Ibru 4:15 - Ñwed Abasi Ke Ikọ Ibibio Ayo Mfịn

¹⁵ Sia ñnyịn inieeghe utọ akwa aku a-mmiikanna adinie esịd mbọm mbaña mme mmemidem ñnyịn, ado inie anye a-adooho emaedomo anye ke afịd-afịd usʌñ naña enyʌñ idoomo ñnyịn, ado anye ikinamma idiọọkñkpọ.

Ibru 4:15 ပူးပေါင်းရင်းမြစ်များ

Matiu 12:20

Anye idiibuuño nnyʌkkọ ñnyanyaaha, idiinyʌññọ inịme adeduek ifia ikañ, anye ayaakaiso tutu unen anie adikan.

Matiu 4:1

Akem Sịbidịd adiben Yisọs aka ke akpautatan nọ setan adomo anye idomo.

Eti Etob Naña Duk Awet 22:28

Ndufo edo mbon e-edaaha ye ami ke mme ini idomo mmi.

Eti Etob Naña Duk Awet 4:2

Do, ke afịd usen aba setan amaadomo anye. Ke afịd mme usen ado anye ikidiaagha ñkpọ, ke akpatre, abiọñ amaanekke adọñ anye.

Yọọn 8:46

Anie ke atu ndufo keed akeme itañ ke imimmʌm miin ke idiọọkñkpọ ndomokeed? Adieke ami ntañña akpanikọ, nso ido ke ndufo enịm se ami ntañ?

Ñwed Mbon Rum 8:3

Sia se ibed mmiikinieeghe adudu adinam sia idiọọk ido abod ñnyịn amaabọ anye adudu, Abasi amaanam ke adinọ ukweeñe Ayịn amọ ke mbiod idiọọk ido abʌkidem adido uwa ñkpọ idiọọkñkpọ. Ndin anye amaabiom idiọọkñkpọ ikpe ke uduod abʌkidem,

2 Kọrint 5:21

Abasi akenam anye a-miikinieeghe idiọọkñkpọ akappa ado idiọọkñkpọ ke ntak ñnyịn; mbaak ato do ñnyịn ke anye ikappa ido edinenido Abasi.

Ibru 4:14

Ndin, sia ñnyịn imainie akwa aku a-amaakesaña iboiyo ke mme abio ubọọñ Abasi, Yisọs Ayịn Abasi, yak ñnyịn itʌm imʌm akpanikọ ikama ke abaña mbuọdidem a-ñnyịn isọọñọke itañ ibaña.

Ibru 5:2

Anye akan ayọ usʌk-usʌk mbon unana ifiọk e-emaekewakka ekpọñ usʌñ, sia anye ke idem amọ amaadiọọñọ naña aba adikop mmemidem.

Ibru 7:26

Utọ akwa aku ado ke akpanikọ akeme iyọ mme mfịna ñnyịn. Anye a-adooho adisana, anana ndo, asana ama, e-emaekebakka anye ekpọñ mme anam idiọọk, edịppe anye edọọk ebọhọ mme ikpaanyọñ.

Ibru 9:28

kpa ntodo ke ekewa Krais ini keed kpọd nọ abiom ndiọiñkpọ uwak mme awo afep; ndin anye ayaamaana adi ayọhọ ñkemba, idooho adidibiom idiọọkñkpọ, ado adidat adinyaaña nsọk mbon e-etieeghe ebet anye.

1 Bita 2:22

“Anye ikinamma idiọọkñkpọ nte keed, ndin nsu nte keed ikibaaha ke inua amọ”

1 Yọọn 3:5

Ado ndufo emediọọñọ ke akedi ma anye adiben mme ndiọiñkpọ ñnyịn afep. Ñko, idiọọk ñkpọ ndomokeed ibaaha anye ke idem.