Ibru 12:2 - Ñwed Abasi Ke Ikọ Ibibio Ayo Mfịn

² Yak ñnyịn iwuuk anyen ñnyịn ke Yisọs, andido ntọọñọ ye andinam mbuọdidem ñnyịn afọn ama, a-akedooho ke ntak inemesịd e-ekenịmme ke iso amọ, anye akeyọ krọs, amiim ndọk amọ, anyʌñ asuuk atie ke ubọk udom ke ebekpo Abasi.

Ibru 12:2 ပူးပေါင်းရင်းမြစ်များ

Matiu 16:21

Tọọñọ ke ini ado Yisọs amaakaiso atañ añwa-añwa anọ mme mbed amọ ke imọ ana ika Yerusedem ikibọ ata akpọsọñ ufen ke ubọk mme ñkpisọñ, mme ikpọ aku ye mme Skraib, ke ana ewot imọ, ndin enam imọ iset ke ayọhọ usen ita.

Matiu 20:28

kpa naña nte Ayịn Awo akedieeghe adinam ñkpọ nnọ awo, idooho nọ enam ñkpọ enọ anye, adinyʌñ mben uwem amọ mfak uwak awo.”

Maak 14:36

Anye ate, “Abba, Ete, afo amekan adinam afịd ñkpọ. Ben kọọb ami nsio ke iso. Ado yak akeedo naña ami nnyịmme, yak ado ke uduak mfo.”

Maak 15:28

Ntom ke ikọ ñwed Abasi e-ekewette ebaña anye akesụ: “Ndin ebat anye esịn ke atu mme anam ukuañ ñkpọ.”

Maak 16:19

Ke Abọọñ Yisọs amaaketañ mme ikọ ami ima, emaeben anye edọọk ke hefịn, anye anyʌñ asuuk atie ke ubọk udom Abasi.

Maak 9:12

Yisọs amaabọọrọ ate, “ke aditʌm ntañ, Edaiya adidi, anyʌñ adineeñe afịd ñkpọ abon. Ntak eewette ndin ebo ke Ayịn Awo anaabọ akpọsọñ ufen, enyʌñ ekañ anye?

Maak 9:24

Ke ndo-ndo ado, ete ayịn ami amaatañ anwa-anwa ate, “Mmenịm ke akpanikọ. Ñnwam miin nọ ñkan unana mbuọdidem mmi!”

Eti Etob Naña Duk Awet 17:5

Mme ibed emaebo anye ete, “Abọọñ nam mbuọdidem ñnyịn akpon.”

Eti Etob Naña Duk Awet 23:11

Herọd ye mbon ekọñ amọ emaesaha, edọọñ anye ndọk, esịn anye afọñ ubọọñ nọ anye abit abọọñ enyʌñ etịmme enọ anye esọk Baided.

Eti Etob Naña Duk Awet 24:26

Nte ikinaaha Mesaya abọ afịd ufen ami ndin adʌk ke itooro ubọọñ amọ?”

Yọọn 1:29

Usen mfen, Yọọn amaakịt Yisọs nte asaña abịne anye, anye anyʌñ abo ate, “Sese Ayịn Edọñ Abasi a-abenne mme idiọọkñkpọ ederimbod afep!

Yọọn 12:24

Ke ata akpanikọ ami ntañ inọ ndufo, ibọhọke ñkpasi abakpa aduọ adʌk isọñ akpa, anye adisʌk ido ñkpasi keed. Ado anye akpekpa, ayaasakka uwak ñkpasi.

Yọọn 12:32

Ado ami, ke ini emaemben miin idọọk ke anyọñ, nyaakoono afịd awo ndat nnọ idem mmi.”

