Ibru 5:9 - Ñwed Abasi Ke Ikọ Ibibio Ayo Mfịn

⁹ ndin ke emaekenam anye afọn ama, anye amaakappa ado usʌñ nsi-nsi adinyaaña anọ afịd mbon e-ekoppo item enọ anye

Ibru 5:9 ပူးပေါင်းရင်းမြစ်များ

Matiu 17:5

Ke ini anye asʌkkọ atañ ntom, nyamma-nyamma ntọñanyọñ adifʌk ammọ akanna; ndin uyo ato ntọñanyọñ ami ate, “Anye ami ado Ayịn mmi a-mmaaha, nnyʌñ nnem esịd ye anye. Ikpañ utọñ inọ anye.”

Eti Etob Naña Duk Awet 13:32

Anye amaabọọrọ ammọ ate, “Kaa kedọkkọ ewaikọd ado bo ke ‘ami nyaaka iso mbịn mme ndiọi sịbidịd ñnyʌñ ñkọk udọñọ mfịn ye ñkpọñ, ndin ke ayọhọ usen ita, ami ñyaama se ñkeyem adinam.’

Yọọn 19:30

Ke Yisọs amaaketʌm ukọd ado, anye amaabo, “Akweeñe.” Ke anye amaakebo ntodo, anye amaasuuk iwuod ke isọñ, ayak sịbidịd amọ.

Utom 3:15

Emaewot andinọ uwem ado Abasi amaanam anye aset ke ñkpa, nte ñnyịn idooho mme ntiense ibaña.

Utom 4:12

Adinyaaña ibaaha ke awo mfen ndomokeed, sia anyịñ ndomokeed mfen ibaaha ke idak ikpaanyọñ e-enọọhọ uduudawo, a-anaaha ñnyịn ibọ adinyaaña ito.”

Utom 5:32

Ñnyịn ido mme ntiense ibaña mme ñkpọ ami, ntodo ñko ke Adisana Sịbidịd ado, a-Abasi añọọhọ mbon e-ekoppo uyo amọ.”

Ñwed Mbon Rum 1:5

Ato ke anye ke ntak Ayịn amọ ñnyịn imibọ mfọn mme adido abọsịd nyʌñ kood afịd mme Yentaid ke adikop uyo a-atooho ke mbuọdidem ke ntak anyịñ Yisọs.

Ñwed Mbon Rum 10:16

Ado idooho afịd nditọ Isred ekeenyịmme eti etob ami. Sia Aisaya abo, “Abọọñ, mme anie awo ekeenịm etob ñnyịn ke akpanikọ?”

Ñwed Mbon Rum 15:18

Ami ndiidomoke aditañ ñkpọ ndomokeed ibọhọke se Krais anam ama anto miin ke edidat mme Yentaid usʌñ nọ ammọ esuuk iwuod enọ Abasi ato ke se ami ntañ ñnyʌñ nnam,

Ñwed Mbon Rum 2:8

Ado amaado mbon e-eyemme ubọọñ idem ammọ, enyʌñ esịn akpanikọ ndin ekene idiọọk, ifiopesịd mme iyadesịd ayaaba.

Ñwed Mbon Rum 6:17

Ado mmekọọm Abasi nte ke akpesʌk ado a-ndufo ekesidooho ifʌn enọ idiọọkñkpọ, ndufo emaenam se ekikpeep ndufo ke afịd esịd ndin anye akappa ado usʌñ nkobuyo ndufo idahami.

2 Kọrint 10:5

Ñnyịn iwuud akikere esịd awo ye afịd ñkoñ-ñkoñ ñkpọ ebenneke idem ke anyọñ eñwana ye ifiọk Abasi, inyʌñ imʌm afịd akikere ukad, inam ammọ esuuk iwuod enọ Krais.

Fidibai 2:12

Ke ntodo mme ndima ufan mmi, kpa nte ndufo esikoppo item afịd ini idooho ke idaha a-ami mbaaha ikpọọñ, ado akpan-akpan ke mmembaaha ika iso inam utom adibọ adinyaaña ukpọñ ke ndịk ye ñnyekidem,

2 Tesadonia 1:8

Anye ayaamia mbon a-mmiidiọọñọke Abasi ufen a-mmiinyʌññọ isuuk iwuod inọ Abọọñ ñnyịn Yisọs.

