Ibru 5:12 - Ñwed Abasi Ke Ikọ Ibibio Ayo Mfịn

¹² Akpesʌk ado ke idahami ndufo ekpedo mme andikpeeb, ke aditʌm ntañ, aka ado se awo amaana atọọñọ adikpeeb ndufo akpa ukpeebñkpọ a-abañake ikọ Abasi. Ndufo edoñño se enọ mmọọñeba, idooho nsọọñ-ñsọọñ ndidia.

Ibru 5:12 ပူးပေါင်းရင်းမြစ်များ

Matiu 17:17

Yisọs abọọrọ ate, “Ndufo mbon unana mbuọdidem ye ñkwaña uwem emana anye ami, ndiiba ye ndufo ñkpeene die? Ben ayịn ado nsọk.”

Maak 9:19

Yisọs abọọrọ ate, “O emana unana mbuọdidem. Ami ndiiba ye ndufo ñkpeene die? Ndiiyọ ndufo nọ akpeene die? Ben ayịn ado nsọk.”

Utom 7:38

Anye akeba ke mbono ke akpautatan ye enyere a-akenemeke nneme ye anye ke Abod Sainai, ye mme eteete ñnyịn, anyʌñ abọ aduuwem ikọ isọk ñnyịn.

Ñwed Mbon Rum 3:2

Awak ke afịd usʌñ! Ke akpa ifed, eyaak ata ikọ Abasi esịn mme Yuu ke ubọk.

1 Kọrint 14:19

Ado ke esịd ufọkabasi ñkpekap mma itañ ikọ ition se idiidịppe idaha mme awo utu ke ntañ ikọ tọsịn duop ke asen usem.

1 Kọrint 14:20

Nditọete, itre adikere ñkpọ nte ntəkayịn. Akpedo ke usʌñ idiọọk ñkpọ idoñño ntəkayịn, ado ke akikere ndufo idoñño ñkpoon awo.

Kadesia 4:3

Kpa ntodo ñko, ke idaha a-ñnyịn ikidoññoke ntəkayịn ikibañña ke ufʌn ke idak mme ibed ukara ederimbod.

Fidibai 3:1

Ke akpatre, nditọete mmi, idatesịd ke Abọọñ! Idooho mfịna innọ miin adimaana ñwet ukem ñkpọ ami innọ ndufo, sia ado ukpeme afọññọ ye ndufo.

Kodosi 3:16

Yak ikọ Krais adʌñ ke idem ndufo mfọn-mfọn naña ndufo ekpeeb enyʌñ enọọñọ keed aken item mme afịd ifiọk, naña ndufo ekwọ mme ikwọ saam, ikwọ Abasi mme ikwọ Sịbidịd ye esịd ekọọm enọ Abasi.

Ibru 10:32

Toiyo mme akpa usen ado ke ndufo emaekebọ unwana, ke ini a-ndufo ekesọọñọke eda ke akwa anwan ke iso ukuud.

Ibru 5:11

Ñnyịn iminie uwak ñkpọ se ikpitañ ibaña ñkpọ ami, ado asọsọñ adinam nọ iñwaña ndufo sia ndufo isọppọ adikpeeb ñkpọ.

Ibru 5:13

Awo keed ake adodo a-anwọññọ mmọọñeba adidu uwem, sia asʌkkọ ado nsekayịn, imegheke ye ukpeebñkpọ a-abañake adinenido.

Ibru 6:1

Ke ntodo yak ñnyịn ikpọñ ndin mme akpa ntọọñọ ukpeeb ñkpọ a-abañake Krais, yak isịn idem ikpon, inyʌñ idọọk ke ifiọk, yak ikiimamaana ikitọọñọ ke itiad idakisọñ adikappa esịd eto mme ñkpọ e-edatta awo eka ñkpa, ye mbuọdidem ke Abasi, ye

1 Bita 2:2

Nte nsek nditọ, iyem ata mmọọñeba Sịbidịd, ma ndufo edat anye ekọd esịm adinyaaña,

1 Bita 4:11

Awo akpeatañ ikọ, yak anye atañ nte atañ ata ikọ Abasi. Adieke awo anamma ñkpọ anọ emọ-emọ awo, yak anye anam ato ke adudu a-Abasi anọọhọ anye anam, nọ atoodo ke afịd ñkpọ etooro Abasi ato ke Yisọs Krais. Ubọọñ ye odudu enie anye ke nsi-nsi nsi-nsi, Amen.