Ibru 2:9 - Ñwed Abasi Ke Ikọ Ibibio Ayo Mfịn

⁹ Ado ñnyịn imikịt Yisọs, e-ekenamma asuuhọ etək-etək akan mme enyere, idahami, eyat anye anyanya ubọọñ ye ukpono sia anye amaabọ ndutʌkkọ ñkpa nọ ato do, ke mfọn Abasi anye anweem ñkpa anọ afịd awo.

Ibru 2:9 ပူးပေါင်းရင်းမြစ်များ

Matiu 16:28

“Ke akpanikọ ke idọkkọ ndufo, aba ubaak awo e-ebaaha a-mmiidiikitte ñkpa tutu ammọ ekịt Ayịn Awo nte adi ke abio ubọọñ amọ.”

Matiu 6:28

“Ñko ntaha efịnake idem ebaña nsiine-e? Ikere ibaña mme frawa ke inwañ; ammọ inamma utom inyʌññọ idọk ñkpọ.

Maak 9:1

Anye amaanyʌñ abo ammọ ate: “Ami ntañ akpanikọ inọ ndufo, ubaak ndufo e-edaaha mi idiikpaññake mbemiso ammọ ekịt abio ubọọñ Abasi naña adidi ke adudu.”

Eti Etob Naña Duk Awet 9:27

“Ke akpanikọ ke ami ntañ inọ ndufo nte, ubaak ndufo e-edaaha mi idiitappa ñkpa tutu ndufo ekịt abio ubọọñ Abasi.”

Yọọn 1:29

Usen mfen, Yọọn amaakịt Yisọs nte asaña abịne anye, anye anyʌñ abo ate, “Sese Ayịn Edọñ Abasi a-abenne mme idiọọkñkpọ ederimbod afep!

Yọọn 10:17

Ntak e-Ete mmi ammaaha ado ke mmeduọọk uwem mmi–nọ ato odo mmaana mben anye.

Yọọn 12:32

Ado ami, ke ini emaemben miin idọọk ke anyọñ, nyaakoono afịd awo ndat nnọ idem mmi.”

Yọọn 3:16

“Sia Abasi akeneenekke ama ederimbod asịn anye akenọ ukweeñe Ayịn keed anye anieeghe mbaak awo ake adodo anịmme anye ke akpanikọ akuutak ado anie nsi-nsi uwem.

Yọọn 8:51

Ke ata akpanikọ ke ami ntañ inọ ndufo, awo ake adodo a-anịmme ikọ mmi, idikịtte ñkpa.”

Yọọn 8:52

Mme Yuu emaetañ ke akpọsọñ uyo ete, “Idahado ndin ñnyịn imidiọọñọ ke ñkpọ usọp. Ebraham amaakpa, mme brọfed emaekpañña ñko, ado afo abo, awo ake adodo a-anịmme ikọ mmi idiikpaaha.

Utom 2:33

Ke emaekedịppe anye itie idot ke ubọkudom Abọọñ Abasi, anye abọ Adisana Sịbidịd a-anye akenwọñọke ato Ete. Do ke anye aduọk ammọ Sịbidịd a-ndufo ekịtte enyʌñ ekop mi mfịn.

Utom 3:13

Abasi Ebraham, Aisik, ye Yekọb ye Abasi mme eteete ñnyịn anam ami anọ ayịn amọ Yisọs itooro. Ndufo ekeben anye enọ ebo yak ewot, emaesịn anye ke iso Baided, akpesʌk ado nte anye akenyịmmeke adisaana Yisọs ñyaak.

Ñwed Mbon Rum 5:18

Ato ke ntak ado, sia idiọọkñkpọ keed akebenne ubiom ikpe anọ afịd awo, ntodo ñko ke utịb adinam etiido keed akedo unen ye uwem asọk afịd awo.

Ñwed Mbon Rum 5:8

Ado Abasi awọd ima amọ inọ ñnyịn ke ami: naña ñnyịn ikisʌkkọido mme anam idiọọk, Krais amaakpa inọ ñnyịn.

