Ibru 11:1 - Ñwed Abasi Ke Ikọ Ibibio Ayo Mfịn

¹ Ndin mbuọdidem ado adisọọñọ nda ke ñkpọ se ñnyịn idot anyen ibaña inyʌñ ida ke se ñnyịn imiidatta anyen ikịt.

Ibru 11:1 ပူးပေါင်းရင်းမြစ်များ

Utom 20:21

Mmekwọrọ nnọ mme Yuu ye mme Krik mbo yak ammọ ekappa esịd ekeene Abasi, enyʌñ enie mbuọdidem ke Abọọñ ñnyịn Yisọs.

1 Kọrint 13:13

Ndin idahami ñkpọ ita ami esʌhọ: mbuọdidem, idodanyen ye ima. Ado andikpon ñkan ke atu mme ñkpọ ami ado ima.

2 Kọrint 11:17

Ke nduaak inua idem mmi ami, ntañña naña Abọọñ akpetañ, ado mbo ñtañ nte ndisịme.

2 Kọrint 4:18

Sia ñnyịn miidọññọ anyen, sia se awo akịd ke anyen ikpeeneke, ado se awo mmiikịtte ke anyen ayaakpeene ke nsi-nsi.

2 Kọrint 5:17

Ke ntodo, adieke awo abaaha ke Krais, emaebot anye adufa, ñkaan ñkpọ emaeboiyo efep; sese eyekappa edo ndufa.

2 Kọrint 5:7

Sia isaña ke mbuọdidem idu uwem, isañake ke ñkịd ke anyen.

2 Kọrint 9:4

Mbaak ndusʌk mbon Masidonia ekpesaña ye ami edi, edikịt naña ndufo, miikibeeñeke idem. Ñnyịn, ntaññatañ ndufo, ikpaikop abuud akeene inua se ñnyịn ikiduaak.

Kadesia 5:6

Sia ke Krais Yisọs adinịm mboppo mme aditre adinịm mboppo ibaaha ufọn ndomokeed. Ñkukwere ñkpọ a-abaaha ufọn ado mbuọdidem e-ekịtte eto ima.

Taitọs 1:1

Bọọd, ayịnufọk Abasi mme abọsịd Yisọs Krais ke mbuọdidem mbon a-Abasi amekke ye ifiọk akpanikọ a-adatta aka ke ido Abasi,

Ibru 10:22

yak ñnyịn isaña ikpere Abasi ye esịd akpanikọ ke ayọhọ mbuọdidem, sia emaekekama nsana mmọọñ esiime ke esịd ñnyịn enam ñnyịn isana inana ubiomikpe ke akikere ñnyịn, ñko sia emaekekama nsana mmọọñ ado iyet idem ñnyịn asana.

Ibru 10:39

Ado ñnyịn isịneke ke atu mbon e-etịmmeke edem enyʌñ ebọ nsobo, ado isịne ke atu mbon e-enịmme enyʌñ ebọ adinyaaña.

Ibru 11:13

Ukeed ibon ami ekesʌk edu uwem ke mbuọdidem tutu ini a-ammọ ekekpaññake. Ammọ ikibọọhọ mme ñkpọ se ekenwọñọ; ekedaada ekịt ammọ ke anyanusʌñ enyʌñ ekọọm ammọ. Ammọ emaenyʌñ enyịmme ke mmimọ idoñño adudʌñ ye isen ke ederimbod.

Ibru 11:27

Ke mbuọdidem, anye amaakpọñ Iyịpt ikereke ibaña ifiobesịd adidem; anye amaasịn ifịk sia anye akese anye a-awo mmiikịtte ke anyen.

Ibru 11:7

Ke mbuọdidem Nua, ke ini emaekewuuk anye ebaña mme ñkpọ a-anye mmiikikịtte ke anyen dion, ke adisana mbaak anye amaabọp ubom a-akenyaañake ufọk amọ. Ke mbuọdidem amọ anye amaabiom ederimbod ikpe ndin amaanyʌñ akappa ado adiaakpa nti ido asañake ye mbuọdidem.

Ibru 2:3

die ke ñnyịn idiibọkkọ adieke ñnyịn isịnne utọ ekamba adinyaaña ukpọñ ami? Adinyaaña ukpọñ ami Abọọñ ke idem amọ akebemme iso asian, ndin mbon e-ekekoppo enyʌñ esọọñọ inọ ñnyịn.

Ibru 3:14

Ñnyịn imidi adiwuana ke Krais adieke ñnyịn idiikan isọñ ubọk imʌm mbuọdidem a-ñnyịn ikinieeghe ke akpa ikama tutu asịm utịd.

Ibru 3:6

Ado Krais anam akpanikọ nte Ayịn ke ufọkabasi. Ndin ñnyịn ido ufọk amọ, adieke ñnyịn imʌmmọ etiido ñnyịn ikama ye idodanyen a-ñnyịn idatta itañ ase.

Ibru 6:12

Ñnyịn iyemme ndufo ekappa ifu, ado edubọiyọ mbon e-eduuho ke mbuọdidem ye ime, ammọ ebọ inie a-Abasi amaakenwọnwọñọ.

2 Bita 1:1

Saimọn Bita, isʌñutom ye abọsịd ake Yisọs Krais. Awet ñwed ami anọ esọk mbon e-ekebọọhọ utọ nsọñudua mbuọdidem a-abiotto ake ñnyịn, ke adinenido Abasi ñnyịn ye Andinyaaña Yisọs Krais.