Ibru 4:12 - Ñwed Abasi Ke Ikọ Ibibio Ayo Mfịn

¹² Sia ikọ Abasi adodu uwem anyʌñ anam ñkpo, asọp akan afịd anie inua iba keed ake adodo, anye aboboiyo adʌk esịd, tutu abakka ukpọñ ye sịbidịd, ñkikek idem ye ñkpadia akpọ; anye akpe ikpe akikere esịd ye edu unam ñkpọ ke esịd.

Ibru 4:12 ပူးပေါင်းရင်းမြစ်များ

Eti Etob Naña Duk Awet 8:11

“Kop se ñke ami awuọ mi: Ñkpasi ado ikọ a-atooho Abasi.

Yọọn 12:48

Andikpe ikpe aba anọ awo a-ansịnne miin, a-mmiinyʌññọ inịm ikọ mmi ke akpanikọ; kpa mme ikọ ado a-ami ntañña adido ubiomo ikpe inọ ammọ ke akpatre usen.

Yọọn 6:51

Ami ndo uyo uwem aketooho abio ubọọñ Abasi asọiyọ adi. Awo ake adodo a-ataaha uyo ami ayaadu uwem ke nsi-nsi. Uyo ami ado ikpọkidem mmi, a-ami ndiinọ ke ubiọñ uwem ederimbod.”

Utom 2:37

Ikọ ami amaatuuk mbon awo se ikikop esịd, ndin ammọ emaebịp Bita ye mme abọsịd mbio ako ebo, “Nditọeka, nso-o ke ñnyịn ibiinam die?”

Utom 4:31

Ke ammọ emaekebọñ akam, itie ammọ eketieeghe amaanyeeñe, ndin afịd ammọ emaeyọhọ ye Adisana Sịbidịd, enyʌñ ekwọrọ ikọ Abasi uko-uko.

Utom 5:33

Ke ammọ emaekekop mme ikọ ami, esịd amaayat ammọ eti-eti, ndin ammọ emaeyem adiwot mme abọsịd.

Utom 7:38

Anye akeba ke mbono ke akpautatan ye enyere a-akenemeke nneme ye anye ke Abod Sainai, ye mme eteete ñnyịn, anyʌñ abọ aduuwem ikọ isọk ñnyịn.

Ñwed Mbon Rum 1:16

Ami ñkoppo abuud ke ntak eti etob ami, sia anye ado adudu Abasi adatta adinyaaña asọk afịd awo e-enịmme ke akpanikọ: akpa, ado anọ mme Yuu, ndin mme Yentaid.

1 Kọrint 1:24

ado mbon Abasi akoodo, mme Yuu ye mme Krik, Krais adudu Abasi mme aniọñ Abasi.

2 Kọrint 2:17

Ñnyịn ibaaha nte uwak awo e-enyamma ikọ Abasi edia udod. Utu ke ado, ado ke Krais ñnyịn itañ ikọ ke iso Abasi ke esịd akpanikọ, nte mme awo a-Abasi asiooñoke adọñ.

2 Kọrint 4:2

Utu ke ndo, ñnyịn imisịn mme ndedịbe-ndedịbe ido e-ekamake abuud; isañake ke ñkara, inyʌññọ idat nsu idian ye ikọ Abasi. Ado ke adiwọt se ido akpanikọ anwa-anwa ke inam afịd awo ediọọñọ ke esịd ammọ, ke ñnyịn inaanam se inen ke iso Abasi.

Efisọs 5:13

Ado unwana ayaara anyʌñ anam ekan ekịt ukeed ñkpọ.

Efisọs 5:26

nọ anam anye ado adisana, asiooño anye mbad ke adiyet ke mmọọñ ato ke ikọ,

Efisọs 6:17

Ibenne itam adinyaaña iyara, ye akañkañ sịbidịd, a-adooho ikọ Abasi.

1 Tesadonia 2:13

Ndin ñnyịn isʌk ikaaka iso ikọọm Abasi ye ntak, ke ini a-ndufo ekebọọhọ ikọ Abasi, a-ndufo ekekoppo eto ñnyịn, ndufo emaebọ idooho nte ikọ mme awo, ado ke naña anye aba, ikọ Abasi, a-anamma utom ke atu ndufo e-enịmme ke akpanikọ.

1 Tesadonia 5:23

Yak Abasi ke idem amọ, Abasi emem, anam ndufo esana mfọn-mfọn. Yak afịd Sịbidịd ndufo, ukpọñ ye abʌkidem ekụụnie ndo ndomokeed ke adidi Abọọñ ñnyịn Yisọs Krais.

Ibru 13:7

Itoiyo mme adaiwuod ndufo, e-eketañña ikọ Abasi inọ ndufo. Ikere ibaña naña uwem ammọ aba inyʌñ idubọiyọ mbuọdidem ammọ.

Ibru 6:5

mbon e-emaekịt ufọn a-asịneke ke ikọ Abasi ye adudu emana a-adiighe ke iso,

Yemsi 1:18

Anye amaamek adibon ñnyịn ito ke ikọ akpanikọ, nọ ato do ñnyịn ido nte akpa mfịd, ke atu afịd se anye abot.

1 Bita 1:23

Sia ana ndufo emaemana ufa, itieeghe nte ñkpasi a-akpaaha, ado eba ke ubon a-mmiidibiarake, ato ke ikọ Abasi a-aduuho uwem anyʌññọ akpeene ke nsi-nsi.

Adiyaara 1:16

Ke ubọk nnasia amọ anye amaakama ntantaafiọñ itiaba, ndin ke inua amọ anye amaafịbe iso edem iba eduad a-asọppọ tutu. Iso amọ akeyamma nte utịn a-ayamake ata akpọsọñ-akpọsọñ.

Adiyaara 19:15

Akañkañ a-asọppọ afịbe anye ke inua ma anye adat akpi mme idịd. “Anye ayaakara ammọ ye esañ ukwak.” Anye ado andidioho unuak ukọd iyadesịd ye ifiopesịd Abasi Andikpon Ñkan.

Adiyaara 19:21

Mbon se ikisʌhọ emaewood ye akañkañ a-akewuọọhọ ke inua andikiwat enañ mbakara, ndin afịd mme inuen emaeta eyʌkkọ ke abʌk ammọ.

Adiyaara 2:16

Kappa esịd! Mmiidooho ntodo, ñyaadi ubịne fien usọp-usọp, ndin ñyaañwana ye ammọ mme eduad a-ansịneke miin ke inua.

Adiyaara 2:23

Ndin Ami ñyaawood nditọ ammọ. Ndin afịd mme ufọkabasi eyaediọọñọ ke Ami ndo andiduuñọ ekikere mme esịd ndin ñyaanọ awo keed-e-keed ñkpọ ayịnutom ñkeene naña mme utom ammọ ebaña.

Adiyaara 20:4

Ami mmaakịt mme ebekpo mbon e-emaekenọ adudu adibiire ikpe eketieeghe. Ndin mmaakịt ukpọñ mbon e-ekebiooho ammọ iwuod ke ntak ikọ ntiense Yisọs a-ammọ eketañña mme ke ntak ikọ Abasi. Amọ ikikponoke idiọọk unam mme mbiod amọ ikinyʌññọ ibọ idiọọñọ ke akpọiso mme ke ubọk ammọ. Ammọ emaeseed ke ñkpa ndin emaedu uwem enyʌñ ekeene Krais eda ukara ke isua tọsịn keed.