Ñwed Mbon Rum 8:3

Sia se ibed mmiikinieeghe adudu adinam sia idiọọk ido abod ñnyịn amaabọ anye adudu, Abasi amaanam ke adinọ ukweeñe Ayịn amọ ke mbiod idiọọk ido abʌkidem adido uwa ñkpọ idiọọkñkpọ. Ndin anye amaabiom idiọọkñkpọ ikpe ke uduod abʌkidem,

Ñwed Mbon Rum 8:32

Anye a-amiikiyimme Ayịn amọ, ado ayaak anye anọ afịd ñnyịn, die ndin ke anye ñko ukem ye anye akpetre aditat ubọk inọ ñnyịn afịd ñkpọ?

2 Kọrint 5:15

Ndin anye akenyʌñ akpa anọ afịd awo mbaak mbon e-ebaaha ke uwem ekụụdu uwem aba enọ idem ammọ, ado edu uwem enọ anye akekpaaha anọ ammọ, anyʌññọ aset.

2 Kọrint 5:21

Abasi akenam anye a-miikinieeghe idiọọkñkpọ akappa ado idiọọkñkpọ ke ntak ñnyịn; mbaak ato do ñnyịn ke anye ikappa ido edinenido Abasi.

Kadesia 4:4

Ado ke ini amaakedikem ayọhọ-ayọhọ, Abasi amaadọñ Ayịn amọ a-akemanake ato awonwaan, amana ke idak ibed,

1 Timoti 2:6

a-akenọọhọ idem amọ nte ñkpọ ufak nnọọ ukeed awo, enyʌñ enọ etob ami ke ini amaakem.

Ibru 1:9

Afo amema adisana ido akenyʌñ asua ukwañ ido; ke ntodo Abasi, Abasi mfo audịppe fiin abọhọ mme nsaña mfo ke aduyet fiin adan inemesịd.”

Ibru 10:5

Ke ntak ami, Krais amaakedi ke ederimbod, anye abo: “Uwa ye mme enọ afo ukuyemme, ado afo amaabot idem annọ miin;

Ibru 11:5

Ke mbuọdidem emaeben Inọk esio ekpọñ uwem ami, ke ntodo anye ikikpaaha ñkpa. “Awo ikikịtte anye, sia Abasi amaaben anye asio.” Sia mbemiso ekeben anye esio, emaetooro anye nte awo a-akeneme Abasi esịd.

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 2:7

Afo akenam anye asuuhọ etək-etək akan mme enyere; amaayat anye anyanya ubọọñ ye ukpono

Ibru 7:25

Ke ntodo anye akeme adinyaaña ukeed-ukeed mbon e-edieeghe ebịne Abasi ke anye, sia anye adodu uwem afịd ini, aka iso adinam ñkpeubọk anọ ammọ.

Ibru 8:3

Emek afịd akwa aku adinọ mme enọ ye adiwa mme uwa, ke ntak ado akena anye ami ñko anyʌñ anie ñkpọ adinọ.

1 Bita 1:21

Ato ke anye, ndufo enịm Abasi ke akpanikọ, a-akenamma anye aset ke ñkpa anyʌñ anọ anye ubọọñ, ke ntodo mbuọdidem mme idodanyen ndufo aba ke Abasi.

1 Yọọn 2:2

Anye ado uwa usio isop mme ndiọiñkpọ ñnyịn, ndin idooho ake ñnyịn ikpọọñ; ado ake afịd awo ke ederimbod.

Adiyaara 19:12

Anyen amọ esak nte ndubek ikañ, anye anyʌñ ayara uwak anyanya ke iwuod. Anye anie anyịñ e-ewette anye ke idem adooho awo ndomokeed mfen idiọọñọke ibọhọke anye ke idem amọ kpọd.

Adiyaara 5:9

Ndin ammọ emaekwọ ufa ikwọ ete: “Afo amedot adibọ ikpañwed, ñkʌppọ ñwed nyʌñ mbom mme ufiikñkpọ amọ, sia emaekuwowot Fiin ndin Afo amaadat iyiib mfo adep uduod awo asio ke mme aduuk, ubon awo, ye usem, ye idịd ayaak anọ Abasi.