Yọọn 13:3

Yisọs amaadiọọñọ ke Ete amaayaak ukeed ñkpọ asịn ke adudu imọ, ñko ke imọ ikito Abasi idi, idiinyʌñ inyọñ ibịne Abasi;

Yọọn 6:40

Sia uduak Ete mmi ado ke awo akeadodo a-akịtte Ayịn amọ anyʌñ anịm anye ke akpanikọ ana anie nsi-nsi uwem, ñko ke ana ami nnam awo ado aset ke akpatre usen.”

Yọọn 8:56

Ete ndufo Ebraham amaadaara ke adikere ke imọ iyaikịt usen mmi, anye amaakịt anyʌñ anem esịd.”

Utom 2:36

“Ke ntodo, yak afịd ufọk Isred ediọọñọ ayọhọ-ayọhọ: ke Abasi amaanam Yisọs a-ndufo ekekọññọ ewot ke eto krọs, ado Abọọñ ye Mesaya.”

Utom 3:15

Emaewot andinọ uwem ado Abasi amaanam anye aset ke ñkpa, nte ñnyịn idooho mme ntiense ibaña.

Utom 5:31

Abasi amaabenne anye anịm ke ubọk udom amọ nte Ayịn Abọọñ ye Andinyaaña ma anye anam Isred ekappa esịd, anye ñko anyʌñ afeen mme idiọọkñkpọ ammọ.

Utom 5:41

Mme abọsịd emaekpọñ esob Sanhidrin mme Yuu, edaara sia emaebat ammọ nte mbon e-edotto adidia buud ke ntak anyịñ Yisọs.

1 Kọrint 1:18

Sia etob krọs ado ndisịme anọ mbon nsobo, ado ñnyịn e-enyaañake anye ado adudu Abasi.

1 Kọrint 1:23

ado ñnyịn ikwọrọ Krais e-ekekọññọ ke eto krọs; adooho ñkpọ ubiọọñọ anọ mme Yuu, ndisịme ñkpọ anọ mme Krik,

Efisọs 2:16

Ndin ke abʌkidem ami adinam emem ke atu ammọ iba ami nnọ Abasi, ato ke krọs a-anye adatta awot ndusuaara ammọ.

Efisọs 5:2

inyʌñ idu uwem ima, kpa nte Krais akimaaha ñnyịn, a-akenyʌññọ ayak idem amọ inọ ñnyịn nte inem ufịk enọ ye uwa anọ Abasi.

Fidibai 1:6

sia mmenie ayọhọ nsọọñọnda ke ami ke anye a-aketọọñọke nti utom ke idem ndufo ayaaben anye akesịm utịd tutu usen ake Krais Yisọs.

Fidibai 3:20

Ado abio idʌñ ñnyịn aba ke abio Abasi. Ndin ñnyịn isʌk ibet ye udọñ esịd Andinyaaña ake atooho do, Abọọñ ñnyịn Yisọs Krais,

2 Timoti 4:8

Ndin idaha ami, ebeeñe anyanya etiido enịm ennọ miin, a-Abọọñ, unen Abiireikpe, adinnọ miin ke usen ado, ndin idooho ami ikpọọñ ke ediinọ, eyaanọ afịd mbon e-enieghe udọñ anye editịmme ndi.

Ibru 1:13

Ake-e ke atu mme enyere ke Abasi akenaanam abo, “Tie ke ubọk udom mmi tutu ami nnam mme asua mfo ifịm udodukod mfo”?

Ibru 1:3

Ayịn ado uyama ubọọñ Abasi ye ata mbid idem amọ a-amʌmmọ afịd ñkpọ akama ke adudu ikọ amọ. Ke anye amaakenam awo asana ke adiyet idiọọkñkpọ nsio, anye amaasuuk atie ke ubọk udom Andikara ke abio ubọọñ Abasi.

Ibru 10:14

Sia ato ke uwa keed anye amaanam mbon e-esʌkkọ eyeyet esana efọn ema ke nsi-nsi.

Ibru 10:33

Usʌk ini emaesinam ndufo ebọ usọñanyen ye ndutʌkkọ anwa-anwa; ke mme ini mfen ndufo ekeda keed ye mbon e-ekesibọọhọ mme ukuud ami.

