Ibru 11:10 - Ñwed Abasi Ke Ikọ Ibibio Ayo Mfịn

¹⁰ Sia anye akesʌk abek anyen anọ abio a-anieeghe mme itiad idakisọñ a-andikidomo ñnyʌñ mbọp anye adooho Abasi.

Ibru 11:10 ပူးပေါင်းရင်းမြစ်များ

Yọọn 14:2

Ke ufọk Ete mmi umiañ ubeed ebañña; miikpidooho ntodo, ami ñkpaakidọkkọ ndufo.

2 Kọrint 5:1

Sia ñnyịn imidiọọñọ ite adieke atayad a-ñnyịn idʌññọ ke isọñ awuudoke, iminie nsi-nsi ufọk ke abio Abasi inọọhọ, a-awo miidatta ubọk ibọp.

Fidibai 3:20

Ado abio idʌñ ñnyịn aba ke abio Abasi. Ndin ñnyịn isʌk ibet ye udọñ esịd Andinyaaña ake atooho do, Abọọñ ñnyịn Yisọs Krais,

Ibru 11:16

Utu-utu ke ado, ammọ ekesʌk enie udọñ ebaña idịd anye a-afọnnọ akan, ake abio ubọọñ. Ke ntodo, abuud inamma Abasi adikere Abasi ammọ, sia anam itie idʌñ anịm anọ ammọ.

Ibru 12:22

Ado ndufo emedi Abod Sayọn, Yerusedem ake abio ubọọñ, idʌñ aduuwem Abasi. Ndufo edi adikịt tọsịn mme tọsịn mme enyere ke mboho idaara,

Ibru 12:28

Ke ntodo, sia ñnyịn ibọọhọ abio ubọọñ a-ñkpọ miikanna inyeeñe, yak ñnyịn inọ ekọọm inyʌñ ikpono Abasi ke eti usʌñ ke uteñe ye ata ndịk,

Ibru 13:14

Sia ke mmi ñnyịn inieeghe abio a-abaaha ke nsi-nsi, ado ñnyịn isʌk iyem abio a-adiidi.

Ibru 3:4

Sia ufọk ake adodo awo abọp, ado Abasi ado andibọp afịd ñkpọ.

Adiyaara 21:2

Ami mmaakịt Adisana Abio, ufa Yerusedem, naña awuọ ke abio ubọọñ ato Abasi adi, emaebeeñe anye idem nte ufa anwaan ndọ a-amaakesịne uyaiya afọn abeeñe idem abet ebendọ.