Ibru 2:10 - Ñwed Abasi Ke Ikọ Ibibio Ayo Mfịn

¹⁰ Ke adikoono uwak nditọ ndʌk ubọọñ, amaadot Abasi, a-adooho ke anye, anyʌñ ato ke anye afịd ñkpọ aba, adinam andinọ adinyaaña ukpọñ afọn ama ato ke ndutʌkkọ.

Ibru 2:10 ပူးပေါင်းရင်းမြစ်များ

Eti Etob Naña Duk Awet 13:32

Anye amaabọọrọ ammọ ate, “Kaa kedọkkọ ewaikọd ado bo ke ‘ami nyaaka iso mbịn mme ndiọi sịbidịd ñnyʌñ ñkọk udọñọ mfịn ye ñkpọñ, ndin ke ayọhọ usen ita, ami ñyaama se ñkeyem adinam.’

Eti Etob Naña Duk Awet 2:14

“Itooro anie Abasi ke ata anyọñ, emem anyʌñ aba ke isọñ ye mbon a-anye anọọhọ mfọn.”

Eti Etob Naña Duk Awet 24:26

Nte ikinaaha Mesaya abọ afịd ufen ami ndin adʌk ke itooro ubọọñ amọ?”

Eti Etob Naña Duk Awet 24:46

Anye abo ammọ ate, “Ewet ebo ke Mesaya ayaabọ ufen ndin aset ke ñkpa ke ayọghọ usen ita,

Yọọn 11:52

inyʌññọ ido idịd ado ikpọọñ, ado ayaakpa anọ nditọ Abasi e-ekesuanake eyọhọ afịd itie abok ammọ nọ ammọ ekappa edo keed.

Yọọn 19:30

Ke Yisọs amaaketʌm ukọd ado, anye amaabo, “Akweeñe.” Ke anye amaakebo ntodo, anye amaasuuk iwuod ke isọñ, ayak sịbidịd amọ.

Utom 3:15

Emaewot andinọ uwem ado Abasi amaanam anye aset ke ñkpa, nte ñnyịn idooho mme ntiense ibaña.

Utom 5:31

Abasi amaabenne anye anịm ke ubọk udom amọ nte Ayịn Abọọñ ye Andinyaaña ma anye anam Isred ekappa esịd, anye ñko anyʌñ afeen mme idiọọkñkpọ ammọ.

Ñwed Mbon Rum 11:36

Sia ato ke anye, aboiyo ke anye, afịd ñkpọ abañña, ndin afịd ñkpọ anie anye. Enọ anye ubọọñ ke nsi-nsi! Amen.

Ñwed Mbon Rum 9:23

Ñko, akpedo anye akenam ami adiyaara amọ ke ubọọñ nnọọ ñkpọ ami anye aniehe mbọm abaña, a-anye akebakka adiọñ anịm edinọ ubọọñ,

1 Kọrint 2:7

Iyoo, ñnyịn itañ ikọ ibaña ndedịbe aniọñ ake Abasi, aniọñ e-emaekedịp, a-Abasi akebeeñeke anịm anọ ubọọñ ñnyịn ke editọọñọ.

1 Kọrint 8:6

ado ñnyịn inie Abasi keed, Abasi Ete, a-afịd ñkpọ aketooho, anye ñko ke ñnyịn idu uwem inọọ; ñko Abọọñ keed aba, kpa Yisọs Krais; afịd ñkpọ aketo ke anye, uwem ñnyịn anyʌñ ato anye.

2 Kọrint 3:18

Ado afịd ñnyịn imidat iso awo miifʌkkọ ñkpọ imʌm Abọọñ ikama, naña ukịdiso amʌm ñkpọ; ntodo ke ñnyịn ikpəghọ idem ikappa inie mbid amọ, idian ubọọñ ke ubọọñ ami atooho Abọọñ, a-adooho Sịbidịd.

2 Kọrint 4:17

Sia nyayakka ukuud ñnyịn abaaha idahado-idahado edọdiọñ enam ñnyịn inie nsi-nsi ubọọñ e-ekponno enyʌñ edoppo ekan afịd ammọ.

