Ibru 3:6 - Ñwed Abasi Ke Ikọ Ibibio Ayo Mfịn

⁶ Ado Krais anam akpanikọ nte Ayịn ke ufọkabasi. Ndin ñnyịn ido ufọk amọ, adieke ñnyịn imʌmmọ etiido ñnyịn ikama ye idodanyen a-ñnyịn idatta itañ ase.

Ibru 3:6 ပူးပေါင်းရင်းမြစ်များ

Matiu 10:22

Afịd-afịd awo eyaisua ndufo ke ntak mmi; ado awo a-adiisọọñọ ida ikisịm utịd ayaabọkkọ.

Matiu 16:18

Ke ntodo, idahami ami udọkkọ fiin nte afo ado Bita, ndin ke anyọñ itiad ami, ami nyaabọp ufọkabasi mmi, ndin inuaatob Abioekpo idiikanna anye.

Matiu 24:13

Ado awo a-asọñọke ada akewuọ utịd eyaenyaaña anye.

Ñwed Mbon Rum 11:22

Kere ndin baña mfọn ye nsọñido Abasi: Nsọñido anọ mbon e-emaekeduọññọ, ado mfọnido unọ fiin, afo akpeakap akaiso amʌm mfọnido amọ akama. Mmiidooho ntodo eyaukpịkke fiin ñko esio.

Ñwed Mbon Rum 12:12

Ndufo idara ke idodanyen, inie ime ke ini afanikọñ, inyʌñ ibọñ akam afịd ini.

Ñwed Mbon Rum 15:13

Yak Abasi idodanyen ayọọhọ ndufo ye afịd idadesịd ye emem naña ndufo edot anyen ke anye, nọ ndufo ekpesʌk eyọọhọ mme idodanyen ke adudu Adisana Sịbidịd.

Ñwed Mbon Rum 5:2

ato ke anye ñnyịn imidʌk ke mbuọdidem, inie mfọn a-ñnyịn ibaaha idahami. Ndin ñnyịn imikop idadesịd ke idodanyen ke ubọọñ Abasi.

1 Kọrint 3:16

Ndufo idiọọñọke ke ndufo edo itie ukpono Abasi ndin ñko ke Sịbidịd Abasi mmọdo adʌñ ke idem ndufo?

1 Kọrint 6:19

Nte ndufo idiọọñọke ke idem ndufo ado itie ukpono Adisana Sịbidịd i-isịneke ndufo ke idem, e-ebọọhọ eto Abasi? Idooho ndufo enie idem ndufo;

2 Kọrint 6:16

Nso-o edioomo ke tembịd Abasi anie ye ndem? Sia ñnyịn ido tembịd Abasi uwem. Kpa naña Abasi abo ate: “Ñyaadʌñ ye ammọ ñyaanyʌñ nsaña ke atu ammọ, ndin ñyaado Abasi ammọ, ammọ eyaenyʌñ edo ikọd mmi.”

Kadesia 6:10

Ke ntodo, naña ñnyịn inenie ufañ, yak ñnyịn inam eti inọ afịd awo, akpan-akpan mbon e-esịneke ke ubon mbon e-enịmme ke akpanikọ.

Kadesia 6:9

Yak ñnyịn ikuukpa mba ke adinam etiñkpọ, sia ke akem ini iyaidọk idọk, adieke ñnyịn mmisịñeke idem ikpọñ.

Efisọs 3:12

Ke anye, anyʌñ ato ke mbuọdidem ke anye, ñnyịn imikeme adisaña ñkpere Abasi ke ñkpọkñyak ye uko.

Kodosi 1:23

adieke ndufo ekaaha iso ke mbuọdidem ndufo, e-esọọñọ eda, e-enie iwuuk, ifemmeke ikpọñ eti etob. Anye ami ñko ado eti etob andufo ekekoppo enyʌññọ ekwọrọ enọ afịd ñkpọ se Abasi abot ke ikpaanyọñ, ndin a-ami, Bọọd, ñkappake ndo afʌn nnọ.

1 Tesadonia 5:16

Idaara afịd ini,

2 Tesadonia 2:16

Yak Abọọñ ñnyịn Yisọs Krais ke idem amọ ye Abasi Ete ñnyịn, a-akimaaha ñnyịn ndin ke mfọn amọ inọ ñnyịn nsi-nsi nsọọñọukod ye eti idodanyen,

1 Timoti 3:15

adieke ñkpeeneke adidi, ñwed ami ayaanam afo adiọọñọ naña mme awo ekpenaa edu uwem ke ufọkabasi, a-adooho adaha ye itiad idakisọñ akpanikọ.

