Ibru 10:39 - Ñwed Abasi Ke Ikọ Ibibio Ayo Mfịn

³⁹ Ado ñnyịn isịneke ke atu mbon e-etịmmeke edem enyʌñ ebọ nsobo, ado isịne ke atu mbon e-enịmme enyʌñ ebọ adinyaaña.

Ibru 10:39 ပူးပေါင်းရင်းမြစ်များ

Maak 16:16

Awo ake adinịm ke akpanikọ, anyʌñ abọ uduọkmmọọñ, eyaenyaaña anye, ado awo ake atre adinịm ke akpanikọ, ikpe ayaabiom anye.

Eti Etob Naña Duk Awet 11:26

Anye aka akekoono mme ndiọi sịbidịd itiaba mfen se idiọdiọi ikan anye, ndin ammọ eka ekedʌñọ do. Utịd awo ado akappa adiọọk akan ake akpa.”

Yọọn 17:12

Idahami ami ñkebaaha mme ammọ mmaakpeme ammọ ñnyʌñ ndat anyịñ a-afo akennọọhọ nnịm ammọ ke ifure. Ammọ bene keed isoppo ke mmiibọhọke ada akenaaha nte asop ma ikọ Abasi asu.

Yọọn 20:31

Ado ewet mbon mmi ma ndufo enịm ke akpanikọ ke Yisọs ado Mesaya, Ayịn Abasi, ndin ke adinịm ke akpanikọ ndufo enie uwem eto ke Anyịñ amọ.

Yọọn 5:24

“Ke ata akpanikọ ami ntañ inọ ndufo, awo keed ake adodo a-akpaña utọñ anọ ikọ mmi anyʌñ anịm awo a-akendọññọ ke akpanikọ anie nsi-nsi uwem, awo idiinyʌññọ ibiom anye ikpe ado anye awuọ ke ñkpa adʌk uwem.

Yọọn 6:40

Sia uduak Ete mmi ado ke awo akeadodo a-akịtte Ayịn amọ anyʌñ anịm anye ke akpanikọ ana anie nsi-nsi uwem, ñko ke ana ami nnam awo ado aset ke akpatre usen.”

1 Tesadonia 5:9

Sia Abasi ikimekke ñnyịn ibo idibọ ufen ifiobesịd, ado nọ ibọ adinyaaña a-atooho Abọọñ ñnyịn Yisọs Krais.

2 Tesadonia 2:3

Ikiiyak awo ndomokeed ibiaaña ndufo ke usʌñ ndomokeed, sia usen ado idiidiighe tutu ndutịme aba ndin eyaara awo abiad ibed, awo a-anaaha nsobo asịm anye.

1 Timoti 6:9

Mbon e-eyemme edido mbon inie esiduọ edʌk ke idomo, mmidooho eyịre ke afia, ye idiọọk ndisịme udọñ a-asidatta ammọ akesuunọ ke mbiara ye nsobo.

Ibru 10:26

Adieke ñnyịn ikoiyokoi ikaiso adinam idiọọkñkpọ ke ini adooho imaibọbọ ifiọk akpanikọ, uwa idiọọkñkpọ ibaaha aba,

Ibru 10:38

Ñko, “Ado adisana awo mmi ayaadu uwem ke mbuọdidem. Ndin adieke afiakka edem, esịd mmi idiinemme ibaña anye.”

Ibru 11:1

Ndin mbuọdidem ado adisọọñọ nda ke ñkpọ se ñnyịn idot anyen ibaña inyʌñ ida ke se ñnyịn imiidatta anyen ikịt.

1 Bita 1:5

Ami, ke mbuọdidem, adudu Abasi akweeghe aboiyo adisịm adinyaaña e-enịmme ebet akpatre ini adiyaara idem.

2 Bita 3:7

Ato kpasʌk ke ikọ ado e-enịm ikpaanyọñ ye isọñ abaaha idahami enọ ikañ, sia enịm enọ usen ikpe ye edisobo mbon a-amidiọọñọke Abasi.

1 Yọọn 5:16

Adieke awo ndomokeed akịtte ayịnete amọ naña anam idiọọkñkpọ a-ammiisụụhọ ke ñkpa, yak anye abọñ akam abo Abasi anọ anye uwem. Ntañ mbaña idiọọkñkpọ a-ammiisụụhọ ke ñkpa. Idiọọkñkpọ a-asuuhọ ke ñkpa mmọdo aba. Ami mbooho yak ebọñ akam ebaña anye a-asuuhọ ke ñkpa.

1 Yọọn 5:5

Anie ndin ado awo a-akanna ederimbod? Ibọhọke anye a-anịmme ke Yisọs ado Ayịn Abasi?

Adiyaara 17:11

Idiọọk unam ado a-akebaaha ini keed koo, a-mmiibaaha idahami aba, ado ayọhọ edidem itiaita. Anye asịne ke atu itiaba ado ndin ayaaka nsobo amọ.

Adiyaara 17:8

Idiọọk unam a-afo akekịtte, a-amaakebaba ini keed ko, ibaaha aba idahami, ndin ayaawuọ ato Abis adinọ anye adʌk nsobo amọ. Mbon e-edʌñọke ke ederimbod e-emiikiwette anyịñ ammọ ke ñwed uwem tọọñọ ke aditọọñọ ederimbod eyaeba ke ata ñkpaidem ke ini ammọ ediikịt idiọọk unam ado, sia ini keed anye ama aba, idahami anye ibaaha, ado ayaamaana adi.