Ibru 3:1 - Ñwed Abasi Ke Ikọ Ibibio Ayo Mfịn

¹ Ke ntodo, ndisana nditọete e-ewanake ke ikood, iwuuk mme akikere ndufo ke Yisọs, andido abọsịd ye akwa aku a-ñnyịn itañña ase ibaña.

Ibru 3:1 ပူးပေါင်းရင်းမြစ်များ

Yọọn 17:3

Idahami ami ado nsi-nsi uwem: ma ammọ udiọọñọ fiin, ukweeñe-ukweeñe Abasi akpanikọ, ye Yisọs Krais a-afo akenọọhọ adi.

Yọọn 20:21

Yisọs amaamaana abo, “Emem aba mme ndufo! Nte Ete akendọññọ miin, ami mmidọñ ndufo.”

Yọọn 20:27

Ndin anye amaabo Tọmọs ate, “Sịn nnuun ubọk mfo mi; sese ubọk mmi. Nyan ubọk mfo sịn ke ñkañ mmi. Kuuyịk aba ado nịm ke akpanikọ.”

Utom 1:15

Ke mme usen ado, Bita amaadakka ada ke ufọọd mme andinịm ke akpanikọ (e-ekeyọhọke ñkpọ nte awo ikie ye edịb)

Ñwed Mbon Rum 11:17

Adieke usʌk mme ñkọk emaekebʌññọ ewuọ, ndin afo, ñkọm afo ado ọdif a-akọttọ ke akai ikọd, ekpukpịkke eben edian ke atu mme ñkọk mbon ñko afo awuana idahami ke udeme ndʌp uwem a-atooho eti adʌñ ọdif,

Ñwed Mbon Rum 15:27

Ammọ emaenem esịd adinam ami, ndin ke akpanikọ ammọ ekama ikọt Abasi ke Yerusedem isʌñ. Sia adieke mme Yentaid ekeewanake ke edidiọñ ake Sịbidịd ake mme Yuu, ammọ ñko ekama mme Yuu isʌñ ke ediwaana mme enọ ederimbod ammọ ye mme Yuu.

Ñwed Mbon Rum 15:8

Sia ami ntañ inọ ndufo ke Krais akappa ado ayịnufọk mme Yuu ke ntak akpanikọ Abasi, nọ esọọñọ mme enwọñọ e-ekenamma enọ mme nsọbom mme Yuu,

Ñwed Mbon Rum 9:24

kpa ñnyịn, a-anye amaakekood, idooho mme Yuu ikpọọñ ado mme Yentaid ñko?

1 Kọrint 1:2

Enọ ñwed ami esọk ufọkabasi ke Kọrint, ye mbon e-enamma esana ke Krais Yisọs, enyʌñ ekood edido mme ndisana ye ukeed awo ke ukeed itie e-ekoodo anyịñ Abọọñ ñnyịn Yisọs Krais, Abọọñ ammọ ye ake ñnyịn.

1 Kọrint 10:17

Sia idem uyo keed aba, ñnyịn ñko i-idooho uwak, ido idem keed, sia afịd ñnyịn iwuana ke uyo keed ado.

1 Kọrint 9:23

Ami nnam afịd ami ke ntak ikọ Abasi, nọ ato do ami ñkeene nwana ke mme edidiọñ ami.

2 Kọrint 1:7

Iminyʌñ inie idodanyen a-asọñọke ada, sia ñnyịn imidiọọñọ ite ke naña ndufo ewana ke ukuud ñnyịn, ntodo ke ndufo ewana ke idọñesịd ñnyịn.

2 Kọrint 9:13

Ke ntak utom mfọn a-ndufo edoññoke uwọdñkpọ, mme awo eyaetooro Abasi ke ñkopitem a-asañake ye nsuukiwuod e-enọọhọ eti etob Krais, a-ndufo ekenyịmmeke, enyʌññọ etat ubọk unọ enọ esọk ammọ ye afịd awo.

Efisọs 3:6

Ndedịbe ñkpọ a-abaaha ado, ke ntak ikọ Abasi mme Yentaid edoñño mme adia akpa mme ubon Isred, e-ebatta edian keed ke ubon Abasi e-enyʌññọ ewuaana keed ke enwọñọ ke Krais Yisọs.

Efisọs 4:1

Nte awo ñkpakọb Abọọñ, ndin, ami ikpek ndufo mbo yak edu uwem a-adotto ikood a-ndufo ekebọọhọ.

