Ibru 13:3 - Ñwed Abasi Ke Ikọ Ibibio Ayo Mfịn

³ Itoiyo mbon e-ebaaha ke ufọk ñkpakọb nte akpedo ndufo ekeene ammọ edo mbon ñkpakọb, ye mbon e-ebọọhọ ndutʌkkọ nte a-ndufo ke idem ndufo ekpebaaha ke ukuud.

Ibru 13:3 ပူးပေါင်းရင်းမြစ်များ

Matiu 25:36

Ke ñkenanake afọñ ndufo emaennọ afọñ, ndọñọ udọñọ, ndufo edinse, ke ñkpakọb, ndufo enyʌñ edinse.’

Matiu 25:43

Ami ñkedo asenawo, ndin ndufo ikindarake miin, nnana afọñ ado ndufo ikinsịnne afọñ, ndọñọ ñnyʌñ mba ke ñkpakọb ado akenanam ndufo idinseeghe miin.’

Utom 24:23

Anye amaanọ sentudiọn uyo abo ekpeme Bọọd, ado yak anye anie ifuuro anyʌñ ayak mme ufan amọ enọ anye se anye ayem.

Utom 27:3

Imaikiiwuọ Sidọn ke ayọhọ usen iba, ndin Yudiọs amaanekke afọn ido ye Bọọd ayak anye awuọ akese mme ufan amọ nọ enọ anye se ayem.

Ñwed Mbon Rum 12:15

Idara ye mbon se idara, itua ye mbon e-etuaahake.

1 Kọrint 12:26

Adieke ndido keed anieeghe mfịna, afịd ndido enie mfịna ado ye anye; adieke ndido keed abọọhọ ukpono, afịd ndido edaara ye anye.

Efisọs 4:1

Nte awo ñkpakọb Abọọñ, ndin, ami ikpek ndufo mbo yak edu uwem a-adotto ikood a-ndufo ekebọọhọ.

Kodosi 4:18

Ami, Bọọd, ñwed ekọọm ami ke ubọk mmi. Etoiyo ñkpakọb mmi. Mfọn aba mme ndufo.

Ibru 10:34

Ndufo emaesikop mbọm enọ mbon e-ekesịneke ke ufọk ñkpakọb, ñko ke ini ekesikoonoke mme inie ndufo, ekesibọ ke idaara sia emaediọọñọ ke ndufo ke idem ndufo emaenie mme inie, e-efọọnọ ekan e-ediinyʌñ ikpeene ke nsi-nsi.

Ibru 11:37

Emaetop usʌk ke itiad; ekeyọọyọọk usʌk ekpịkke iba, ewood usʌk ke eduad. Usʌk ekesiine ikpaidem edọñ ye ikpaidem ebod nte afọñ, ekiid unana enyʌñ ebọ ndutʌkkọ.

1 Bita 3:8

Ke akpatre, afịd ndufo inie esịd keed inọ keed aken; enie mbọm, ema nte nditọete, etua awo mbọm, enyʌñ esuuk idem ndufo.