Ibru 13:17 - Ñwed Abasi Ke Ikọ Ibibio Ayo Mfịn

¹⁷ Ikop item inọ mme adaiso ndufo inyʌñ isuuk iwuod inọ ukara ammọ. Ammọ ese ñkpọ ibaña ndufo nte mbon e-ediibọọrọ mbịme iwuod ndufo, ikop item inọ ammọ ma utom ammọ ado ñkpọ inemesịd, idooho mbiomo, sia ñkpọ ntodo idiibaaha ufọn inọ ndufo.

Ibru 13:17 ပူးပေါင်းရင်းမြစ်များ

Eti Etob Naña Duk Awet 16:2

Eteufọk amaakood akamautom ate, ‘Nso-o ke ñkop ami ubaña fiin? Nam ibad sia ukemeke ido akamautom mmi aba.’

Utom 20:28

Ikpeme idem ndufo ye afịd atu edọñ a-Adisana Sịbidịd inịmme ndufo nte mme andikpeme, ido mme akpemeedọñ ufọkabasi a-anye akedeppe ke iyiib amọ.

Ñwed Mbon Rum 14:12

Do ndin afịd ñnyịn keed-e-keed iyainam ibʌk adinam ñnyịn inọ Abasi.

1 Kọrint 16:16

yak esuuk iwuod enọ utọ mbon ami ye afịd awo se idian ubọk inam utom inyʌñ iwa idem.

Efisọs 5:21

Isuuho idem inọ keed aken ke ukpono Krais.

Fidibai 1:4

Ke afịd akam se ami mbọñ inọọ afịd ndufo, afịd ini nsʌk nsibọñ ke inemesịd ke

Fidibai 2:12

Ke ntodo mme ndima ufan mmi, kpa nte ndufo esikoppo item afịd ini idooho ke idaha a-ami mbaaha ikpọọñ, ado akpan-akpan ke mmembaaha ika iso inam utom adibọ adinyaaña ukpọñ ke ndịk ye ñnyekidem,

Fidibai 2:16

nte ndufo emʌmmọ ikọ uwem ami nọ ato do ami ñkan nnam asian ke usen Krais nte ke ñkefegheke, ñkenyʌññọ ñkpa utom ñkaña.

Fidibai 2:29

Edaara anye ke Abọọñ ye akwa idaara, enyʌñ ekpono mme awo nte anye,

Fidibai 3:18

Sia kpa nte nsimaaha adidọkkọ ndufo tọọñọ ke akpa, ye idahami, mmaana ntañ mme mmọọñayịd ke anyen mmi, uwak awo edu uwem nte mme asua krọs Krais.

Fidibai 4:1

Ke ntodo nditọete, ndufo a-ami mmaaha ñnyʌñ nnie udọñ nnọ, inemesịd mmi ye anyanya mmi, ado naña ndufo ekpesọọñọ eda ke Abọọñ, mme adima ufan mmi!

2 Tesadonia 3:14

Adieke awo ndomokeed mmiikoppo item ñnyịn ke deta ami, itʌm iwuuk anyen ise anye. Ikiiwuana ñkpọ ye anye, nọ ato do buud anam anye.

1 Timoti 5:17

Mme ikpọawo ufọkabasi e-ekamake utom ufọkabasi afọn edot eti ukpono, akpan-akpan mbon e-esịnne ifịk ke adikwọrọ ikọ ye edikpekpeep.

Ibru 13:24

Kọọm afịd mme etubom ndufo ye mme afịd ikọd Abasi. Mbon e-etooho Itadi enọ ekọm isọk ndufo.

Ibru 13:7

Itoiyo mme adaiwuod ndufo, e-eketañña ikọ Abasi inọ ndufo. Ikere ibaña naña uwem ammọ aba inyʌñ idubọiyọ mbuọdidem ammọ.

Yemsi 4:7

Isuuk idem ndufo ndin inọ Abasi. Ibiọọñọ andidiọọk, ndin anye ayaafeghe ikpọọñ ndufo.

1 Bita 5:5

Kpasʌk ke ukem ado, ñkparawa, isuuk idem enọ mme mbiowo. Afịd ndufo inyʌñ esesịne nsuukidem ke idem inọ keed aken, sia, “Abasi abiọọñọ mme mbon ntañidem, ado anọ mbon e-esuuho idem mfọn.”