Ibru 4:13 - Ñwed Abasi Ke Ikọ Ibibio Ayo Mfịn

¹³ Ibaaha ñkpọ ndomokeed ke afịd-afịd unadod a-adịbeke ke anyen Abasi. Efʌkkọ afịd ñkpọ enịm inwañ ke iso anyen anye a-anaaha inam ibad inọ.

Ibru 4:13 ပူးပေါင်းရင်းမြစ်များ

Matiu 6:4

Yak enọ ndufo ado ke ndedịbbe. Ndin Ete ndufo akịtte se ndufo enam ke ndedịbe ayainọ ndufo utịb.

Yọọn 2:24

Ado Yisọs ikiyakka idem amọ inọ ammọ, sia anye amaadiọọñọ uduod afịd awo.

Yọọn 21:17

Anye atịmme abịp ayọhọ ukpa ita ate, “Saimọn, ayịn Yọọn, nte afo amemma miin?” Bita amaatọhọ sia Yisọs akebịp anye mbịme ami ayọhọ akañ ita ate, “Nte afo amemma miin?” Anye ndin amaabo Yisọs ate, “Abọọñ, afo amediọọñọ ukeed-ukeed ñkpọ; afo amediọọñọ ke ami mmuma fiin.” Yisọs ate anye, “Bọọk edọñ mmi.

Yọọn 4:16

Yisọs abọọrọ anye ate, “Ka ke kood ebe mfo di.”

Utom 17:31

Sia anye anịm usen a-anye adikpe ikpe afịd ekondo ke unen ato ke awo a-anye amaamek anịm nte akpeikpe. Anye akenam anye aset ke ñkpa adiwọt ke anye ado akpeikpe ado.”

Ñwed Mbon Rum 2:16

Ami ayaadat itie ke usen Abasi adikpe ikpe ndedịbe ekikere mme awo ato ke Yisọs Krais naña eti etob mmi abo.

1 Kọrint 4:5

Ke ntak ado, kuubiire ikpe ke abaña ñkpọ ndomokeed; bet tutu Abọọñ adi. Anye ndin ayaadiyaara anwa-anwa se idịbe ke akịm anyʌñ ayaara akikere esịd mme awo. Ke ini ado amaakem, awo keed-e-keed ayaabọ itooro ato Abasi.

2 Kọrint 5:10

Sia afịd ñnyịn inie adiwuọ nda ke iso itie ikpe Krais; ma awo keed-e-keed abọ utịp a-akemme ye se anye akenam ke ikpọkidem, ke ñkpọ ado adooho eti, me anyʌññọ ado idiọọk.

Adiyaara 2:23

Ndin Ami ñyaawood nditọ ammọ. Ndin afịd mme ufọkabasi eyaediọọñọ ke Ami ndo andiduuñọ ekikere mme esịd ndin ñyaanọ awo keed-e-keed ñkpọ ayịnutom ñkeene naña mme utom ammọ ebaña.