Ibru 12:16 - Ñwed Abasi Ke Ikọ Ibibio Ayo Mfịn

¹⁶ Ikịt ibo ke ndufo ndomokeed idooho asịn efịbe me anana Abasi, inyʌññọ iba nte Isọ, a-akedooho ke ntak usan ndidia keed anye akenyam unen udeme amọ nte andikpon ñkan nte akpa ayịn.

Ibru 12:16 ပူးပေါင်းရင်းမြစ်များ

Maak 7:21

Sia afịd mme ndiọi akikere eto esịd awo ewuọọñọ; nte use, inọ, uwod awo,

Utom 15:20

Utu ke ado, yak ñnyin iwet ammọ ibo ammọ esịññe idem ekpọñ mme ndidia a-asappake awo me ake ndem, ekpọñ use, ekpọñ unam e-eyịtteyịt ewot, enyʌñ ekpọñ iyiib.

Utom 15:29

Ana ndufo ebet mme udia e-ewaaha enọ ndem, ebet adita iyiib, ebet unam e-eyịtteyịt ewot, enyʌñ etre use. Ayaafọn adieke ndufo ediikpọñ mme ñkpọ ami. Itie sʌñ.

1 Kọrint 10:8

Inaaha ñnyịn inam use kpa naña usʌk ammọ ekenam, a-akenamma ke usen keed tọsịn edịb ye ita ekpañña.

2 Kọrint 12:21

Mmenie ndịk ke mmaatịmme ndi Abasi mmi ayansụụk idem ke iso ndufo, ndin ñyaakop mfʌghọ mbaña uwak awo e-ekenaññake mme ndiọiñkpọ ke ini a-akeboiyoke ado ikappake esịd inyʌññọ itua ñkpọfiọk, ikpọñ mbubiam ido ammọ ye use ye adinam ñkpọ ye unana mfadidem.

Efisọs 5:3

Ado ke atu ndufo inaaha adinam use aba, ndedeghe uwem ndomokeed me ubịme ñkpọ, sia mme ñkpọ ami ifọnnọ ke atu ndisana ikọd Abasi.

Efisọs 5:5

Sia ana ndufo etʌm ediọọñọ: mme anam use, ndiọi ibon me mbon ñwo, utọ awo ntodo ado akpono ndem, inieeghe udeme ke abio ubọọñ Krais, ye ake Abasi.

Kodosi 3:5

Ke ntodo, ewot ndin afịd ñkpọ a-atooho ke edu uwem abʌkidem: abʌd-abʌd ido ewana awonwaan mme awodeen, ndiọiñkpọ, idiọọk itọñ, idiọọk udọñ mme udọrọ itọñ, adooho edikpono abasi mfen.

1 Timoti 1:9

Ñnyịn iminyʌñ idiọọñọ ke awo inamma ibed inọ ndinen awo, ado enam enọ mme abiad ibed ye mbon nsọñiwuod ye mbon e-mmiiteeñeke Abasi anyen, ye mme anam ndiọiñkpọ, mbon a-amiisanake ye mbon a-mmiikponoke Abasi ye mbon e-ewotto mme ete ye mme eka ammọ, mme awodawo,

Ibru 13:4

Akpena afịd awo ekpookpono ndọ, akpena enyʌñ enịm ñkpana ndọ asana, sia Abasi ayaakpe ikpe ye mme asịn efịbe ye mme asaña use.

Adiyaara 21:8

Ado mme mbon nduen, mbon e-mmiinịmme ke akpanikọ, mbon ndubiam, mme awodawo, mme esịn efịbe ye mme asaña akpara, mme anam utom mayịk, mme akpono ndem ye afịd mme asʌhọ nsu, itie ammọ adido ke ibiok ikañ sọọfọ. Ado ayọhọ ñkpa iba.”

Adiyaara 22:15

Ke esion mme ewa eba, mme anam mayịk mme esịn efịbe, nsaña use, mme awọd awo, mme akpono ndem mme afịd awo se ima inyʌñ inam nsu-nsu uwem.