Ibru 11:5 - Ñwed Abasi Ke Ikọ Ibibio Ayo Mfịn

⁵ Ke mbuọdidem emaeben Inọk esio ekpọñ uwem ami, ke ntodo anye ikikpaaha ñkpa. “Awo ikikịtte anye, sia Abasi amaaben anye asio.” Sia mbemiso ekeben anye esio, emaetooro anye nte awo a-akeneme Abasi esịd.

Ibru 11:5 ပူးပေါင်းရင်းမြစ်များ

Eti Etob Naña Duk Awet 2:26

Adisana Sịbidịd amaayaara awọt Simiọn ke anye idiikpaaha tutu anye akịt Mesaya Abọọñ.

Eti Etob Naña Duk Awet 3:37

Metuseda akedo ayịn Inọk, Inọk akedo ayịn Yared a-akedooho ayịn Mahadaded, a-akedooho ayịn Kenan.

1 Tesadonia 2:4

Utu ke ado, ñnyịn itañ ikọ nte mbon a-Abasi amaakenyịmme ate ke afọn adiyaak ikọ Abasi nsịn ke ubọk ammọ. Ñnyịn inwanake adinem awo esịd, ado inwana adinem Abasi a-adomoke esịd ñnyịn.

Ibru 11:6

Ñko, awo a-mmiinieeghe mbuọdidem ikemekekeme adinam se inem Abasi esịd, sia awo ndomokeed a-adieeghe abịne anye ana anịm ke akpanikọ ke anye mmọdo, ñko ke anye ado andinọ mbon e-eyemme anye ke afịd esịd utịb.

Ibru 2:9

Ado ñnyịn imikịt Yisọs, e-ekenamma asuuhọ etək-etək akan mme enyere, idahami, eyat anye anyanya ubọọñ ye ukpono sia anye amaabọ ndutʌkkọ ñkpa nọ ato do, ke mfọn Abasi anye anweem ñkpa anọ afịd awo.

1 Yọọn 3:22

inyʌñ ibọ ñkpọ ake adodo a-ñnyịn ibeeñeke anye, sia ñnyịn iminịm mme ibed amọ, inyʌñ inam ñkpọ se inem anye esịd.

Ñwed Yud 1:14

Inọk, a-adooho ayọhọ awo itiaba tọọñọ ekebot Adam, atañ ikọ nte brọfed abaña ammọ, ate “Se, Abọọñ asaña ye mme tọsịn ye mme tọsịn adisana ikọd amọ adi,