Ibru 4:2 - Ñwed Abasi Ke Ikọ Ibibio Ayo Mfịn

² Sia emaekwọrọ eti etob inọ ñnyịn ñko, kpa naña ekenam enọ ammọ; ado etob a-ammọ ekekoppo ikiwuọọñọke ñkpọ inọ ammọ, sia ammọ ye mme andikikop ikibenne anye idian ye mbuọdidem.

Ibru 4:2 ပူးပေါင်းရင်းမြစ်များ

Utom 13:46

Bọọd ye Banabas emaebọọrọ ammọ uko-uko ete: “Akena nte ñnyịn ibem iso itañ ikọ Abasi inọ ndufo. Sia adooho ndufo emesịn adibọ ikọ Abasi, inyʌññọ ibat idem ndufo nte mbon e-edotto nsi-nsi uwem, idahami ñnyịn imiwọññọ ikeene mme Yentaid.

Utom 3:26

Ke Abasi amaakenam ayịn amọ, Yisọs, aset ke ñkpa, anye aketo anọ anye adidiọñ ndufo, ke adinam ndufo ekappa ekpọñ mme usʌñ idiọọk ñkpọ.”

Ñwed Mbon Rum 2:25

Adinịm mboppo anie ufọn akpedo afo amenịm ibed, ado akpedo afo amebiaad ibed amekappa aba nte awo ikunịmme fiin mboppo.

Ñwed Mbon Rum 3:3

Yak ise ise, akpedo usʌk ammọ inamma akpanikọ-ọ? Nte unana edinam akpanikọ amọ ayaabiad akpanikọ Abasi?

1 Kọrint 13:3

Adieke ami mbenne afịd inie mmi nnọ mme uwueene mmaana nsaana idem mmi nte yak efọp, ado nnieeghe ima, udod indoroke ba keed.

Kadesia 3:2

Ñkpaama adikpeep ñkpọ keed ito ndufo: Ndufo ekebọ edisana Sịbidịd ke adinịm ibed me ke adinịm se ekekop?

Kadesia 3:8

Ikọ Abasi amaada akịd ke Abasi ayaatoppo mme Yentaid ikpe ke mbuọdidem, ndin anye amaabem iso asuan etob ado anọ Ebraham ate. “Afịd-afịd mme idịd eyaebọ edidiọñ uto fiin.”

Kadesia 4:13

Nte a-ndufo emaediọọñọ akedo ke ntak udọñọ ke ami ñkekwọọrọ ikọ inọ ndufo ke akpa ifed.

1 Tesadonia 1:5

sia eti etob ñnyịn ikisañake ye ikọ inua ikpọọñ, ado ye adudu ñko, ye Adisana Sịbidịd ndin ye aditʌm nnịm ke akpanikọ ke esịd. Ndufo emediọọñọ naña ñnyịn ikidu uwem ke atu ndufo ke ntak iwuod ndufo.

1 Tesadonia 2:13

Ndin ñnyịn isʌk ikaaka iso ikọọm Abasi ye ntak, ke ini a-ndufo ekebọọhọ ikọ Abasi, a-ndufo ekekoppo eto ñnyịn, ndufo emaebọ idooho nte ikọ mme awo, ado ke naña anye aba, ikọ Abasi, a-anamma utom ke atu ndufo e-enịmme ke akpanikọ.

1 Timoti 4:8

Awo adisịne ikpọkidem afọn, ado uteñe Abasi afọn akan ke afịd ñkpọ, anyʌñ akama nti ñkpọ anọ uwem ami, ye uwem anye a-adiidi.

Ibru 11:6

Ñko, awo a-mmiinieeghe mbuọdidem ikemekekeme adinam se inem Abasi esịd, sia awo ndomokeed a-adieeghe abịne anye ana anịm ke akpanikọ ke anye mmọdo, ñko ke anye ado andinọ mbon e-eyemme anye ke afịd esịd utịb.

Ibru 3:12

Nditọete, ikịt ibo ke awo ndufo ndomokeed inieeghe idiọọk ido ye esịd a-ammiinịmme ke akpanikọ a-anyʌññọ awakka akpọñ usʌñ Abasi uwem.

Ibru 4:6

Asʌk anaana anọ usʌk awo adidʌk ke nduọkadudu ado, ndin mbon e-eketooho ekwọrọ eti etob enọ ammọ ikidʌkkọ ke esịd, ato ke ntịdutọñ.

Yemsi 1:21

Ke ntodo, isịññe mme afịd mbubiam edu uwem ye mme idiọọkñkpọ e-ebañake ewak ini ami, ndin ke nsuukidem inyịmme ikọ e-etọọhọ ke esịd ndufo a-akemeke adinyaaña ndufo.

1 Bita 1:12

Emaeyaara ewọt ammọ ete ke ammọ ikinamma ñkpọ adinwam idem ammọ ado ke ekekap enwam ndufo ke ini ekebenne ikọ ado etañ, kpa ikọ emaeketatañ inọ ndufo ato ke inua mbon e-ekwọrọke nti etob inọ ndufo ke Adisana Sịbidịd, e-ekedọññọ ato abio ubọọñ Abasi adi. Kpa mme enyere emaenie udọñ adinyuuñọ nse mme ñkpọ ami.