Ibru 10:4 - Ñwed Abasi Ke Ikọ Ibibio Ayo Mfịn

⁴ sia iyiib mme enañ ye mme ebod ikemekekeme adikpiyet mme ukwañ ñkpọ mfep.

Ibru 10:4 ပူးပေါင်းရင်းမြစ်များ

Maak 12:33

Adima anye ke afịd esịd mfo ye ke afịd ifiọk mfo, ye ke afịd adudu mfo anyʌñ ama mbọhọidʌñ mfo, naña afo ama idem mfo, akpon akan adifọp uwa ye mme nsio-nsio uwa mfen nnọ Abasi.”

Yọọn 1:29

Usen mfen, Yọọn amaakịt Yisọs nte asaña abịne anye, anye anyʌñ abo ate, “Sese Ayịn Edọñ Abasi a-abenne mme idiọọkñkpọ ederimbod afep!

Ñwed Mbon Rum 11:27

Ndin ami ado edioomo Mmi mme ammọ ke mmaaben idiọọkñkpọ ammọ mfep.”

Ibru 10:1

Mbed ado ndukpọñ kpọd anọ mme nti ñkpọ se idi ke iso, idooho ata mme ñkpọ ado ke idem ammọ. Ke ntak ami, ukem uwa e-ewaaha ke isua ke isua ikemeke adiyet mbon e-esañake ekpere adikpono Abasi nọ afọn ama.

Ibru 10:11

Ke usen ke usen, mme aku keed-e-keed esida enam utom Abasi ammọ; enam emaana enam, ewa mme ukem uwa, a-adooho ikemekekeme adiben mme ndiọiñkpọ mfep.

Ibru 10:8

Ke akpa ifed anye amaabo, “Mme uwa ye mme enọ ye ufọfọb uwa ye mme enọ uben ndiọiñkpọ mfep, afo ukuyemme, ammọ ikinyʌññọ unem fiin esịd” (akpesʌk ado nte ibed akeyemme enam mme ñkpọ ado).

Ibru 9:9

Ami ado uwọdñkpọ ake ini ami, a-awọttọ abo ke mme enọ ye mme uwa e-ekesinọọhọ ikikanna adiyet esịd mme andikpono Abasi.

1 Yọọn 3:5

Ado ndufo emediọọñọ ke akedi ma anye adiben mme ndiọiñkpọ ñnyịn afep. Ñko, idiọọk ñkpọ ndomokeed ibaaha anye ke idem.