Ibru 11:6 - Ñwed Abasi Ke Ikọ Ibibio Ayo Mfịn

⁶ Ñko, awo a-mmiinieeghe mbuọdidem ikemekekeme adinam se inem Abasi esịd, sia awo ndomokeed a-adieeghe abịne anye ana anịm ke akpanikọ ke anye mmọdo, ñko ke anye ado andinọ mbon e-eyemme anye ke afịd esịd utịb.

Ibru 11:6 ပူးပေါင်းရင်းမြစ်များ

Matiu 11:26

Ih, Ete se ikunem fiin esịd adinam adodo.

Matiu 5:12

Inem esịd, inyʌñ idaara, sia utịb ndufo ayaakpon ke abio ubọọñ Abasi, kpasʌk ntom ke ekekọbọ mme brọfed ke esed.

Matiu 6:16

“Imaitre udia, ikiikaama iso mfʌhọ-mfʌhọ nte mbon ndubịk, ammọ esikpəgho iso nọ mme awo ediọọñọ ke ammọ etre udia. Ntañ akpanikọ inọ ndufo, ammọ ebọbọ utịb ammọ.

Matiu 6:33

Isịn esịd ndufo ke mme ñkpọ abio ubọọñ ye nti ido ake Abasi, ndin eyaaedian afịd mme mbon ako inọ ndufo ñko.

Matiu 6:5

“Ñko ndufo emaebọñ akam, ikiinam nte mbon ndubịk, sia ammọ esima ida ke mme itie ubọñ akam ye iwuod efaak nọ mme awo ekịt ammọ. Ntañ akpanikọ inọ ndufo, ammọ ebọbọ utịb ammọ.

Maak 16:17

Ndin mme idiọọñọ ami eyaekeene mbon se inịm ke akpanikọ: ke anyịñ mmi ammọ eyaebịn mme ndiọi sịbidịd; eyaesem ufa usem;

Eti Etob Naña Duk Awet 12:31

Ikap iyem abio ubọọñ Abasi, ndin eyaedian afịd mme ñkpọ ami inọ ndufo ñko.

Eti Etob Naña Duk Awet 6:35

Ado ima mme asua ndufo, inyʌñ isio ammọ usieene eti, iwuọd ammọ ñkpọ, ikiinyʌñ inie idodanyen aditịmme mbọ. Ndin utịb ndufo ayaakpon, ndufo eyaedoñño nditọ Andikoñ Ñkan, sia anye afọn ido ye mme anana esịd ekọọm ye mbon ndoom.

Yọọn 14:6

Ndin Yisọs amaabọọrọ: “Ami ndo usʌñ, mme akpanikọ mme uwem. Awo ndomokeed idieghe ibịne Ete ibọhọke anto miin.

Yọọn 8:24

Ami mmidọdọkkọ ndufo, eyaekpañña ke idiọọkñkpọ ndufo; ih, adieke ndufo mmiinịmme ke akpanikọ ke ami ndo anye, ndufo eyaekpañña ke idiọọkñkpọ ndufo.”

Ñwed Mbon Rum 10:14

Die, ndin ke ammọ ediikan ikood anye a-ammọ miinịmme ke akpanikọ? Ndin, die ke ammọ ediikan inịm anye a-ammọ mmiikoppo ñkpọ ibaña? Ndin die ke ammọ ediikop ke mmibaagha awo se ikwuọọrọ ikọ Abasi inọ ammọ?

Kadesia 5:6

Sia ke Krais Yisọs adinịm mboppo mme aditre adinịm mboppo ibaaha ufọn ndomokeed. Ñkukwere ñkpọ a-abaaha ufọn ado mbuọdidem e-ekịtte eto ima.

Ibru 11:26

Anye akedat adibọ esuenne ke ntak Krais nte ñkpọ a-asọññọ udua akan mme nsọñ udua inie isọñ Iyịpt, sia anye akewuuk anyen ase se idiido ñkpọ ayịnutom amọ ke ini iso.

Ibru 3:12

Nditọete, ikịt ibo ke awo ndufo ndomokeed inieeghe idiọọk ido ye esịd a-ammiinịmme ke akpanikọ a-anyʌññọ awakka akpọñ usʌñ Abasi uwem.

Ibru 4:2

Sia emaekwọrọ eti etob inọ ñnyịn ñko, kpa naña ekenam enọ ammọ; ado etob a-ammọ ekekoppo ikiwuọọñọke ñkpọ inọ ammọ, sia ammọ ye mme andikikop ikibenne anye idian ye mbuọdidem.

Ibru 4:6

Asʌk anaana anọ usʌk awo adidʌk ke nduọkadudu ado, ndin mbon e-eketooho ekwọrọ eti etob enọ ammọ ikidʌkkọ ke esịd, ato ke ntịdutọñ.

Ibru 7:19

(sia ibed ikikanna inam ñkpọ ndomokeed afọn ama), ndin emaeben idodanyen a-afọnnọ akan edi, a-adooho ke anye, ñnyịn itʌm isaña ikpere Abasi.

Ibru 7:25

Ke ntodo anye akeme adinyaaña ukeed-ukeed mbon e-edieeghe ebịne Abasi ke anye, sia anye adodu uwem afịd ini, aka iso adinam ñkpeubọk anọ ammọ.

2 Bita 1:10

Ke ntodo, nditọete, idiọdiọñ isịn ifịk inam ikood ekikoodo ndufo ye adimek ekimekke ndufo asọọñọ ada; sia adieke ndufo enamma mme ñkpọ ami, ndufo idiikọbọke iduọ;

2 Bita 1:5

Ke ntak anye ami ndin, ndufo isịn ifịk ke adidian nti ido ke mbuọdidem ndufo; ndin ke nti ido, idian ifiọk;

2 Bita 3:14

Ke ntodo, mme ndima ufan, sia ndufo etieeghe ebet mme ñkpọ ami, esịn afịd ifịk nọ edikịt ndufo naña enana ntọi, enana ndo enyʌñ eba ke emem ye anye.

Adiyaara 21:8

Ado mme mbon nduen, mbon e-mmiinịmme ke akpanikọ, mbon ndubiam, mme awodawo, mme esịn efịbe ye mme asaña akpara, mme anam utom mayịk, mme akpono ndem ye afịd mme asʌhọ nsu, itie ammọ adido ke ibiok ikañ sọọfọ. Ado ayọhọ ñkpa iba.”