Ibru 10:24 - Ñwed Abasi Ke Ikọ Ibibio Ayo Mfịn

²⁴ Mfen ñko, yak ñnyịn ikere naña ikpikan isọọñọ keed aken idem ke adiwọt ima ñnyʌñ nnam mme nti ñkpọ.

Ibru 10:24 ပူးပေါင်းရင်းမြစ်များ

Utom 11:29

Mme mbed, ke ukeme ammọ keed-e-keed, emaebiire adinọ nditọeka ammọ ke Abọọñ, e-ekedʌññọ ke Yudia unwam.

Ñwed Mbon Rum 11:4

Ndin nso-o ikido ibọọrọ Abasi akenọọhọ anye? Ami mmenịm nnọ idem mmi tọsịn awo itiaba e-miitọọñọke edọñ inọ abasi Baad.”

Ñwed Mbon Rum 12:15

Idara ye mbon se idara, itua ye mbon e-etuaahake.

1 Kọrint 10:33

kpa naña ami ñnwana inam afịd awo ekop inemesịd ke afịd-afịd usʌñ. Sia ami ñyemme ufọn nnọ idem mmi, ado ñyem ufọn uwak awo, nọ ato do ammọ ebọ adinyaaña.

1 Kọrint 9:22

Mmekappa ndo awo mmemidem nnọ mbon mmemidem, nọ ñkọ mbon mmemidem. Ami mmekappa ndo afịd ñkpọ nnọ afịd awo nọ ato do ke usʌñ ake adodo ami ñnyaaña usʌk.

2 Kọrint 8:8

Mbooho ke nnịm nte ewʌhọ, ado nda udọñ esịd mbon mfen nte edidomo nse uwọt ñkpọ naña ima ndufo ado akpanikọ.

2 Kọrint 9:2

Sia mmediọọñọ nte ke ndufo emenie udọñ adinwam, mmenyʌñ idat ndufo nduaak inua nnọ mbon Masidonia mbo ke tọọñọ isua ako ndufo ke Akaya emaebeeñe idem edinọ enọ; ndin eti udọñ ndufo amaademme udọñ uwak ammọ.

Kadesia 5:13

Ndufo, nditọete mmi, ekikood ndufo ebo nọ ebọkkọ. Ado ikiidat ubọkkọ ndufo inam idiọọkñkpọ, utu ke ado inam ñkpọ inọ emọ-emọ ke ima.

Kadesia 5:22

Ado mfịd Sịbidịd ado ima, idadesịd, emem, ime, mfọnido, eti uwem, mbuọdidem,

Kadesia 5:6

Sia ke Krais Yisọs adinịm mboppo mme aditre adinịm mboppo ibaaha ufọn ndomokeed. Ñkukwere ñkpọ a-abaaha ufọn ado mbuọdidem e-ekịtte eto ima.

Kadesia 6:1

Nditọete, adieke emʌmmọ awo ke idiọọkñkpọ, ndufo e-esʌkkọ eba ke Sịbidịd akpena enam usʌk-usʌk emaana ebenne anye edot ke itie amọ. Ado, ndufo ke idem ndufo ekpeme, mmiidooho ndufo ñkoo emekeme edinyʌñ ndʌk idomo.

Kodosi 3:16

Yak ikọ Krais adʌñ ke idem ndufo mfọn-mfọn naña ndufo ekpeeb enyʌñ enọọñọ keed aken item mme afịd ifiọk, naña ndufo ekwọ mme ikwọ saam, ikwọ Abasi mme ikwọ Sịbidịd ye esịd ekọọm enọ Abasi.

1 Tesadonia 1:3

Afịd ini ñnyịn imisitoiyo ndufo ke iso Abasi Ete ke abaña utom ndufo a-atooho ke mbuọdidem, akpọsọñ utom ndufo e-enamma ato ke ima, ye adibọ ke ime ndufo a-ademmeke ato ke idodanyen ke Abọọñ ñnyịn Yisọs Krais.

1 Tesadonia 5:11

Ndin, isọọñọ keed aken inyʌñ ibọp keed aken edakka eda, kpa, ke akpanikọ, naña ndufo esʌk enam idahami.

2 Tesadonia 3:9

Ñnyịn ikinam ami, idooho nte ñnyịn inieeghe unen adibọ utọ unwam ami ito ndufo, ado nọ ñnyịn inịm idem ñnyịn nte uwọt ñkpọ a-ndufo ekpekeeneke.

1 Timoti 6:18

Bo ammọ enam nti utom uwak-uwak, enyʌñ efọn ido, enyʌñ ebeeñe idem ediwuana se ammọ enie ye mbon mfen.

Taitọs 2:4

Ndin ammọ ekeme adikpeeb mme ñka ntək ibaan adima mme ebe ammọ ye mme nditọ,

Taitọs 3:8

Ami ado ikọ mbuọdidem e-eketañña. Ndin ñyem afo asọọñọ mme ñkpọ ami, nọ ato do mbio e-ekenịmme Abasi ekpeme idem ke adisịn idem nnam se ifọn. Mme ñkpọ ami ado se ifọn ikan ndin anyʌñ ado ufọn ake afịd awo.

Ibru 13:1

Ikaa iso edumakka keed aken nte nditọete.

Ibru 13:3

Itoiyo mbon e-ebaaha ke ufọk ñkpakọb nte akpedo ndufo ekeene ammọ edo mbon ñkpakọb, ye mbon e-ebọọhọ ndutʌkkọ nte a-ndufo ke idem ndufo ekpebaaha ke ukuud.

Ibru 3:13

Ado isọọñọ keed aken ukod ke usen ke usen, adaña nte ekoodo anye “Mfịn,” mbaak awo ndufo ndomokeed adikappa anie esịd itiad ato ke abiaaña idiọọkñkpọ.

1 Yọọn 3:18

Nditọ mmi, yak awo akuuma uma ikpọk inua, yak ikap iwọt ima ke adinam ñnyịn ye ke akpanikọ.