Ibru 5:5 - Ñwed Abasi Ke Ikọ Ibibio Ayo Mfịn

⁵ Ke ntodo Krais ñko ikidatta ke idem amọ ubọọñ adido akwa aku. Ado Abasi akebo anye: “Afo ado Ayịn mmi; mfịn ami mmubon fiin.”

Ibru 5:5 ပူးပေါင်းရင်းမြစ်များ

Yọọn 3:16

“Sia Abasi akeneenekke ama ederimbod asịn anye akenọ ukweeñe Ayịn keed anye anieeghe mbaak awo ake adodo anịmme anye ke akpanikọ akuutak ado anie nsi-nsi uwem.

Yọọn 7:18

Awo amaatañ ikọ idem amọ, ayem ukpono anọ idem amọ, ado anye a-ayemme ukpono anọ awo a-akedọññọ anye, anye ado awo akpanikọ; inyʌññọ inie abiaaña ndomokeed.

Yọọn 8:54

Yisọs amaabọọrọ, “Adieke ñkpeyemme ubọọñ idem mmi, ado ikpiwuọọñọke ñkpọ nte keed. Ke aditịm ntañ, Ete mmi, andufo ekọmmọ ke ado Abasi ndufo, ado andinnọ-ọ miin ubọọñ.

Utom 13:33

Abasi anam anye asu inọ ñnyịn, nditọ ammọ, ke anye adinam Yisọs aset ke ñkpa. Kpa nte emaekewet ke udiana Saam: “ ‘Afo ado ayịn mmi; mfịn ami mmubon fiin.’

Ñwed Mbon Rum 8:3

Sia se ibed mmiikinieeghe adudu adinam sia idiọọk ido abod ñnyịn amaabọ anye adudu, Abasi amaanam ke adinọ ukweeñe Ayịn amọ ke mbiod idiọọk ido abʌkidem adido uwa ñkpọ idiọọkñkpọ. Ndin anye amaabiom idiọọkñkpọ ikpe ke uduod abʌkidem,

Ibru 1:1

Ke mme usen edem, Abasi amaatañ ikọ anọ mme ete ato inua mme brọfed ke uwak-uwak ini, ke nsio-nsio usʌñ,

Ibru 1:5

Ake-e ke atu mme enyere ke akenam Abasi abo, “Afo ado Ayịn mmi; mfịn ami mmubon fiin”? Me mfen, “Ami ñyaado Ete amọ, ndin anye ayaado Ayịn mmi”?

Ibru 2:17

Ato ke ntak ami akena enam anye nte ammọ nte awo ke afịd usʌñ, nọ ato do anye akan akappa ado akwa aku Abasi ke mbọm ye mbuọdidem ke adinam utom Abasi nọ ato do afeen idiọọkñkpọ mme awo.

Ibru 3:1

Ke ntodo, ndisana nditọete e-ewanake ke ikood, iwuuk mme akikere ndufo ke Yisọs, andido abọsịd ye akwa aku a-ñnyịn itañña ase ibaña.

Ibru 5:10

ndin Abasi amaamek anye nte akwa aku ke idaha Medkisedek.