Ibru 6:10 - Ñwed Abasi Ke Ikọ Ibibio Ayo Mfịn

¹⁰ Abasi inieeghe ukwañ esịd; anye ikemeke adifre mme utom ndufo ye ima a-ndufo ewọttọ anye kpa nte ndufo emaekenyaaña nditọ amọ ndin enyʌñ esʌk eka iso enyanyaaña ammọ.

Ibru 6:10 ပူးပေါင်းရင်းမြစ်များ

Matiu 10:42

Ndin awo akpenọ keed ke atu mbon ami kọọb ndedeñ mmọọñ keed nọ anwọñ ke ntak adooho mbed mmi, ntañ akpanikọ anye ayaabọ eti utịb.”

Matiu 20:7

“Ammọ emaebọọrọ ete, ‘Sia awo ndomokeed ikpeeghe ñnyịn utom.’ “Anye abo ammọ ate, ‘Ndufo ika ke inwañ utom mmi ñko.’

Matiu 25:17

Awo a-akebọọhọ taden iba, anyʌñ anam udoro taden iba ke ukem usʌñ ami.

Maak 9:41

Ke akpanikọ ke ntañ ami inọ ndufo, awo ake adodo i-inọọhọ ndufo kọọb mmọọñ keed ke anyịñ mmi, sia ndufo edoñño ake Mesaya, ikemeke-keme iduọọk utịp amọ.”

Yọọn 13:20

Ke ata akpanikọ ami ntañ inọ ndufo, awo ake adodo a-anyịmmeke awo ami ndọññọ añnyịmme miin; awo ake adodo anyʌññọ añnyịmme miin, anyịmme anye a-akendọññọ miin.”

Utom 10:31

anyʌñ ambo, ‘Kọnediọs, Abasi akop akam mfo anyʌñ atoiyo mme enọ a-afo anọọhọ mme uweene.

Utom 10:4

Anye amaatat anyen ase enyere anyʌñ akop ndịk, ndin abịp abo, “Ado die Abọọñ?” Enyere amaabọọrọ ate, “Akam ye mme enọ mfo a-anọọghọ uweene edọọk esịm Abasi nte ñkpọ uwa aditoiyo.

Utom 11:29

Mme mbed, ke ukeme ammọ keed-e-keed, emaebiire adinọ nditọeka ammọ ke Abọọñ, e-ekedʌññọ ke Yudia unwam.

Ñwed Mbon Rum 12:13

Wana inie mfo ye mme ikọd Abasi e-ebaaha ke unana. Ka iso adinam etiido.

2 Kọrint 9:1

Ufọn ibaaha ami adiwet inọ ndufo mbaña utom mfọn e-enamma enọ mme ndisana ikọd Abasi.

Kadesia 5:13

Ndufo, nditọete mmi, ekikood ndufo ebo nọ ebọkkọ. Ado ikiidat ubọkkọ ndufo inam idiọọkñkpọ, utu ke ado inam ñkpọ inọ emọ-emọ ke ima.

Kadesia 5:6

Sia ke Krais Yisọs adinịm mboppo mme aditre adinịm mboppo ibaaha ufọn ndomokeed. Ñkukwere ñkpọ a-abaaha ufọn ado mbuọdidem e-ekịtte eto ima.

Kadesia 6:10

Ke ntodo, naña ñnyịn inenie ufañ, yak ñnyịn inam eti inọ afịd awo, akpan-akpan mbon e-esịneke ke ubon mbon e-enịmme ke akpanikọ.

Kodosi 3:17

Ndin se adodo a-ndufo enamma, me ke inua ikọ me ke adinam, inam afịd ke anyịñ Abọọñ Yisọs, inọ Abasi Ete ekọọm ato ke anye.

1 Tesadonia 1:3

Afịd ini ñnyịn imisitoiyo ndufo ke iso Abasi Ete ke abaña utom ndufo a-atooho ke mbuọdidem, akpọsọñ utom ndufo e-enamma ato ke ima, ye adibọ ke ime ndufo a-ademmeke ato ke idodanyen ke Abọọñ ñnyịn Yisọs Krais.

1 Timoti 6:18

Bo ammọ enam nti utom uwak-uwak, enyʌñ efọn ido, enyʌñ ebeeñe idem ediwuana se ammọ enie ye mbon mfen.

2 Timoti 4:8

Ndin idaha ami, ebeeñe anyanya etiido enịm ennọ miin, a-Abọọñ, unen Abiireikpe, adinnọ miin ke usen ado, ndin idooho ami ikpọọñ ke ediinọ, eyaanọ afịd mbon e-enieghe udọñ anye editịmme ndi.

Ibru 10:32

Toiyo mme akpa usen ado ke ndufo emaekebọ unwana, ke ini a-ndufo ekesọọñọke eda ke akwa anwan ke iso ukuud.

Ibru 13:16

Ndin ikiifre adinam nti ñkpọ ñnyʌñ ñwuana se enie ye mbon mfen, sia utọ uwa ntodo asinem Abasi esịd.

1 Yọọn 1:9

Adieke ñnyịn iyaarake mme idiọkọ ñkpọ ñnyịn, anye ado anam akpanikọ, anyʌñ anen ndin anye ayaafeen ndudue ñnyịn anyʌñ ayet ñnyịn isana ke ukeed ndiọiñkpọ ñnyịn.