Ibru 12:14 - Ñwed Abasi Ke Ikọ Ibibio Ayo Mfịn

¹⁴ Inwana ke afịd usʌñ adiba ke emem ye afịd awo ye adinie adisana uwem; adisana uwem mmiibaaha, awo ndomokeed idiikịtte Abọọñ.

Ibru 12:14 ပူးပေါင်းရင်းမြစ်များ

Maak 9:50

“Inʌñ afọn, ado adieke anye mmiinieeghe inem aba, afo akeme die adinam nọ anye amaana anem? Inie inem ke idem ndufo, inyʌñ iba ke emem ye keed aken.”

Eti Etob Naña Duk Awet 1:75

ye ke adisana ye unenido ke iso amọ afịd ayo uwem ñnyịn.

Ñwed Mbon Rum 12:18

Daña ndufo akpekakan, iyem usʌñ idʌñ ke emem mme afịd awo.

Ñwed Mbon Rum 14:19

Yak ñnyịn ndin inam afịd se ikan se idiidat emem idiinyʌñ inwam ke adisọọñọ keed eken idem.

Ñwed Mbon Rum 6:22

Ado idahami emaesio ndufo ke idiọọkñkpọ, ndufo enyʌñ eforo ifʌn ake Abasi, mme ntiñkpọ a-andufo ebọọhọ adat ndufo aka adisana ido, ndin utịb ado nsi-nsi uwem.

1 Kọrint 1:10

Mmedat anyịñ Abọọñ ñnyịn Yisọs Krais ikpe ndufo ubọk mbo yak afịd awo enyịmme ye keed aken mbaak ubakka adiba ke atu ndufo nọ ato do ndufo ediana keed ke esịd ye ke akikere.

1 Kọrint 13:12

Idahami ñnyịn ikịt ñkpọ ndukpọñ-ndukpọñ nte ikịt ke ukịdiso; ini amaakem iyaikịt iso ye iso. Idahami ndiọọñọ ubaak-ubaak; idahado ñyaadiọọñọ ayọhọ-ayọhọ kpa naña endiọọñọ miin ayọhọ-ayọhọ.

2 Kọrint 6:17

Ke ntodo, “Iwuọọñọ ke atu afịd ammọ inyʌñ iba ke idem ndufo isio-isio, Abasi atañ. Ikiinyʌñ ituuk ñkpọ ndek ba keed; ndin ñyaidaara ndufo.”

2 Kọrint 7:1

Sia ñnyịn iminie mme enwọñọ ami, nditọete, yak ñnyịn iyet se ideghe abʌkidem ye sịbidịd ifep ke idem ñnyịn, inam adisana ido ñnyịn afọn ama ke adibaak Abasi.

Kadesia 3:21

Ke ntodo, mme ibed anie ntuaha ye mme enwọñọ Abasi? Iyoo! Sia akpedooho emaenọ ibed akpekekanna anọ uwem, adinenido akpeketo ke ibed ado.

Efisọs 5:5

Sia ana ndufo etʌm ediọọñọ: mme anam use, ndiọi ibon me mbon ñwo, utọ awo ntodo ado akpono ndem, inieeghe udeme ke abio ubọọñ Krais, ye ake Abasi.

Fidibai 3:12

Idooho nte ami mmebọbọi afịd mme ñkpọ ami me ke emaenanam mfọn mma, ado ami nsʌk ñnwanwana ñka iso adikimʌm ñkpọ ado a-Krais Yisọs akedatta ammʌm miin.

1 Tesadonia 3:13

Yak anye isọọñọ ndufo esịd nọ ndufo enana ndudue ndin esana ke iso Abasi Ete ke ini Abọọñ ñnyịn Yisọs adidi ye afịd mme ndisana awo amọ.

1 Tesadonia 4:7

Sia Abasi ikikoodo ñnyịn ate idido se mmiisanake, ado idu adisana uwem.

1 Tesadonia 5:15

Ikịt ibo ke awo ndomokeed isiooho emọ-emọ usieene idiọọk, ado enwana adinie etiido ye emọ-emọ ye mme mbon mfen.

1 Timoti 6:11

Amaado afo, awo Abasi, feghe kpọñ mme ñkpọ ami, yiire ke nnen-nnen ido, uteeñe Abasi, mbuọdidem, ima, ime ye nsuukidem.

2 Timoti 2:22

Feghe kpọñ idiọọk itọñ uyịn, bịne edinenido, mbuọdidem, ima ye emem ke atu mme akpono Abasi ke edisana esịd.

Ibru 12:10

Mme ete ñnyịn emaitʌnọ ñnyịn ke etək-etək ini ke usʌñ ake ammọ ekekịtte ebo ke afọn; ado Abasi itʌnọ ñnyịn ke ufọn ñnyịn, nọ ñnyịn ikeene iwuana ke nsana mma amọ.

Ibru 9:28

kpa ntodo ke ekewa Krais ini keed kpọd nọ abiom ndiọiñkpọ uwak mme awo afep; ndin anye ayaamaana adi ayọhọ ñkemba, idooho adidibiom idiọọkñkpọ, ado adidat adinyaaña nsọk mbon e-etieeghe ebet anye.

1 Bita 3:11

Ana amọ ewọññọ ekpọñ idiọọk enyʌñ enam eti; Ana anye ayem emem, anyʌñ abịne anye,

1 Bita 3:13

Ndin, anie abiinam ndufo ibak adieke ndufo enieeghe udọñ unam etiido?

2 Bita 3:11

Sia ediisobo afịd ñkpọ ntom, nso utọ mme awo ke akpena ndufo edo? Akpena ndufo edu adisana ye uwem ke uteeñe Abasi

2 Bita 3:18

Ado ekọọd ke mfọn ye ifiọk Abọọñ ye Andinyaaña ñnyịn Yisọs Krais. Yak ubọọñ anie anye ke ami ye ke nsi-nsi, Amen.

3 Yọọn 1:11

Adima ufan, kuukeene udʌk usʌñ idiọọk ado keene se ido eti. Awo a-anamma se ifọn ato Abasi. Anam ndiọi idiọọñọke Abasi.