Ibru 6:1 - Ñwed Abasi Ke Ikọ Ibibio Ayo Mfịn

¹ Ke ntodo yak ñnyịn ikpọñ ndin mme akpa ntọọñọ ukpeeb ñkpọ a-abañake Krais, yak isịn idem ikpon, inyʌñ idọọk ke ifiọk, yak ikiimamaana ikitọọñọ ke itiad idakisọñ adikappa esịd eto mme ñkpọ e-edatta awo eka ñkpa, ye mbuọdidem ke Abasi, ye

Ibru 6:1 ပူးပေါင်းရင်းမြစ်များ

Matiu 21:29

“Anye ado abọọrọ, ‘Ndiikaaha,’ ado akema akpəgho akikere amọ adika.

Matiu 21:32

Sia Yọọn amaadi adiwọt ndufo nnen-nnen usʌñ ado ndufo ikinịmme anye ke akpanikọ, ado mme abọ taksi ye mme akpara emaenịm anye ke akpanikọ. Kpa ye ado, ndufo ikikappake esịd, ikinyʌññọ inịm anye ke akpanikọ.

Matiu 3:2

ate, “Ikappa esịd sia abio ubọọñ Abasi akpere.”

Matiu 4:17

Tọọñọ ke ini ado Yisọs atọọñọ akwọrọ ate, “Ikappa esịd sia abio ubọọñ Abasi akpere.”

Matiu 5:48

Ana ndufo efọn ema, kpa nte Ete ndufo ke anyọñ afọnnọ ama.

Matiu 7:25

Akem edịm adidep, mme idịm ediyọọhọ etọ anye, ayobio ñko adinyeeñe anye, ado anye iduọọhọ, sia idakisọñ amọ akedo itiad.

Maak 1:1

Ntọọñọ eti etob a-abañake Yisọs a-dooho Mesaya, Ayịn Abasi,

Maak 6:12

Mme ibed amọ emaewuọọñọ ekekwọrọ ikọ Abasi, ete yak mme awo ekappa esịd.

Eti Etob Naña Duk Awet 6:48

Ammọ eba nte abọbufọk a-amaakedọk isọñ atəñọ ndin asịn itiad idakisọñ. Atọ amaadi, mmọọñ anyʌñ aditọ ufọk ado ikiwuudo ufọk ado, sia emaenekke ebọp anye.

Yọọn 12:44

Ndin Yisọs amaabọọñ akpọsọñ uyo ate, “Awo a-annịmme miin ke akpanikọ, innịmme miin ikpọọñ ke akpanikọ, ado anịm andikindọñ miin ñko ke akpanikọ.

Yọọn 14:1

“Ikiiyak esịd ndufo atịmede. Ndufo emenịm Abasi ke akpanikọ; innịm miin ñko ke akpanikọ.

Yọọn 5:24

“Ke ata akpanikọ ami ntañ inọ ndufo, awo keed ake adodo a-akpaña utọñ anọ ikọ mmi anyʌñ anịm awo a-akendọññọ ke akpanikọ anie nsi-nsi uwem, awo idiinyʌññọ ibiom anye ikpe ado anye awuọ ke ñkpa adʌk uwem.

Utom 11:18

Ammọ emaekekop ami, ikinieehe mfaaña aba, ado emaetooro Abasi ebo ete, “Awuọ Abasi afeen ndudue anọ mme Yentaid nọ ammọ enie uwem.”

Utom 17:30

Ke ayo mkpọñ ako Abasi amaafeen anọ ammọ ke unana adidiọọñọ, ado idahami anye anọ iwuuk ate afịd awo ke afịd itie ekappa esịd.

Utom 2:38

Ndin Bita amaabọọrọ ammọ abo ate, “Afịd ndufo ikappa esịd inyʌñ ibọ uduọkmmọọñ ke anyịñ Yisọs Krais nọ afeen mme idiọọkñkpọ ndufo. Ndufo ñko eyaebọ enọ Adisana Sịbidịd.

Utom 20:21

Mmekwọrọ nnọ mme Yuu ye mme Krik mbo yak ammọ ekappa esịd ekeene Abasi, enyʌñ enie mbuọdidem ke Abọọñ ñnyịn Yisọs.

Utom 26:20

Akpa, tọọñọ ye mbon e-ebaaha ke Damaskọs ye ke Yerusedem ye ke afịd Yudia, ye mme Yentaid ñko, ñkekwọrọ mbo ammọ ekappa esịd ekeene Abasi enyʌñ ewọt ebo ke mmimọ imikappa esịd ato ke adinam ammọ.

Utom 3:19

Ikappa esịd, ndin, inyʌñ itịmme ikeene Abasi, ma esọọk ndiọiñkpọ ndufo esio, ma ini adidemme ado ato Abọọñ,

1 Kọrint 13:10

ado ke ini ayọhọ ifiọk amaakem, ubaak ifiọk ayaasop.

1 Kọrint 2:6

Kpasʌk ado, imisʌk ineme ikọ aniọñ inọ mme adiọọñọ idem awo, ado idooho aniọñ emana mfịn me ake mme andikara ayo mfịn, e-ediwuọọñọ ikpu-ikpu.

