Ibru 10:22 - Ñwed Abasi Ke Ikọ Ibibio Ayo Mfịn

²² yak ñnyịn isaña ikpere Abasi ye esịd akpanikọ ke ayọhọ mbuọdidem, sia emaekekama nsana mmọọñ esiime ke esịd ñnyịn enam ñnyịn isana inana ubiomikpe ke akikere ñnyịn, ñko sia emaekekama nsana mmọọñ ado iyet idem ñnyịn asana.

Ibru 10:22 ပူးပေါင်းရင်းမြစ်များ

Matiu 3:11

“Ami ñkama mmọọñ nnịm ndufo uduọkmmọọñ nte yak ekappa esịd. Ado anye a-adiidi ke ini iso akpon ankan, ndotto adisiooño anye ikpaukod ke ukod. Anye adikama Adisana Sịbidịd ye ikañ iduọk ndufo mmọọñ.

Eti Etob Naña Duk Awet 1:1

Uwak mme awo edomo ukeme adiwet mbʌk ñkpọ se ikitịppe ke ufọọd ñnyịn,

Yọọn 3:5

Yisọs abọọrọ, “Ke ata akpanikọ ami ntañ inọ ndufo, ibọhọke awo amana ato mmọọñ ye Sịbidịd, anye ikemeke idʌk abio ubọọñ Abasi.

Yọọn 8:9

Ke ini ammọ ekoppo ami ammọ edaaña keed-e-keed, tọọñọ ke ñkpoon awo tutu asịm ata akpatre, ndin Yisọs ikpọọñ mme awonwaan ami edisʌhọ, anye anyʌñ asʌk ada ke nte akeda.

Utom 22:16

Ndin idahami nso-o ke afo abet? Dakka da, bọ uduọkmmọọñ nyʌñ yet mme idiọọkñkpọ mfo fep ke adikood anyịñ amọ.’

Utom 8:21

Afo unieeghe itie me udeme ke iso utom ami, sia esịd mfo inenne ke iso Abasi.

1 Kọrint 6:11

Se usʌk ndufo ekedoñño ado ado. Ado emaiyet ndufo, enam esana enyʌñ inọ unen ato ke anyịñ Abọọñ ñnyịn Yisọs Krais ye ke Sịbidịd Abasi ñnyịn.

2 Kọrint 7:1

Sia ñnyịn iminie mme enwọñọ ami, nditọete, yak ñnyịn iyet se ideghe abʌkidem ye sịbidịd ifep ke idem ñnyịn, inam adisana ido ñnyịn afọn ama ke adibaak Abasi.

Efisọs 3:12

Ke anye, anyʌñ ato ke mbuọdidem ke anye, ñnyịn imikeme adisaña ñkpere Abasi ke ñkpọkñyak ye uko.

Efisọs 5:26

nọ anam anye ado adisana, asiooño anye mbad ke adiyet ke mmọọñ ato ke ikọ,

Efisọs 6:5

Mme ifʌn, ikop item inọ mme eteufọk ndufo ke ederimbod, ke ukpono ye mbaak esịd akpanikọ kpa naña ekpekop item enọ Krais.

1 Timoti 4:2

Mme utọ ukpeeb ado eto ke ndubịk mme asʌhọ nsu e-ebenne nsu ekpeep nte akpanikọ, esịd ammọ anyʌñ adoro ufiọn nte ñkpọ e-edatta ikañ adomutịm efọp.

Taitọs 3:5

anye inyaaña ñnyịn, itooho ke nti ñkpọ ake ñnyịn inamma, ado ato ke ntak mbọm amọ. Anye inyaaña ñnyịn ato ke adiyet adufa emana anyʌñ anam ido adufa ato ke Adisana Sịbidịd,

Ibru 10:1

Mbed ado ndukpọñ kpọd anọ mme nti ñkpọ se idi ke iso, idooho ata mme ñkpọ ado ke idem ammọ. Ke ntak ami, ukem uwa e-ewaaha ke isua ke isua ikemeke adiyet mbon e-esañake ekpere adikpono Abasi nọ afọn ama.

Ibru 10:19

Ke ntodo nditọete, sia ñnyịn imainie nsọọñọnda adidʌk ke Nsana Mma Ata Adisana Itie ato ke iyiib Yisọs,

Ibru 11:28

Ke mbuọdidem anye amaanịm usọrọ Basofa ye adisiime iyiib, ke ntodo andikiwood akpa nditọ ideen ikituuhọ akpa nditọ ideen ufọk Isred.

Ibru 12:24

edi ebịne Yisọs andida ubiọñ ke ufa edioomo, ye ke adisiime iyiib a-atañña ikọ a-afọnnọ akan iyiib ake Ebeed.

Ibru 4:16

Yak ñnyịn ndin isaña ikpere ebekpo Abasi mfọn uko-uko, nọ ato do ñnyịn ibọ mbọm ye mfọn a-adiinyaaña ñnyịn ke ini nnananyen.

Ibru 6:11

Ñnyịn iyem afịd ndufo ewọt ukem-ukem ntịñanyen ami tutu ata akpatre, nọ ato do idodanyen ndufo atʌm asọñ.

Ibru 7:19

(sia ibed ikikanna inam ñkpọ ndomokeed afọn ama), ndin emaeben idodanyen a-afọnnọ akan edi, a-adooho ke anye, ñnyịn itʌm isaña ikpere Abasi.

Ibru 9:10

Mme ñkpọ ado edoñño adidia nnyʌñ ñnwọñ ye mme nsio-nsio usọrọ adiyet nsana, mme ido e-ekesinamma e-ekenyʌññọ eyak aba tutu ini ufa ubonoñkpọ adikem.

Ibru 9:19

Ke ini Moses, anye akesido amaakood ewʌhọ ndomokeed ke idak ibed inọ afịd awo, anye adat iyiib mme ñnyịn enañ ye mme ebod. Anye anyʌñ aben mmọọñ, iduod mfịd ukịm ye ñkọk isọb, asiime ke adukpọk ñwed ibed mme ukeed awo.

Yemsi 1:6

Ado anye amaabịp, anye ana anịm ke akpanikọ ndin inieeghe eyịghe, sia awo a-anieeghe eyịghe aba nte mbufuud mmọọñ, a-afịm afịtte anyʌñ atop.

Yemsi 4:8

Esaña ekpere Abasi ndin anye ayaasaña ikpere ndufo. Eyie ubọk ndufo, ndufo mme anam idiọọk, ndin enam esịd ndufo asana, ndufo mme enie esịd iba.

1 Bita 1:2

mbon a-Abasi Ete amaakemek asaña akekem ke akpa ifiọk Abasi Ete, ato ke adiyet asana utom Sịbidịd, ke ntak nsuukiwuod ammọ nnọ Yisọs Krais nọ anye adat iyiib amọ asịịme ammọ ke idem. Mfọn ye emem aba ye ndufo eduek-eduek.

1 Bita 3:21

mmọọñ ami ada anọ uduọkmmọọñ e-edatta enyaaña ndufo idahami, ado ado uduọkmmọọñ a-mmiidooho uyed mbad ikpọkidem mfep, ado e-edatta enwọñọ adinie etiesịd ke iso Abasi. Anyaaña ndufo ato ke adised Yisọs Krais,

Adiyaara 1:5

anyʌñ ato Yisọs Krais andinọ ntiense akpanikọ, akpa ke atu mme andised ke ñkpa ye Andikara mme ndidem ederimbod. Ubọọñ mme adudu enie anye i-imaaha ñnyịn, a-anyʌññọ adat iyiib amọ ayet ñnyịn asio ke ndiọiñkpọ,