Ibru 13:21 - Ñwed Abasi Ke Ikọ Ibibio Ayo Mfịn

²¹ ibana ndufo idem ye afịd nti ñkpọ nọ ndufo enam uduak amọ, ñko yak anye anam ke idem ñnyịn ñkpọ a-anemme anye esịd, ato ke Yisọs Krais, a-anieeghe ubọọñ ke nsi-nsi, nsi-nsi. Amen.

Ibru 13:21 ပူးပေါင်းရင်းမြစ်များ

Matiu 12:50

Sia awo keed ake adodo anamma uduak Ete mmi ke anyọñ ado ayịneka mmi awodeen ye ayịneka mmi awonwaan ye eka mmi.”

Matiu 21:31

“Anie awo ke atu nditọ iba ami ikinam uduak ete amọ?” Ammọ emaebọọrọ ete, “Akpa awo.” Yisọs abo ammọ, “Ami ntañ akpanikọ inọ ndufo, mme abọ taksi ye mme akpara eyaibem ndufo iso edʌk abio ubọọñ Abasi.

Matiu 28:20

inyʌñ ikpeeb ammọ adinịm afịd mme ibed a-ami ñkinọọhọ. Ndin sese, ami mbaba ye ndufo afịd ini, tutu utịd ederimbod.”

Matiu 6:13

Kuuyak ñnyịn idʌk ke idomo, ado fak ñnyịn sio ke ubọk andidiọọk.’

Matiu 7:21

“Idooho afịd awo eñkoodo miin, ‘Abọọñ, Abọọñ’ ediidʌk abio ubọọñ Abasi, ado sʌk mme andinam uduak Ete mmi a-abaaha ke anyọñ.

Yọọn 17:23

Ami ke ammọ, afo ke ami, ma ammọ ediana keed ayọhọ-ayọhọ. Do ndin ederimbod eyaediọọñọ ke afo akendọñ miin anyʌñ ama ammọ nte afo ammaagha miin.

Yọọn 7:17

Awo ake adodo a-abeeñeke idem adinam uduak Abasi ayaadiọọñọ mme ukpeebñkpọ mmi ato Abasi, me ami ntañ ikọ idem mmi.

Ñwed Mbon Rum 11:36

Sia ato ke anye, aboiyo ke anye, afịd ñkpọ abañña, ndin afịd ñkpọ anie anye. Enọ anye ubọọñ ke nsi-nsi! Amen.

Ñwed Mbon Rum 16:27

Itooro anie Abasi ke nsi-nsi a-adiọọñọke afịd ñkpọ ato Yisọs Krais! Amen.

2 Kọrint 9:8

Ndin Abasi akeme inam afịd ufọn ikeene ndufo uwak-uwak, nọ ato ke afịd ñkpọ ke afịd ini ndufo enieeghe afịd se eyem. Ndufo eyaeyọhọ ke afịd nti utom.

Kadesia 1:5

ubọọñ anieeghe anye ke nsi-nsi, nsi-nsi. Amen.

Efisọs 2:10

Sia ñnyịn ido mme andinam utom Abasi e-ekebotto ke Krais Yisọs ete inam nti utom, a-Abasi amaakebebem iso abeeñe anọ ñnyịn adinam.

Efisọs 2:18

Sia ke anye ñnyịn uduod iba iminie ufañ adikịt Abasi ke Sịbidịd keed.

Fidibai 1:11

a-keyọihọke me mfịd nti ido a-atooho ke Yisọs Krais ke ubọọñ ye itooro Abasi.

Fidibai 2:11

ñko afịd edeme esio etañ ke Yisọs Krais ado Abọọñ, ke ubọọñ Abasi Ete.

Fidibai 2:13

Sia ado Abasi a-anamma utom ke atu ndufo mbaak ekan enyʌñ enam asaña akekem ke uduak amọ ye se inem anye esịd.

Fidibai 4:13

Ami mmekeme adinam ukeed ñkpọ ato ke anye a-nnọọhọ miin adudu.

Fidibai 4:18

Ami mmebọ afịd-afịd se akena eñkpe mme se ikakan ado, ennọ miin ñkpọ mfọn-mfọn, akpan-akpan idahami a-adooho mmaakebọi nto Epafrọditus mme enọ a-ndufo ekenọọhọ eñsọk. Ammọ edoñño mme enem ufịk enọ, uwa a-adotto, a-anemme Abasi esịd.

Kodosi 3:17

Ndin se adodo a-ndufo enamma, me ke inua ikọ me ke adinam, inam afịd ke anyịñ Abọọñ Yisọs, inọ Abasi Ete ekọọm ato ke anye.

Kodosi 3:20

Nditọ, ikop uyo mme ete ye eka ndufo ke afịd ñkpọ, sia ami anem Abọọñ esịd.

Kodosi 4:12

Epafras, a-adooho keed ke atu ndufo mme ayịnufọk Krais Yisọs, adọñ ekọọm. Anye anwana afịd ini ke akam inọ ndufo, ate ndufo ekap esọọñọ eda ke afịd uduak Abasi, ekọt mfọn-mfọn, enyʌñ enie mbuọdidem ayọhọ-ayọhọ.

1 Tesadonia 3:13

Yak anye isọọñọ ndufo esịd nọ ndufo enana ndudue ndin esana ke iso Abasi Ete ke ini Abọọñ ñnyịn Yisọs adidi ye afịd mme ndisana awo amọ.

1 Tesadonia 4:3

Ado uduak Abasi nọ ndufo edoñño ndisana, nọ ndufo efeghe ekpọñ use ye efịbe;

1 Tesadonia 5:23

Yak Abasi ke idem amọ, Abasi emem, anam ndufo esana mfọn-mfọn. Yak afịd Sịbidịd ndufo, ukpọñ ye abʌkidem ekụụnie ndo ndomokeed ke adidi Abọọñ ñnyịn Yisọs Krais.

