Ibru 10:12 - Ñwed Abasi Ke Ikọ Ibibio Ayo Mfịn

¹² Ado ke ini aku mi amaakewa afịd uwa ini keed ke abaña mme ndiọiñkpọ, anye amaasuuk atie ke ubọk udom Abasi.

Ibru 10:12 ပူးပေါင်းရင်းမြစ်များ

Maak 16:19

Ke Abọọñ Yisọs amaaketañ mme ikọ ami ima, emaeben anye edọọk ke hefịn, anye anyʌñ asuuk atie ke ubọk udom Abasi.

Ñwed Mbon Rum 8:34

Anie ndin ado awo adibiom ñnyịn ikpe? Awo ndomokeed ibaaha. Krais Yisọs a-akekpaaha–a-akanna ado, a-akesette ke ñkpa adʌk uwem–a-anyʌññọ atie ke ubọk udom Abasi nte ubiọñ anọ ñnyịn.

Efisọs 5:2

inyʌñ idu uwem ima, kpa nte Krais akimaaha ñnyịn, a-akenyʌññọ ayak idem amọ inọ ñnyịn nte inem ufịk enọ ye uwa anọ Abasi.

Kodosi 3:1

Sia ndin, ndufo emaekeset mme Krais, ikọọñ esịd ndufo ke ñkpọ enyọñ, ke itie Krais atieeghe ke ubọk udom Abasi.

Ibru 1:3

Ayịn ado uyama ubọọñ Abasi ye ata mbid idem amọ a-amʌmmọ afịd ñkpọ akama ke adudu ikọ amọ. Ke anye amaakenam awo asana ke adiyet idiọọkñkpọ nsio, anye amaasuuk atie ke ubọk udom Andikara ke abio ubọọñ Abasi.

Ibru 10:10

Ato ke ntak uduak ado, enam ñnyịn isana ato ke adiwa abʌkidem Yisọs Krais akañ keed kpọd.

Ibru 10:14

Sia ato ke uwa keed anye amaanam mbon e-esʌkkọ eyeyet esana efọn ema ke nsi-nsi.

Ibru 5:1

Esio afịd akwa aku ke atu mme awo ndin enyʌñ ememek anye ebo ada ke iwuod mme awo ke mme ñkpọ a-abañake Abasi, ke adinọ mme enọ ye mme uwa ke ntak mme idiọọkñkpọ.

Ibru 5:3

Ami ado ntak a-anaaha anye awa mme uwa ke ntak mme idiọọkñkpọ amọ ye ake mme mbon mfen.

Ibru 7:27

Anye itieeghe nte mme akwa aku mfen, inieeghe adiwa uwa kwa usen kwa usen, awa akpa abaña mme ndiọiñkpọ amọ, ndin adiwa abaña ndiọiñkpọ mbon mfen. Anye akewa uwa abaña mme ndiọiñkpọ mbon awo akañ keed kpọd, ke ini anye akeyakka idem amọ anọ uwa.

Ibru 8:1

Akpan ñkpọ se ñnyịn itañ ibaña ado ami: Ñnyịn iminie utọ akwa aku a-akesuuhọ atie ke ubọk udom ebekpo Andikara ke abio Abasi.

Ibru 9:12

Anye ikiboiyoke idʌk ato ke iyiib mme ebod me ake nditọ enañ; ado akekama iyiib idem amọ adʌk ke Nsana Mma Ata Adisana Itie ini keed kpọd, ato ke adinam ami anye amaabọ nsi-nsi ufak anọ ukeed awo.

Ibru 9:14

die ndin ke iyiib Krais, a-akedooho ke ntak Sịbidịd nsi-nsi ayaak idem nte anana ndo uwa anọ Abasi, miidiiyette esịd ñnyịn isiooño mme adinam a-adatta awo aka ñkpa ifep, nọ ñnyịn ikan inam ñkpọ inọ aduuwem Abasi!