Ibru 13:7 - Ñwed Abasi Ke Ikọ Ibibio Ayo Mfịn

⁷ Itoiyo mme adaiwuod ndufo, e-eketañña ikọ Abasi inọ ndufo. Ikere ibaña naña uwem ammọ aba inyʌñ idubọiyọ mbuọdidem ammọ.

Ibru 13:7 ပူးပေါင်းရင်းမြစ်များ

Matiu 24:45

“Anie awo ndin ido eti ye anie iwuod ayịnufọk e-eteufọk amọ anịmme ke iwuod mme nditọufọk mfen ke afịd ufọk amọ nọ anye anọ ammọ udia ke eti ini?

Eti Etob Naña Duk Awet 12:42

Abọọñ amaabọọrọ ate, “Anie ndin ado eti ase ñkpọ mbaña mbon utom a-anamma akpanikọ, e-eteufọk anịmme ke iwuod nọ akpe akʌk ndidia anọ mbon utom ke akem ini?

Eti Etob Naña Duk Awet 5:1

Usen keed, naña Yisọs adaha ke mben Ibiok Yenesaded, uwak awo emaediyọhọ ekanna anye ekʌk adikop ikọ Abasi.

Eti Etob Naña Duk Awet 8:11

“Kop se ñke ami awuọ mi: Ñkpasi ado ikọ a-atooho Abasi.

Utom 13:46

Bọọd ye Banabas emaebọọrọ ammọ uko-uko ete: “Akena nte ñnyịn ibem iso itañ ikọ Abasi inọ ndufo. Sia adooho ndufo emesịn adibọ ikọ Abasi, inyʌññọ ibat idem ndufo nte mbon e-edotto nsi-nsi uwem, idahami ñnyịn imiwọññọ ikeene mme Yentaid.

Utom 14:23

Bọọd ye Banabas emaemek mme etubom enọ ufọkabasi keed-e-keed, ndin ke akam ye utreudia emaeben ammọ enọ Abọọñ a-ammọ ekenieehe idodanyen.

Utom 4:31

Ke ammọ emaekebọñ akam, itie ammọ eketieeghe amaanyeeñe, ndin afịd ammọ emaeyọhọ ye Adisana Sịbidịd, enyʌñ ekwọrọ ikọ Abasi uko-uko.

Ñwed Mbon Rum 10:17

Ke ntodo, mbuọdidem ato ke adikop etop, ndin adikop etop ami ato ikọ Krais.

1 Kọrint 10:13

Ibaaha idomo i-isịmme ndufo a-adooho akenam isịmme awo mfen. Abasi ado anam akpanikọ; anye idiiyakka ndufo enie idomo se ikpon ikan se ekeme adiyọ. Ado ke ini edʌkkọ idomo, anye ayaasio usʌñ nọ ato do ekan eyọ idomo ado.

1 Kọrint 11:1

Kpebe uwʌd ñkpọ mmi kpa naña ami ñkpebe uwʌd ñkpọ Krais.

1 Kọrint 4:16

Ke ntak ado mmikpeiye nte yak ndufo emkpebe miin.

Fidibai 3:17

Idiana ye mbon mfen ke edisaña ke uwọd-ñkpọ mmi, nditọete, inyʌñ ise mbon eduuho uwem a-asañake akekem ke udomo a-ñnyịn ikinọọhọ ndufo.

1 Tesadonia 1:6

Ndufo emaikpebe ñnyịn ye Abọọñ, ikereke akpọsọñ ndutʌkkọ, ndufo emaebọ etob ke inemesịd a-Adisana Sịbidịd anọọhọ.

1 Tesadonia 2:13

Ndin ñnyịn isʌk ikaaka iso ikọọm Abasi ye ntak, ke ini a-ndufo ekebọọhọ ikọ Abasi, a-ndufo ekekoppo eto ñnyịn, ndufo emaebọ idooho nte ikọ mme awo, ado ke naña anye aba, ikọ Abasi, a-anamma utom ke atu ndufo e-enịmme ke akpanikọ.

2 Tesadonia 3:7

Sia ndufo ke idem ndufo emediọọñọ naña ndufo ekpena ekeene uwọdñkpọ ñnyịn. Ñnyịn ikidooho ifu ke ini a-ñnyịn ikibaaha ye ndufo,

2 Tesadonia 3:9

Ñnyịn ikinam ami, idooho nte ñnyịn inieeghe unen adibọ utọ unwam ami ito ndufo, ado nọ ñnyịn inịm idem ñnyịn nte uwọt ñkpọ a-ndufo ekpekeeneke.

1 Timoti 3:5

(Adieke awo mmiikanna ikama ufọk amọ, anye adinam die ikan ikara ufọkabasi?)

Ibru 13:17

Ikop item inọ mme adaiso ndufo inyʌñ isuuk iwuod inọ ukara ammọ. Ammọ ese ñkpọ ibaña ndufo nte mbon e-ediibọọrọ mbịme iwuod ndufo, ikop item inọ ammọ ma utom ammọ ado ñkpọ inemesịd, idooho mbiomo, sia ñkpọ ntodo idiibaaha ufọn inọ ndufo.

Ibru 13:24

Kọọm afịd mme etubom ndufo ye mme afịd ikọd Abasi. Mbon e-etooho Itadi enọ ekọm isọk ndufo.

Ibru 6:12

Ñnyịn iyemme ndufo ekappa ifu, ado edubọiyọ mbon e-eduuho ke mbuọdidem ye ime, ammọ ebọ inie a-Abasi amaakenwọnwọñọ.

1 Bita 4:11

Awo akpeatañ ikọ, yak anye atañ nte atañ ata ikọ Abasi. Adieke awo anamma ñkpọ anọ emọ-emọ awo, yak anye anam ato ke adudu a-Abasi anọọhọ anye anam, nọ atoodo ke afịd ñkpọ etooro Abasi ato ke Yisọs Krais. Ubọọñ ye odudu enie anye ke nsi-nsi nsi-nsi, Amen.

Adiyaara 1:9

Ami Yọọn, ayịnete ye nsaña ndufo ke edibọ ukuud ke ntak abio ubọọñ mme ediyọ ke ime a-adooho ake ñnyịn ke Yisọs, ñkeba ke isuọ Badmus ke ntak ikọ Abasi mme ntiense abañake Yisọs.

Adiyaara 20:4

Ami mmaakịt mme ebekpo mbon e-emaekenọ adudu adibiire ikpe eketieeghe. Ndin mmaakịt ukpọñ mbon e-ekebiooho ammọ iwuod ke ntak ikọ ntiense Yisọs a-ammọ eketañña mme ke ntak ikọ Abasi. Amọ ikikponoke idiọọk unam mme mbiod amọ ikinyʌññọ ibọ idiọọñọ ke akpọiso mme ke ubọk ammọ. Ammọ emaeseed ke ñkpa ndin emaedu uwem enyʌñ ekeene Krais eda ukara ke isua tọsịn keed.

Adiyaara 6:9

Ke anye amaakekʌppọ ufiikñkpọ ayọhọ ition mmaakịt ke idak itie uwa, ukpọñ mbon se ekewot ke ntak ikọ Abasi ye ikọ ntiense ammọ ekemʌmmọ ekama.