2 Tesadonia 2:16

Yak Abọọñ ñnyịn Yisọs Krais ke idem amọ ye Abasi Ete ñnyịn, a-akimaaha ñnyịn ndin ke mfọn amọ inọ ñnyịn nsi-nsi nsọọñọukod ye eti idodanyen,

2 Timoti 2:10

Ke ntak ami ñko ke ami ñyọ ke ntak ufọn mbon a-Abasi amekke nọ ammọ ñko enie adinyaaña eto Krais Yisọs, enyʌñ ebọ nsi-nsi ubọọñ.

Ibru 1:14

Nte mme enyere Abasi idooho mme sịbidịd nsaña utom e-esiooho edọñ ebo enam ñkpọ enọ mbon e-ediibọ adinyaaña?

Ibru 11:40

sia Abasi amaaduak ñkpọ se ifọn ikan inọ ñnyịn nọ ato ke adidiana ye ñnyịn ikpọọñ ekpenam ammọ efọn ema.

Ibru 11:8

Ke mbuọdidem Ebraham, ke ini emaekekood anye ibo aka itie a-adooho amaama anye ayaakappa abọ nte udeme akemọ, amaakop item anyʌñ aka, akpesʌk ado nte anye mmiikidiọọñọke nte aka.

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 2:10

Ke adikoono uwak nditọ ndʌk ubọọñ, amaadot Abasi, a-adooho ke anye, anyʌñ ato ke anye afịd ñkpọ aba, adinam andinọ adinyaaña ukpọñ afọn ama ato ke ndutʌkkọ.

Ibru 2:3

die ke ñnyịn idiibọkkọ adieke ñnyịn isịnne utọ ekamba adinyaaña ukpọñ ami? Adinyaaña ukpọñ ami Abọọñ ke idem amọ akebemme iso asian, ndin mbon e-ekekoppo enyʌñ esọọñọ inọ ñnyịn.

Ibru 9:12

Anye ikiboiyoke idʌk ato ke iyiib mme ebod me ake nditọ enañ; ado akekama iyiib idem amọ adʌk ke Nsana Mma Ata Adisana Itie ini keed kpọd, ato ke adinam ami anye amaabọ nsi-nsi ufak anọ ukeed awo.

Ibru 9:15

Ke ntak ami, Krais ado akpe emem ke ufa edioomo nọ atoodo mbon e-ekoodo ekan ebọ nsi-nsi udeme e-emaekenwọñọ, idaha a-adooho anye amaakpa nte andifak ammọ nsio ke mme ndiọiñkpọ e-ekenamma ke idak akpa ediomo.

Ibru 9:28

kpa ntodo ke ekewa Krais ini keed kpọd nọ abiom ndiọiñkpọ uwak mme awo afep; ndin anye ayaamaana adi ayọhọ ñkemba, idooho adidibiom idiọọkñkpọ, ado adidat adinyaaña nsọk mbon e-etieeghe ebet anye.

1 Bita 1:22

Idahami, sia ndufo emaekenam idem ndufo asana ke adisuuk iwuod nnọọ akpanikọ nọ ndufo ekan enie ata ima enọ nditọete ndufo, ema keed aken ye ntotəño ima a-atooho ke esịd.

1 Yọọn 5:20

Imidiọọñọ ñko ke Ayịn Abasi adi anyʌñ inọ ñnyịn ifiọk naña ñnyịn ikeme edidiọọñọ andido akpanikọ. Ndin, ñnyịn idʌñ ke andido akpanikọ, kpa ke Ayịn amọ Yisọs Krais. Anye ado ñkukwere Abasi akpanikọ ye uwem nsi-nsi.

Ñwed Yud 1:21

Enịm idem ndufo ke ima Abasi enyʌñ etie ebet mbọm Abọọñ ñnyịn Yisọs Krais e-ediiben ndufo isịn ke uwem nsi-nsi.