Efisọs 4:4

Idem keed ye Sịbidịd keed aba kpa nte ekikoodo ndufo ke idodanyen keed ke ini ekikoodo ndufo;

Fidibai 3:14

Ami nsʌk ñnwana adikisịm itie edikan ma mbọ ñkpọ ayịnutom nduba a-Abasi akeñkoodo anọ abio Abasi ke Krais Yisọs.

Kodosi 1:12

enọ Ete ekọọm, anye a-anamma ndufo edot ke ediwuana nte mme adia akpa ke inie mme ndisana ke abio ubọọñ unwana.

Kodosi 1:22

Ado idahami anye anam enie emem adat ndufo adian ato abʌkidem Krais, ato ke ñkpa enam ndufo adisana ke iso amọ, inieeghe ndo enyʌñ ebọkkọ udod ikọ,

Kodosi 3:12

Ke ntodo, nte mbon a-Abasi amekke anọ idem amọ, ndisana mme ata ndima, isịne afọñidem mbọm, mfọnido, nsuukidem, ifuure-ifuure ido mme ime.

1 Tesadonia 2:12

ke adisọọñọ ñkpad, ñka iso nnọ ndọñesịd ndin ñnyʌñ nsʌk ikpekpek ndufo adidu uwem a-asañake akekem ke se Abasi ayem, anye i-ikoodo ndufo asịn ke abio ubọọñ ye itooro amọ.

1 Tesadonia 5:27

Ami mmekpeiye ndufo ke iso Abọọñ nte ekood ñwed ami enọ afịd nditọete.

2 Tesadonia 1:11

Sia iminie ami ke esịd, afịd ini ñnyịn ibọñ akam inọ ndufo, ite Abasi ñnyịn akpebat ndufo nte emedot ke ikood amọ, ndin ato ke adudu amọ anye anam afịd nti uduak ndufo ye afịd adinam ke mbuọdidem ndufo asu.

2 Tesadonia 2:14

Anye akiikood ndufo anọ ami ato eti etob ñnyịn nọ ato do ndufo ekeme adiwuana ke ubọọñ Abọọñ ñnyịn Yisọs Krais.

1 Timoti 6:12

Nwana eti anwan mbuọdidem, sọọñọ mʌm nsi-nsi uwem kama, e-emaekukood fiin ete abọ anie, a-afo akenyʌññọ ayaara ke iso uwak ntiense.

1 Timoti 6:2

Adieke adʌññọ ye awo anịmme Abasi ke akpanikọ, kuumiim anye ato ke ntak a-ndufo edoñokke mme andinịm ke akpanikọ. Utu ke ado, kap nekke nam utom nọ anye afọn akan, sia mme adia ufọn utom ado edoññoke mme akpono Abasi ye nditọ ima amọ ñko. Ana ekpeeb enyʌñ enwam mme awo adinam mme ñkpọ ami.

2 Timoti 1:9

anye i-inyaañake ñnyịn anyʌñ ikood ñnyịn ate idu adisana uwem, itooho ke se ñnyịn inam ado ato ke uduak ye mfọn amọ a-anye akinọọhọ ñnyịn ke Krais Yisọs, mbemiso ntọọñọ ederimbod.

2 Timoti 2:7

Yak se ñtañ ami unwaña, ndin Abọọñ ayaunọ ifiọk ke ukeed ñkpọ ami.

Ibru 10:19

Ke ntodo nditọete, sia ñnyịn imainie nsọọñọnda adidʌk ke Nsana Mma Ata Adisana Itie ato ke iyiib Yisọs,

Ibru 10:21

afen ñko sia ñnyịn imainie akwa aku a-akamake ufọk Abasi,

Ibru 10:23

Yak ñnyịn itʌm imʌm mbuọdidem a-ñnyịn isitañña ibaña, ikiidunyeeñe, sia anye a-akenamma enwọñọ ye ñnyịn adooho anam akpanikọ.

Ibru 13:22

Nditọete, mmikpeiye ndufo nte yak ekpañ utọñ ke mme ikọitem mmi, sia iwet ndufo ibio-ibio ñwed kpọd.

Ibru 2:11

Ammọ, anye a-anamma awo asana ye mbon se enam esaana esịne ke ekpək keed. Ke ntodo, abuud imʌmmọ Yisọs adikood ammọ nditọete.

Ibru 2:17

Ato ke ntak ami akena enam anye nte ammọ nte awo ke afịd usʌñ, nọ ato do anye akan akappa ado akwa aku Abasi ke mbọm ye mbuọdidem ke adinam utom Abasi nọ ato do afeen idiọọkñkpọ mme awo.

