Ibru 5:7 - Ñwed Abasi Ke Ikọ Ibibio Ayo Mfịn

⁷ Ke mme usen uwem Yisọs ke ederimbod, anye amaabọñ mme akam anyʌñ abeeñe mme ebeeñe ke akpọsọñ uyo, ye mmọọñayịd anọ anye a-akemeke adinyaaña anye nsio ke ñkpa, ndin emaekop enọ anye ato ke anye adiyịre ñkpeubọk ke nsuukidem.

Ibru 5:7 ပူးပေါင်းရင်းမြစ်များ

Matiu 27:46

Ndin ke ñkpọ nte ayọhọ awa usʌkkeed, Yisọs amaabọọñ ke akpọsọñ uyo ate, “Eli, Eli, lema sabaktani?” (Ikọ ami awuọ, “Abasi mmi, Abasi mmi, nso-o inam afo añkpọñọ miin?”).

Matiu 27:50

Ado Yisọs atua ke ekamba uyo ini keed mfen, anyʌñ ayaak sịbidịd amọ.

Maak 15:34

Ndin ke ñkanika ita uweeme Yisọs asio ñkpo ke akpọsọñ uyo, “Edoi, Edoi, lema sabaktani?” (Ikọ ami awuọ, “Abasi mmi, Abasi mmi, nso-o inam afo añkpọñọ miin?”)

Maak 15:37

Yisọs amaamaana abọọñ ñkpo ke akpọsọñ uyo, ndin ayaak ukpọñ amọ, anweek akpatre ibifịk.

Eti Etob Naña Duk Awet 23:46

Yisọs amaabọñ ke akpọsọñ uyo, “Ete, mmeyaak ukpọñ mmi usịn fiin ke ubọk.” Anye amaaketañ ikọ ami ima, anye aduọk akpatre inweek.

Yọọn 1:14

Ikọ amaakappa ado awo anyʌñ adʌñ mi ke ederimbod ke atu ñnyịn. Ñnyịn inyʌñ ikịt ubọọñ amọ a-anye anieeghe ato Ete nte ukwueeñe Ayịn Abasi Ete a-ayọhọke ye mfọn ye akpanikọ.

Yọọn 11:35

Yisọs amaatua.

Yọọn 11:42

Mmaadiọọñọ mbo ke afo amesikop uyo mmi afịd ini, ado ñketañ ke ntak ufọn mme atu awo e-ebaññake mi, ma ammọ enịm ke afo akendọñ miin.”

Yọọn 17:1

Ke Yisọs amaaketañ ikọ ami ama, anye amaadịppe anyen ase abio ubọọñ Abasi anyʌñ abọñ akam abo ate: “Ete, ini akem afo adinọ Ayịn mfo ubọọñ nọ Ayịn mfo unọ fiin ubọọñ.

Ñwed Mbon Rum 8:3

Sia se ibed mmiikinieeghe adudu adinam sia idiọọk ido abod ñnyịn amaabọ anye adudu, Abasi amaanam ke adinọ ukweeñe Ayịn amọ ke mbiod idiọọk ido abʌkidem adido uwa ñkpọ idiọọkñkpọ. Ndin anye amaabiom idiọọkñkpọ ikpe ke uduod abʌkidem,

Kadesia 4:4

Ado ke ini amaakedikem ayọhọ-ayọhọ, Abasi amaadọñ Ayịn amọ a-akemanake ato awonwaan, amana ke idak ibed,

1 Timoti 3:16

Eniin akuuba ke atu ndufo abaña ido ukpono Abasi ñnyịn sia ado ekamba utịbe ñkpọ: Ado anye akeyaara idem amọ ke ikpọkidem, anye ado Andinen ke Sịbidịd mme enyere emaekịt anye. Emaekwọrọ anye ke atu mme idịd, emaenịm anye ke akpanikọ ke ederimbod, ndin eben anye edọọk ke ubọọñ.

Ibru 10:10

Ato ke ntak uduak ado, enam ñnyịn isana ato ke adiwa abʌkidem Yisọs Krais akañ keed kpọd.

Ibru 10:5

Ke ntak ami, Krais amaakedi ke ederimbod, anye abo: “Uwa ye mme enọ afo ukuyemme, ado afo amaabot idem annọ miin;

Ibru 11:7

Ke mbuọdidem Nua, ke ini emaekewuuk anye ebaña mme ñkpọ a-anye mmiikikịtte ke anyen dion, ke adisana mbaak anye amaabọp ubom a-akenyaañake ufọk amọ. Ke mbuọdidem amọ anye amaabiom ederimbod ikpe ndin amaanyʌñ akappa ado adiaakpa nti ido asañake ye mbuọdidem.

Ibru 12:28

Ke ntodo, sia ñnyịn ibọọhọ abio ubọọñ a-ñkpọ miikanna inyeeñe, yak ñnyịn inọ ekọọm inyʌñ ikpono Abasi ke eti usʌñ ke uteñe ye ata ndịk,

Ibru 13:20

Yak Abasi emem, a-aketooho ke ntak iyiib nsi-nsi edioomo akemaana aben Yisọs Krais a-amaakekpa adi, akwa Andikpeme mme edọñ ado,

Ibru 2:14

Sia nditọ enieehe abʌk ye iyiib, anye ñko awuana ke uduod awo, nọ ato ke ñkpa amọ anye abiad anye a-akamake adudu ñkpa, a-adooho, andidiọọk,

1 Yọọn 4:3

ado afịd sịbidịd a-mmiinyịmmeke ibo ke Yisọs Krais amaadi ke ederimbod nte awo, itooho Abasi. Mme utọ sịbidịd ami edoñño mme andibiọọññọ Krais, a-ndufo imaikikookop ke eyaedi, ndin idaha ami, utọ sịbidịd ami mmọọ aba ke ederimbod.

2 Yọọn 1:7

Uwak mbon abiaaña, ammiinyịmmeke ibo ke Yisọs Krais amaadi ke ederimbod ke abʌkidem, ewuọọñọ edọñọ ke ederimbod. Utọ awo ami edo awo abiaaña ye andibiọọññọ Krais.