Ibru 4:14 - Ñwed Abasi Ke Ikọ Ibibio Ayo Mfịn

¹⁴ Ndin, sia ñnyịn imainie akwa aku a-amaakesaña iboiyo ke mme abio ubọọñ Abasi, Yisọs Ayịn Abasi, yak ñnyịn itʌm imʌm akpanikọ ikama ke abaña mbuọdidem a-ñnyịn isọọñọke itañ ibaña.

Ibru 4:14 ပူးပေါင်းရင်းမြစ်များ

Matiu 4:3

Ndin andidomo adibịne anye ate, “Adieke afo adooho Ayịn Abasi bo mme itiad ami ekappa uyo.”

Maak 1:1

Ntọọñọ eti etob a-abañake Yisọs a-dooho Mesaya, Ayịn Abasi,

Maak 16:19

Ke Abọọñ Yisọs amaaketañ mme ikọ ami ima, emaeben anye edọọk ke hefịn, anye anyʌñ asuuk atie ke ubọk udom Abasi.

Eti Etob Naña Duk Awet 24:51

Nte anye asʌkkọ adiọñ ammọ, anye asịkke akpọñ ammọ ndin emaeben anye edọọk ke anyọñ.

Utom 1:11

Ammọ emaebịp mme mbed mbịme ete, “Ndufo mbon Kadidi, nsinam ndufo edudak mi ewuuk anyen ese ikpaanyọñ? Yisọs e-ebenne ikpọñ ndufo mi edọọk ke anyọñ, ayaatịmme adi ke ukem-ukem usʌñ a-ndufo ekịtte naña anye asaña adʌk abio ubọọñ Abasi.”

Utom 3:21

Anye ayaaba ke Anyọñ tutu ini akem a-Abasi adinọ afịd se anye akeanwọñọke usen edem ato ke mme ndisana brọfed amọ.

Ñwed Mbon Rum 8:34

Anie ndin ado awo adibiom ñnyịn ikpe? Awo ndomokeed ibaaha. Krais Yisọs a-akekpaaha–a-akanna ado, a-akesette ke ñkpa adʌk uwem–a-anyʌññọ atie ke ubọk udom Abasi nte ubiọñ anọ ñnyịn.

2 Kọrint 12:2

Mmediọọñọ awo keed a-akebaaha ke Krais, e-ekebenne edọọk ayọhọ anyọñ ita ke isua duop mme inaañ akeboiyoke. Me akedo ke ikpọkidem me amaakpọñ ikpọkidem, ndiọọñọke, Abasi adiọọñọ.

2 Kọrint 9:13

Ke ntak utom mfọn a-ndufo edoññoke uwọdñkpọ, mme awo eyaetooro Abasi ke ñkopitem a-asañake ye nsuukiwuod e-enọọhọ eti etob Krais, a-ndufo ekenyịmmeke, enyʌññọ etat ubọk unọ enọ esọk ammọ ye afịd awo.

Efisọs 4:10

Anye a-akesọiyọke anyʌñ ado anye a-akedọọkkọ akoñ akan afịd mme ebekpo ikpaanyọñ, nọ anye ayọhọ afịd unadod.)

Ibru 1:8

Ado ke abaña Ayịn anye abo, “Ebekpo mfo, O Abasi, ayaaba ke nsi-nsi, nsi-nsi; esañ unen adido esañ ubọọñ ukara mfo.

Ibru 10:12

Ado ke ini aku mi amaakewa afịd uwa ini keed ke abaña mme ndiọiñkpọ, anye amaasuuk atie ke ubọk udom Abasi.

Ibru 10:23

Yak ñnyịn itʌm imʌm mbuọdidem a-ñnyịn isitañña ibaña, ikiidunyeeñe, sia anye a-akenamma enwọñọ ye ñnyịn adooho anam akpanikọ.

Ibru 10:29

Die ndin ke ediitre adinie unen adinọ awo a-adooho Ayịn Abasi ke idak ukod ufen, akpan-akpan, anye a-anamma iyiib edioomo nte mbad ñkpọ, a-akenamma anye asana, ñko akenyʌññọ asọñ Sịbidịd mfọn anyen?

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 2:1

Ke ntodo, ana ñnyịn itʌm ikpañ utọñ inọ se ñnyịn ikop mbaak ñnyịn idiyọọn ikpọñ usʌñ.

Ibru 2:17

Ato ke ntak ami akena enam anye nte ammọ nte awo ke afịd usʌñ, nọ ato do anye akan akappa ado akwa aku Abasi ke mbọm ye mbuọdidem ke adinam utom Abasi nọ ato do afeen idiọọkñkpọ mme awo.

Ibru 3:1

Ke ntodo, ndisana nditọete e-ewanake ke ikood, iwuuk mme akikere ndufo ke Yisọs, andido abọsịd ye akwa aku a-ñnyịn itañña ase ibaña.

Ibru 3:14

Ñnyịn imidi adiwuana ke Krais adieke ñnyịn idiikan isọñ ubọk imʌm mbuọdidem a-ñnyịn ikinieeghe ke akpa ikama tutu asịm utịd.

Ibru 6:20

itie a-Yisọs amaakibebem ñnyịn iso idʌk ke ntak iwuod ñnyịn. Anye amaakappa akwa aku ke nsi-nsi kpa ukem-ukem nte Medkisedek.

Ibru 6:6

adieke ammọ eduọọhọ ekpọñ usʌñ, adikan mmaana ndʌt ammọ nsịn ke ukappa esịd, sia ke ntakudua ammọ, ammọ emaana ekọñ Ayịn Abasi ke eto enyʌñ enam anye abọ esuenne anwa-anwa.

Ibru 7:3

Ikinieeghe ete me eka, ikinieeghe ntịppe, inieeghe ntọọñọ me usen uwem me utịd, kpa nte Ayịn Abasi anye ado aku ke nsi-nsi.

Ibru 8:1

Akpan ñkpọ se ñnyịn itañ ibaña ado ami: Ñnyịn iminie utọ akwa aku a-akesuuhọ atie ke ubọk udom ebekpo Andikara ke abio Abasi.

Ibru 9:12

Anye ikiboiyoke idʌk ato ke iyiib mme ebod me ake nditọ enañ; ado akekama iyiib idem amọ adʌk ke Nsana Mma Ata Adisana Itie ini keed kpọd, ato ke adinam ami anye amaabọ nsi-nsi ufak anọ ukeed awo.

Ibru 9:24

Sia Krais ikidʌkkọ ke itie ukpono e-ekedatta ubọkawo enam a-akedooho mbid ata itie ado; anye akedʌk abio ubọọñ Abasi ke idem amọ, nọ ato do idahami anye awuọ ada inọ ñnyịn ke iso Abasi.

1 Bita 3:22

a-akenyọññọ abio ubọọñ Abasi atie ke ubọk udom Abasi, ye mme enyere, mme ukara ye mme adudu esuuk iwuod enọ anye.