Ibru 2:4 - Ñwed Abasi Ke Ikọ Ibibio Ayo Mfịn

⁴ Abasi akenyʌñ anọ ikọ ntiense abañake adinọ mme idiọọñọ, mme utịbe ñkpọ, mme utom adudu ye mme enọ Adisana Sịbidịd e-ekedeemeke nte asañake akekem ke udọñ amọ.

Ibru 2:4 ပူးပေါင်းရင်းမြစ်များ

Maak 16:20

Ndin ibed ewuọọñọ ekekwọrọ ikọ afịd itie, Abọọñ anyʌñ adat ammọ anam utom, ndin anyʌñ asọọñọ ukwọrọ ikọ ammọ ke adinam mme utịbe idiọọñọ.

Maak 6:14

Adidem Herọd amaakop abaña se ikitịppe sia anyịñ Yisọs amaasuana. Usʌk emaetọọñọ itañ ete, “Yọọn Aduọkmmọọñ aset ke ñkpa, anye ado ntak adudu adinam utịppe ñkpọ enamma utom ke idem amọ.”

Yọọn 15:26

“Adọñ awo esịd amaadi, a-ami ndibọ Ete nnọ isọk ndufo, Sịbidịd akpanikọ a-atooho Ete, anye ayaatie ntiense ambaña miin.

Yọọn 4:48

Yisọs amaabo, “Ibọhọke ndufo ekịt mme idiọọñọ utịbe ñkpọ ye ñkpọ ñkpaidem, ndufo idiinịmme ke akpanikọ.”

Utom 14:3

Ke ntak ado, Bọọd ye Banabas emaekpeene do enyʌñ ekwọrọ Abọọñ uko-uko, ndin Abọọñ ñko amaasọọñọ etob mfọn amọ ke adinọ mme abọsịd adudu adinam mme utịbe ñkpọ ye utom idiọọñọ.

Utom 4:10

afịd ndufo, ye afịd ufọk Isred, idiọọñọ ami: ite ke ato anyịñ Yisọs Krais ake Nasared, a-ndufo ekekọññọ ewot ke eto krọs, a-Abasi akenamma aset ke ñkpa, ke awo ami anie nsọñidem, a-adaaha mi ke iso ndufo.

Utom 5:32

Ñnyịn ido mme ntiense ibaña mme ñkpọ ami, ntodo ñko ke Adisana Sịbidịd ado, a-Abasi añọọhọ mbon e-ekoppo uyo amọ.”

Efisọs 1:5

anye amaimek ñnyịn ke adiben ñnyịn mbon nte nditọ ato ke Yisọs Krais, nte asañake akekem ye inemesịd ye uduak amọ,

Efisọs 1:9

anye amaanam ñnyịn idiọọñọ ndedịbe uduak amọ nte asañake akekem ke inem amọ a-anye amaakedaduak ke Krais,

Efisọs 4:7

Ado einọ ñnyịn keed-e-keed mfọn naña Krais adeeme.

Ibru 6:4

Ado ata akpọsọñ ñkpọ anọ mbon e-edooho emaebọ ntad anyen, e-emaeketabba mme mfọn Abasi ekop, e-emaekekeene ewana ke Adisana Sịbidịd