Ibru 1:2

ado ke mme akpatre usen ami anye atañ ikọ inọ ñnyịn ato Ayịn amọ, a-anye amaakemek adia akpa ukeed ñkpọ, a-adooho ekenam ekondo eto ke anye.

Ibru 10:19

Ke ntodo nditọete, sia ñnyịn imainie nsọọñọnda adidʌk ke Nsana Mma Ata Adisana Itie ato ke iyiib Yisọs,

Ibru 10:21

afen ñko sia ñnyịn imainie akwa aku a-akamake ufọk Abasi,

Ibru 10:23

Yak ñnyịn itʌm imʌm mbuọdidem a-ñnyịn isitañña ibaña, ikiidunyeeñe, sia anye a-akenamma enwọñọ ye ñnyịn adooho anam akpanikọ.

Ibru 10:35

Ke ntodo, ikiitoomo nsọọñọnda ndufo iduọọñọ, eyaebọ umiañ-umiañ utịp.

Ibru 11:1

Ndin mbuọdidem ado adisọọñọ nda ke ñkpọ se ñnyịn idot anyen ibaña inyʌñ ida ke se ñnyịn imiidatta anyen ikịt.

Ibru 3:14

Ñnyịn imidi adiwuana ke Krais adieke ñnyịn idiikan isọñ ubọk imʌm mbuọdidem a-ñnyịn ikinieeghe ke akpa ikama tutu asịm utịd.

Ibru 4:11

Yak ñnyịn, ke ntodo, idomo afịd ukeme adidʌk ke nduọkadudu ado, mbaak awo ndomokeed adiduọ ke adikeene una ñkobitem ammọ.

Ibru 4:14

Ndin, sia ñnyịn imainie akwa aku a-amaakesaña iboiyo ke mme abio ubọọñ Abasi, Yisọs Ayịn Abasi, yak ñnyịn itʌm imʌm akpanikọ ikama ke abaña mbuọdidem a-ñnyịn isọọñọke itañ ibaña.

Ibru 4:16

Yak ñnyịn ndin isaña ikpere ebekpo Abasi mfọn uko-uko, nọ ato do ñnyịn ibọ mbọm ye mfọn a-adiinyaaña ñnyịn ke ini nnananyen.

Ibru 6:11

Ñnyịn iyem afịd ndufo ewọt ukem-ukem ntịñanyen ami tutu ata akpatre, nọ ato do idodanyen ndufo atʌm asọñ.

Ibru 6:18

Abasi akenam ami nọ ato do, ke mme ñkpọ iba e-emmiikemeke adikpəhọ, a-Abasi ñko mmiikemeke adisʌhọ nsu, ñnyịn i-imaiikifeeñe idimʌm idodanyen e-enyanna inọ nte añkọ adimʌm ukpọñ ñnyịn, ma anye asọọñọ ada kwak!

Ibru 7:19

(sia ibed ikikanna inam ñkpọ ndomokeed afọn ama), ndin emaeben idodanyen a-afọnnọ akan edi, a-adooho ke anye, ñnyịn itʌm isaña ikpere Abasi.

1 Bita 1:8

Akpesʌk ado ndufo mmiikịtte anye, ndufo e-ema anye, ñko akpesʌk ado ndufo mmiikịtte anye idahami; ndufo emenịm anye ke akpanikọ enyʌñ eyọhọ ye idadesịd ake inua mmiikanna itañ a-anyʌññọ ayọhọ ye ubọọñ.

1 Bita 2:5

eyaidat ndufo ñko nte mme aduuwem itiad, ebọppọ esịn ke ufọk ake Sịbidịd, enyʌñ enam ndufo edo mme ndisana aku, ediwa uwa Sịbidịd, a-Abasi adaarake abọ ato ke Yisọs Krais.

1 Bita 4:17

Sia ini akem ikpe aditọọñọ ye ubon Abasi; ndin adieke atọọñọke ye ñnyịn, adiiba die ye mbon a-ammiinamma ikọ Abasi?

Adiyaara 2:18

“Ndin wet nọ enyere ufọkabasi ke Tiatira: Ami ado mme ikọ Ayịn Abasi, a-mme ñkua anyen ammọ esakka nte edeme ikañ, ñkpad amọ ebit ufọfọb brọnsi.

Adiyaara 2:25

Ado etʌm se emaekenenie emʌm kama esọñ ubọk tutu ndi.’

Adiyaara 2:26

Ndin anye a-akanna anyʌñ anam uduak Mmi akesịm utịd ñyaanọ anye adudu adikara mme idịd.

Adiyaara 3:11

Ami nsʌk nsọp ndi. Tʌm se amaakenenie emʌm kama, mbaak awo adubọ anyanya mfo.