2 Kọrint 5:18

Ado afịd ñkpọ ato Abasi, a-akenamma ñnyịn itie ke emem ye anye ke Krais, a-akenyʌññọ inọ ñnyịn utom, abo ñnyịn inam awo aba ke emem ye anye:

2 Kọrint 6:18

Ñko, “Ñyaado Ete ndufo ndin ndufo eyaedo nditọ ideen ye nditọ ibaan mmi, ntom ke Abọọñ Andikpon Ñkan abo.”

Kadesia 3:26

Afịd ndufo edoñño nditọ Abasi ato ke adibuọd idem ke Krais Yisọs,

Efisọs 2:7

nọ ato do ke mme isua a-adiidi, anye adikan iwọt anana mbied mme inie ke uwak mfọn amọ a-anye anamma isịm ñnyịn ke mfọnido amọ ye ñnyịn ke Krais Yisọs.

Efisọs 3:10

Udọñ amọ akedo yak idahami, ato ke ufọkabasi, mme ukara ye mme adudu ke mme ikpeghe ebekpo ubọọñ ediọọñọ ebaña akwa anana mbied ekike Abasi,

Kodosi 3:4

Ke ini Krais, adooho uwem ndufo, amaawuọ iwọt idem, ndin ndufo ñko eyaewuọ ewọt idem mme anye ke ubọọñ.

2 Timoti 2:10

Ke ntak ami ñko ke ami ñyọ ke ntak ufọn mbon a-Abasi amekke nọ ammọ ñko enie adinyaaña eto Krais Yisọs, enyʌñ ebọ nsi-nsi ubọọñ.

Ibru 12:2

Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 6:20

itie a-Yisọs amaakibebem ñnyịn iso idʌk ke ntak iwuod ñnyịn. Anye amaakappa akwa aku ke nsi-nsi kpa ukem-ukem nte Medkisedek.

Ibru 7:26

Utọ akwa aku ado ke akpanikọ akeme iyọ mme mfịna ñnyịn. Anye a-adooho adisana, anana ndo, asana ama, e-emaekebakka anye ekpọñ mme anam idiọọk, edịppe anye edọọk ebọhọ mme ikpaanyọñ.

Ibru 7:28

Sia ibed akemek nte mme akwa aku mme awo e-edoññoke mmem-mmem; ado unwọñọ a-akedieeghe adikịt ibed, akemek Ayịn, e-emaekenam afọn ama ke nsi-nsi.

1 Bita 1:12

Emaeyaara ewọt ammọ ete ke ammọ ikinamma ñkpọ adinwam idem ammọ ado ke ekekap enwam ndufo ke ini ekebenne ikọ ado etañ, kpa ikọ emaeketatañ inọ ndufo ato ke inua mbon e-ekwọrọke nti etob inọ ndufo ke Adisana Sịbidịd, e-ekedọññọ ato abio ubọọñ Abasi adi. Kpa mme enyere emaenie udọñ adinyuuñọ nse mme ñkpọ ami.

1 Bita 5:1

Ke abaña mme ñyobioawo e-ebaaha ke atu ndufo, ami nnam ebeeñe ami nte keed ke atu mme ñyobioawo, ntiense ndutʌkkọ Krais ye awo keed a-adiikeene iwuana ke ubọọñ e-ediiyaara.

1 Bita 5:10

Ndin Abasi afịd mfọn a-akikoodo ndufo ate edidʌk ke nsi-nsi ubọọñ amọ ke Krais, ke ini ndufo emaekekịt ukuud ke etək ini, ayaamaana idʌt ndufo adat anyʌñ anam enie adudu, nsọọñọnda ye ñkaiso.

Adiyaara 4:11

“Afo amodot, Abọọñ mme Abasi ñnyịn, edibọ ubọọñ mme ukpono mme adudu, sia afo akebotto afịd ñkpọ, ndin ke unyịmme mfo emaebot ammọ, ammọ enyʌñ enie uwem.”

Adiyaara 7:9

“Ke mme ñkpọ ami emaekeboiyo mmaakịt ke iso mmi akamba atu awo a-awo ndomokeed mmiikpikanna ibat naña eba, afịd mme idịd, aduuk, usem mme afịd ubon awo naña eda ke iso ebekpo ye ke iso Ayịn Edọñ. Ammọ ekesiine mfia afọñidem enyʌñ ekaama mme ndak ayob ke ubọk.