2 Tesadonia 2:17

isọọñọ ndufo ukod ndin inọ ndufo adudu ke afịd nti adinam ye ikọ.

1 Timoti 1:17

Yak ukpono ye ubọọñ anie nsi-nsi Adidem a-akarake ke afịd emana, anye a-mmiikpaaha, a-anyen awo mmiikịtte anye, kpa Abasi keed ke nsi-nsi nsi-nsi. Amen.

1 Timoti 5:10

ñko, enekke ediọọñọ anye eto nti ubọkutom amọ nte awo a-aketʌmmọ abọọk nditọ, a-aketʌmmọ akama isenawo, ase ñkpọ abaña mbon utom Abasi, ase ñkpọ abaña mbon unana ke atu anyʌñ anwam mbon ukuud, anyʌñ akaiso ke adinam nti utom.

1 Timoti 6:16

anye ikpọọñ mmiidiikpaaha ñkpa anyʌñ adʌñ ke unwana a-awo mmiikanna adisaña ñkpere, Kpaanam awo ikịtte anye inyʌññọ ikan ikịt. Ubọọñ ye adudu enie anye ke nsi-nsi. Amen.

2 Timoti 3:17

nọ atodo awo Abasi akeme edinie ayọhọ ifiọk, anyʌñ atʌm abeeñe idem ke ukeed-u-ukeed usʌñ, adinam afịd nti utom.

2 Timoti 4:18

Abọọñ ayaañnyaaña miin asio ke afịd idiọọk ubịne; ayaanyʌñ añkpeme miin tutu akesịm mme ndagha ebekpo ubọọñ Abasi amọ. Ubọọñ anie anye ke nsi-nsi. Amen.

Ibru 10:36

Ana ndufo esọọñọ eda esịn idem nọ ato do ke ini emaenam uduak Abasi, ndufo ebọ se anye akenwọñọ.

Ibru 12:23

ke ufọkabasi mme andikito mmana, e-emaekewet anyịñ ammọ ke abio ubọọñ Abasi. Ndufo emedi ebịne Abasi, akpe ikpe afịd awo, edi ebịne mme Sịbidịd mme nti awo e-emaekenam efọọn ema,

Ibru 12:28

Ke ntodo, sia ñnyịn ibọọhọ abio ubọọñ a-ñkpọ miikanna inyeeñe, yak ñnyịn inọ ekọọm inyʌñ ikpono Abasi ke eti usʌñ ke uteñe ye ata ndịk,

Ibru 13:16

Ndin ikiifre adinam nti ñkpọ ñnyʌñ ñwuana se enie ye mbon mfen, sia utọ uwa ntodo asinem Abasi esịd.

1 Bita 2:5

eyaidat ndufo ñko nte mme aduuwem itiad, ebọppọ esịn ke ufọk ake Sịbidịd, enyʌñ enam ndufo edo mme ndisana aku, ediwa uwa Sịbidịd, a-Abasi adaarake abọ ato ke Yisọs Krais.

1 Bita 4:2

Ke ntodo, anye idatta ini a-asʌhọke anọọ anye ke ederimbod idu uwem ke idiọọk itọñ esịd abʌkidem, ado asana akeene naña uduak Abasi ado.

2 Bita 3:18

Ado ekọọd ke mfọn ye ifiọk Abọọñ ye Andinyaaña ñnyịn Yisọs Krais. Yak ubọọñ anie anye ke ami ye ke nsi-nsi, Amen.

1 Yọọn 2:17

Ederimbod ye afịd ndumek amọ ayaaboiyo afep, ado awo a-anamma se Abasi ama adu uwem ke nsi-nsi.

1 Yọọn 3:22

inyʌñ ibọ ñkpọ ake adodo a-ñnyịn ibeeñeke anye, sia ñnyịn iminịm mme ibed amọ, inyʌñ inam ñkpọ se inem anye esịd.

Ñwed Yud 1:25

adooho ukweeñe-ukweeñe Abasi Andinyaaña ñnyịn, yak ubọọñ ye ubom ye adudu ye ukara anie anye ato ke Yisọs Krais Abọọñ ñnyịn, ke afịd emana, ye ke mfịn, ye ke nsi-nsi! Amen.

Adiyaara 4:6

Ñko ke iso ebekpo ado ñkpọ nte inyañ kraasi, ayamma nte kristad. Ndin ke ufọọd ebekpo mme ñkanñkʌk amọ akedo mme aduuwem ñkpọ inaañ, e-ekeyọhọke mme anyen ke iso mme edem.

Adiyaara 5:13

Ndin ami mmaakop naña afịd-afịd ñkpọ se Abasi akebot ke ederimbod ke anyọñ me ke isọñ me ke idakisọñ me ke akpa mmọọñ ye afịd ñkpọ se isiine ke esịd ammọ ekwọ ete: “Yak itooro me ukpono me ubọọñ me odudu enie anye a-atieeghe ke ebekpo anyʌñ anie Ayịn Edọñ, ke nsi-nsi, nsi-nsi!”

Adiyaara 5:9

Ndin ammọ emaekwọ ufa ikwọ ete: “Afo amedot adibọ ikpañwed, ñkʌppọ ñwed nyʌñ mbom mme ufiikñkpọ amọ, sia emaekuwowot Fiin ndin Afo amaadat iyiib mfo adep uduod awo asio ke mme aduuk, ubon awo, ye usem, ye idịd ayaak anọ Abasi.