Ibru 2:14 - Ñwed Abasi Ke Ikọ Ibibio Ayo Mfịn

¹⁴ Sia nditọ enieehe abʌk ye iyiib, anye ñko awuana ke uduod awo, nọ ato ke ñkpa amọ anye abiad anye a-akamake adudu ñkpa, a-adooho, andidiọọk,

Ibru 2:14 ပူးပေါင်းရင်းမြစ်များ

Matiu 16:17

Yisọs amaabọọrọ, “Saimọn ayịn Yọna, afo ado awo e-emaedọdiọñ sia ikidooho abʌk mme iyiib akeyaara ami unọ, ado aketo Ete mmi ke anyọñ.

Matiu 25:41

“Ndin anye ayaabo mbon e-ebaaha ke ubọk ufien amọ ate, ‘Indaaña ke iso, mme isuuñọ ndufo ke idem, ika ke ikañ nsi-nsi e-ekebarake enịm enọ setan ye mme enyere amọ.

Yọọn 1:14

Ikọ amaakappa ado awo anyʌñ adʌñ mi ke ederimbod ke atu ñnyịn. Ñnyịn inyʌñ ikịt ubọọñ amọ a-anye anieeghe ato Ete nte ukwueeñe Ayịn Abasi Ete a-ayọhọke ye mfọn ye akpanikọ.

Yọọn 12:24

Ke ata akpanikọ ami ntañ inọ ndufo, ibọhọke ñkpasi abakpa aduọ adʌk isọñ akpa, anye adisʌk ido ñkpasi keed. Ado anye akpekpa, ayaasakka uwak ñkpasi.

Ñwed Mbon Rum 14:9

Akedo ke ntak ami, ke Krais akekpa ndin atịmme aset adi uwem nọ atodo anye adido Abọọñ mme akpañkpa ye mme adu uwem.

Ñwed Mbon Rum 8:3

Sia se ibed mmiikinieeghe adudu adinam sia idiọọk ido abod ñnyịn amaabọ anye adudu, Abasi amaanam ke adinọ ukweeñe Ayịn amọ ke mbiod idiọọk ido abʌkidem adido uwa ñkpọ idiọọkñkpọ. Ndin anye amaabiom idiọọkñkpọ ikpe ke uduod abʌkidem,

1 Kọrint 1:28

Abasi amek usuuk itie ñkpọ ye ñkpọ e-esịnne ke ndek, mme ñkpọ se miibaaha, nọ abiad ñkpọ se iba,

1 Kọrint 15:50

Ñtañ inọ ndufo, nditọeka, nte ke abʌk ye iyiib ikemeke adinie udeme ke abio ubọọñ Abasi, me mbiara adinie udeme ke se miibiarake.

Kadesia 4:4

Ado ke ini amaakedikem ayọhọ-ayọhọ, Abasi amaadọñ Ayịn amọ a-akemanake ato awonwaan, amana ke idak ibed,

Kodosi 2:15

Ndin ke amaakebọ mme adudu ye mme ukara, anye anam ammọ ñkpọ ndise anwa-anwa, ndin akan ammọ ke krọs.

1 Timoti 3:16

Eniin akuuba ke atu ndufo abaña ido ukpono Abasi ñnyịn sia ado ekamba utịbe ñkpọ: Ado anye akeyaara idem amọ ke ikpọkidem, anye ado Andinen ke Sịbidịd mme enyere emaekịt anye. Emaekwọrọ anye ke atu mme idịd, emaenịm anye ke akpanikọ ke ederimbod, ndin eben anye edọọk ke ubọọñ.

2 Timoti 1:10

Ato ke adidi Andinyaaña ñnyịn, Krais Yisọs, anye amaayara ñkpọ ami inọ ñnyịn. Krais amaabiad ñkpa, ndin ato ke eti etob emi, ayaara uwem nsi-nsi anọ mme andinịm anye ke akpanikọ.

Ibru 10:10

Ato ke ntak uduak ado, enam ñnyịn isana ato ke adiwa abʌkidem Yisọs Krais akañ keed kpọd.

Ibru 10:5

Ke ntak ami, Krais amaakedi ke ederimbod, anye abo: “Uwa ye mme enọ afo ukuyemme, ado afo amaabot idem annọ miin;

Ibru 2:17

Ato ke ntak ami akena enam anye nte ammọ nte awo ke afịd usʌñ, nọ ato do anye akan akappa ado akwa aku Abasi ke mbọm ye mbuọdidem ke adinam utom Abasi nọ ato do afeen idiọọkñkpọ mme awo.

Ibru 2:18

Sia anye ke idem amọ amaabọ ndutʌkkọ ke ini ekedomoke anye, anye akeme adinwam mbon e-enyʌññọ edomo ammọ idomo.

Ibru 4:15

Sia ñnyịn inieeghe utọ akwa aku a-mmiikanna adinie esịd mbọm mbaña mme mmemidem ñnyịn, ado inie anye a-adooho emaedomo anye ke afịd-afịd usʌñ naña enyʌñ idoomo ñnyịn, ado anye ikinamma idiọọkñkpọ.

Ibru 9:15

Ke ntak ami, Krais ado akpe emem ke ufa edioomo nọ atoodo mbon e-ekoodo ekan ebọ nsi-nsi udeme e-emaekenwọñọ, idaha a-adooho anye amaakpa nte andifak ammọ nsio ke mme ndiọiñkpọ e-ekenamma ke idak akpa ediomo.

1 Bita 1:20

Ekemek anye enịm mbemiso ebot ederimbod, ado ediyaara anye ke akpatre ini ami ke ntak ndufo.

Adiyaara 1:18

Ami ndo anye adu uwem; Ami mmaakpa, ndin kase Ami ndudu ke nsi-nsi. Ami ñnyʌñ ñkama ukpọhọde ñkpa ye Abioekpo.

Adiyaara 12:9

Emaetop ekamba drakọn eduọọk ke isọñ, akaan udʌkikọd ado e-ekoodo anye andidiọọk me Setan, anye a-anamma afịd ederimbod ewuọ ekpọñ usʌñ. Emaetop anye eduọọk ke isọñ ye mme enyere amọ.

Adiyaara 2:10

Kuudịkke ubaña ukuud se a-afo uduubọ. Ami ñtañ unọ, andidiọọk ayaadọñ usʌk ndufo ñkpakọb, ke edidomo ndufo nse, ndin eyaebọ ndutʌkkọ ke usen duop. Esọọñọ eda, akpekọm ado ke ñkpa, ndin Ami ñyainọ ndufo anyanya uwem.

Adiyaara 20:2

Anye amaamʌm drakọn, akaan udʌkikọd ado, a-adooho andidiọọk, me Setan, anyʌñ akọp anye ke isua tọsịn keed.