Ibru 5:3 - Ñwed Abasi Ke Ikọ Ibibio Ayo Mfịn

³ Ami ado ntak a-anaaha anye awa mme uwa ke ntak mme idiọọkñkpọ amọ ye ake mme mbon mfen.

Ibru 5:3 ပူးပေါင်းရင်းမြစ်များ

1 Kọrint 15:3

Sia se ami ñkebọ ke ñkekpọñ inọ ndufo nte ata akpan ñkpọ: ke Krais amaakpa ke ntak idiọọkñkpọ ñnyịn, kpa naña ewet ke ñwed Abasi,

Ibru 10:12

Ado ke ini aku mi amaakewa afịd uwa ini keed ke abaña mme ndiọiñkpọ, anye amaasuuk atie ke ubọk udom Abasi.

Ibru 7:27

Anye itieeghe nte mme akwa aku mfen, inieeghe adiwa uwa kwa usen kwa usen, awa akpa abaña mme ndiọiñkpọ amọ, ndin adiwa abaña ndiọiñkpọ mbon mfen. Anye akewa uwa abaña mme ndiọiñkpọ mbon awo akañ keed kpọd, ke ini anye akeyakka idem amọ anọ uwa.

Ibru 9:7

Ado akwa aku ikpọọñ akesidʌk esịd ubeed, ndin akesinam ntom akañ keed kpọd ke isua, ndin ikemeke-keme adinam ado ke mmiisañake ye iyiib, a-anye akesinọọhọ ke iwuod amọ, anyʌñ anọ ke ntak nnamndue se mme awo ekesinam ke unana adidiọọñọ.