2 Kọrint 7:1

Sia ñnyịn iminie mme enwọñọ ami, nditọete, yak ñnyịn iyet se ideghe abʌkidem ye sịbidịd ifep ke idem ñnyịn, inam adisana ido ñnyịn afọn ama ke adibaak Abasi.

2 Kọrint 7:10

Sia mfʌghọ ke ido Abasi anam awo akappa esịd a-adatta adinyaaña anọ awo, inyʌññọ isaña ye utua ñkpọfiọk, ado mfʌghọ ederimbod adat ñkpa adi.

Efisọs 2:1

Ndufo e-emaekpañña ke ntak ndiọiñkpọ ye ukwañ uwem,

Efisọs 2:5

amaanam ñnyịn idu uwem ye Krais akpesʌk ado imaikikpañña ke mme ukwañ ñkpọ, ado ato ke mfọn ke ndufo ebọ adinyaaña.

Efisọs 4:12

adibeeñe mbon Abasi idem mbaña utom unwam, nọ ekan ebọp idem Krais

Kodosi 1:28

Anye ke ñnyịn ikwọrọ, i-inọ item inyʌñ ikpeeb afịd awo ke afịd ifiọk, nọ ato do ñnyịn inam afịd awo efọn ema ke Krais.

Kodosi 3:14

Ndin ke akanna afịd mme nti ido ami, sịne ima, a-abọppọ afịd ammọ ami adian keed ke usʌñ a-afọnnọ ama.

Kodosi 4:12

Epafras, a-adooho keed ke atu ndufo mme ayịnufọk Krais Yisọs, adọñ ekọọm. Anye anwana afịd ini ke akam inọ ndufo, ate ndufo ekap esọọñọ eda ke afịd uduak Abasi, ekọt mfọn-mfọn, enyʌñ enie mbuọdidem ayọhọ-ayọhọ.

1 Timoti 3:16

Eniin akuuba ke atu ndufo abaña ido ukpono Abasi ñnyịn sia ado ekamba utịbe ñkpọ: Ado anye akeyaara idem amọ ke ikpọkidem, anye ado Andinen ke Sịbidịd mme enyere emaekịt anye. Emaekwọrọ anye ke atu mme idịd, emaenịm anye ke akpanikọ ke ederimbod, ndin eben anye edọọk ke ubọọñ.

1 Timoti 6:19

Ke adinam ntom ammọ eyaetʌm inie ebono enọ idem ammọ, inie a-adooho eti itiad idakisọñ ke ini iso, nọ ammọ ediikan imʌm uwem adooho ata uwem ikama.

2 Timoti 2:19

Kpa ye ado, itiad idakisọñ Abasi asọọñọ ada ye mme ikọ ami: “Abọọñ adiọọñọ mbon se ido ake Amọ,” amaana adian: “Afịd awo se itommo anyịñ Abasi ana asioño idem akpọñ ukwañ ido.”

Ibru 11:6

Ñko, awo a-mmiinieeghe mbuọdidem ikemekekeme adinam se inem Abasi esịd, sia awo ndomokeed a-adieeghe abịne anye ana anịm ke akpanikọ ke anye mmọdo, ñko ke anye ado andinọ mbon e-eyemme anye ke afịd esịd utịb.

Ibru 12:13

“Inam afañ usʌñ ndufo ada ukem-ukem inọ ndufo,” mbaak afekke ukod adikappa mbʌñọ, ado abọ nsọñidem.

Ibru 7:11

Adieke ekpekekanna enie mfọnmma ato ke idak ubonoñkpọ Difai (sia aketo ke ntak ami enọ mme awo mme ibed) ntak ekekịtte ufọn aku mfen adidi-e, ake ubonoñkpọ Medkisedek, idooho ke idak ubonoñkpọ Erọn?

Ibru 9:14

die ndin ke iyiib Krais, a-akedooho ke ntak Sịbidịd nsi-nsi ayaak idem nte anana ndo uwa anọ Abasi, miidiiyette esịd ñnyịn isiooño mme adinam a-adatta awo aka ñkpa ifep, nọ ñnyịn ikan inam ñkpọ inọ aduuwem Abasi!

Yemsi 1:4

Ime ana akweeñe utom amọ nọ atoodo ndufo ediọọñọ idem ayọhọ-ayọhọ, inanake ñkpọ ndomokeed.

1 Bita 1:21

Ato ke anye, ndufo enịm Abasi ke akpanikọ, a-akenamma anye aset ke ñkpa anyʌñ anọ anye ubọọñ, ke ntodo mbuọdidem mme idodanyen ndufo aba ke Abasi.

1 Bita 5:10

Ndin Abasi afịd mfọn a-akikoodo ndufo ate edidʌk ke nsi-nsi ubọọñ amọ ke Krais, ke ini ndufo emaekekịt ukuud ke etək ini, ayaamaana idʌt ndufo adat anyʌñ anam enie adudu, nsọọñọnda ye ñkaiso.

1 Yọọn 4:12

Awo ndomokeed akenam ikịtte Abasi ke anyen; ado adieke ñnyịn imaaha emọ-emọ awo, Abasi adʌñ ke esịd ñnyịn anyʌñ anam ima Abasi afọn ama ke uwem ñnyịn.