd ñnyịn enam ñnyịn isana inana ubiomikpe ke akikere ñnyịn, ñko sia emaekekama nsana mmọọñ ado iyet idem ñnyịn asana.

Ibru 3:14

Ñnyịn imidi adiwuana ke Krais adieke ñnyịn idiikan isọñ ubọk imʌm mbuọdidem a-ñnyịn ikinieeghe ke akpa ikama tutu asịm utịd.

Ibru 3:6

Ado Krais anam akpanikọ nte Ayịn ke ufọkabasi. Ndin ñnyịn ido ufọk amọ, adieke ñnyịn imʌmmọ etiido ñnyịn ikama ye idodanyen a-ñnyịn idatta itañ ase.

1 Bita 1:21

Ato ke anye, ndufo enịm Abasi ke akpanikọ, a-akenamma anye aset ke ñkpa anyʌñ anọ anye ubọọñ, ke ntodo mbuọdidem mme idodanyen ndufo aba ke Abasi.

2 Bita 1:10

Ke ntodo, nditọete, idiọdiọñ isịn ifịk inam ikood ekikoodo ndufo ye adimek ekimekke ndufo asọọñọ ada; sia adieke ndufo enamma mme ñkpọ ami, ndufo idiikọbọke iduọ;

2 Bita 3:14

Ke ntodo, mme ndima ufan, sia ndufo etieeghe ebet mme ñkpọ ami, esịn afịd ifịk nọ edikịt ndufo naña enana ntọi, enana ndo enyʌñ eba ke emem ye anye.

1 Yọọn 3:14

Ñnyịn imidiọọñọ ibo ke imiwuọọñọ ke ñkpa, idʌk ke uwem, sia ñnyịn imima nditọete ñnyịn. Awo ake mmiinieeghe ima asʌk aka iso asịne ke ñkpa.

1 Yọọn 3:19

Ntom ke ñnyịn idiọọñọ ke ñnyịn ida ke akpanikọ, ye naña ñnyịn idiinie emem ke iso amọ

Adiyaara 2:26

Ndin anye a-akanna anyʌñ anam uduak Mmi akesịm utịd ñyaanọ anye adudu adikara mme idịd.