Ibru 3:12

Nditọete, ikịt ibo ke awo ndufo ndomokeed inieeghe idiọọk ido ye esịd a-ammiinịmme ke akpanikọ a-anyʌññọ awakka akpọñ usʌñ Abasi uwem.

Ibru 3:14

Ñnyịn imidi adiwuana ke Krais adieke ñnyịn idiikan isọñ ubọk imʌm mbuọdidem a-ñnyịn ikinieeghe ke akpa ikama tutu asịm utịd.

Ibru 6:20

itie a-Yisọs amaakibebem ñnyịn iso idʌk ke ntak iwuod ñnyịn. Anye amaakappa akwa aku ke nsi-nsi kpa ukem-ukem nte Medkisedek.

Ibru 7:26

Utọ akwa aku ado ke akpanikọ akeme iyọ mme mfịna ñnyịn. Anye a-adooho adisana, anana ndo, asana ama, e-emaekebakka anye ekpọñ mme anam idiọọk, edịppe anye edọọk ebọhọ mme ikpaanyọñ.

Ibru 7:28

Sia ibed akemek nte mme akwa aku mme awo e-edoññoke mmem-mmem; ado unwọñọ a-akedieeghe adikịt ibed, akemek Ayịn, e-emaekenam afọn ama ke nsi-nsi.

Ibru 9:11

Ado ke ini Krais amaakedi nte akwa aku mme nti ñkpọ e-emaekebaba mi, anye amaaboiyo ke tabanakịd a-akponno akan, anana ndo, idooho ubọkawo akenam, a-awuọọñọke abo ke idooho ñkpọ e-ekebotobot.

Ibru 9:15

Ke ntak ami, Krais ado akpe emem ke ufa edioomo nọ atoodo mbon e-ekoodo ekan ebọ nsi-nsi udeme e-emaekenwọñọ, idaha a-adooho anye amaakpa nte andifak ammọ nsio ke mme ndiọiñkpọ e-ekenamma ke idak akpa ediomo.

1 Bita 2:9

Ado ndufo edoñño mbon e-mekkemek, edoñño mme aku edidem, edoñño adisana abio, edoñño mbon a-Abasi anịmme anọ idem amọ nọ ndufo eka eketañ mme ase amọ, anye a-akikoodo ndufo asio ke akịm asịn ke utịbe unwana amọ.

1 Bita 3:5

Sia ntom ke nti ibaan eyo esed e-ekedotto anyen ke Abasi ekesinam idem ammọ ayaiya. Ammọ emaesuuk idem enọ mme ebe ammọ,

1 Bita 5:1

Ke abaña mme ñyobioawo e-ebaaha ke atu ndufo, ami nnam ebeeñe ami nte keed ke atu mme ñyobioawo, ntiense ndutʌkkọ Krais ye awo keed a-adiikeene iwuana ke ubọọñ e-ediiyaara.

1 Bita 5:10

Ndin Abasi afịd mfọn a-akikoodo ndufo ate edidʌk ke nsi-nsi ubọọñ amọ ke Krais, ke ini ndufo emaekekịt ukuud ke etək ini, ayaamaana idʌt ndufo adat anyʌñ anam enie adudu, nsọọñọnda ye ñkaiso.

1 Yọọn 1:3

Ñnyịn itañ inọ ndufo ibaña se ñnyịn ikịt ye se ikop, nọ atoodo ndufo enie ewana ye ñnyịn. Ndin inie ewana ye Ete ye Ayịn amọ, Krais Yisọs.

Ñwed Yud 1:1

Yud, isʌñutom Yisọs Krais, anyʌññọ ado ayịneka Yemsi. Awet ñwed ami anọ esọk mbon e-ekekoodo, ake Abasi Ete amaaha, Yisọs Krais anyʌññọ akpeme ammọ.

Adiyaara 17:14

Ammọ eyaenwana ekọñ mme Ayịn Edọñ, ado Ayịn Edọñ ayaakan ammọ sia anye ado Abọọñ mme mbọọñ ye Adidem mme ndidem, ndin mbon e-emaekekood, emek, enyʌñ edoñño mme ibed e-ebuọttọ idem mme anye eyaeba mme anye.”

Adiyaara 18:20

“Nem esịd baña anye, afo ikpaanyọñ! Inemesịd ndisana awo ye mme abọsịd ye mme brọfed! Abasi akpe ikpe amọ ke afịd se anye akinam ndufo!”