Ibru 11:36

Usʌk ekebọ nsaha ye ikpa, ke ini ekebọppọ mbon mfen ke ñkpakọb ukwak ndin esịn ammọ ke ufọk ñkpakọb.

Ibru 12:3

Kere baña anye a-akeyọọhọ utọ mfiomo ado ke ubọk mme ndiọi awo, mbaak afo udukop mmemidem unyʌñ uduọ esịd.

Ibru 13:13

Yak ñnyịn, ndin, ika ibịne anye ke esiin inuaatob abio; ibọ esuenne a-anye akebọọhọ.

Ibru 5:9

ndin ke emaekenam anye afọn ama, anye amaakappa ado usʌñ nsi-nsi adinyaaña anọ afịd mbon e-ekoppo item enọ anye

Ibru 7:19

(sia ibed ikikanna inam ñkpọ ndomokeed afọn ama), ndin emaeben idodanyen a-afọnnọ akan edi, a-adooho ke anye, ñnyịn itʌm isaña ikpere Abasi.

Ibru 8:1

Akpan ñkpọ se ñnyịn itañ ibaña ado ami: Ñnyịn iminie utọ akwa aku a-akesuuhọ atie ke ubọk udom ebekpo Andikara ke abio Abasi.

Ibru 9:28

kpa ntodo ke ekewa Krais ini keed kpọd nọ abiom ndiọiñkpọ uwak mme awo afep; ndin anye ayaamaana adi ayọhọ ñkemba, idooho adidibiom idiọọkñkpọ, ado adidat adinyaaña nsọk mbon e-etieeghe ebet anye.

Yemsi 2:1

Nditọete mmi, nte mbon enịmme Abasi ke akpanikọ enieeghe mbuọdidem ke akpakịp mfọn Abọọñ Yisọs Krais ekiinam adusad.

1 Bita 1:11

ayem adidiọọñọ ini mme ñkpọ Sịbidịd Krais a-akebaaha ke esịd ammọ aketañ abaña ndutʌkkọ Krais ye Ubọọñ adikeene.

1 Bita 3:18

Sia Krais ñko amaakpa ke ntak mme ndiọiñkpọ ini keed, awo a-anenne ke iwuod mbon mmiinenne, nọ anye idat ndufo asọk Abasi. Ekewot anye ke abʌkidem, ado enam anye adu uwem ke Sịbidịd,

1 Bita 3:22

a-akenyọññọ abio ubọọñ Abasi atie ke ubọk udom Abasi, ye mme enyere, mme ukara ye mme adudu esuuk iwuod enọ anye.

Ñwed Yud 1:21

Enịm idem ndufo ke ima Abasi enyʌñ etie ebet mbọm Abọọñ ñnyịn Yisọs Krais e-ediiben ndufo isịn ke uwem nsi-nsi.

Adiyaara 1:11

naña abo: “Se afo akịd wet ke ikpañwed, nyʌñ nọ esọk mme ufọkabasi itiaba: e-ebaaha ke Efisọs, Simina, Bekamọm, Tiatira, Sadis, Fidadefia ye Daodisia.”

Adiyaara 1:17

Ke mmaakekịt anye, ami mmaaduọ nna anye ke ukod nte akpo awo. Ndin anye amaaben ubọk udom amọ andot miin anyʌñ abo ate, “Kuukop ndịk. Ami ndo Akpa ye Akpatre.

Adiyaara 1:8

Abọọñ Abasi atañ, “Ami ndo Arfa ye Omeka, a-abaaha, a-amaakebaba, a-adiinyʌñ itịmme idi, Andikoñ Ñkan.”

Adiyaara 2:8

“Wet nọ enyere ufọkabasi ke Simina: Ami ado mme ikọ anye a-adooho Akpa ye Akpatre, a-amaakekpa ndin atịmme adu uwem.