Ibru 1:2 - Ñwed Abasi Ke Ikọ Ibibio Ayo Mfịn

² ado ke mme akpatre usen ami anye atañ ikọ inọ ñnyịn ato Ayịn amọ, a-anye amaakemek adia akpa ukeed ñkpọ, a-adooho ekenam ekondo eto ke anye.

Ibru 1:2 ပူးပေါင်းရင်းမြစ်များ

Matiu 13:39

ndin awo usua a-aketọọhọ mbiod ado Setan ke idem amọ. Ini idọk ado utịd ederimbod ami, ndin mme adọkidọk edoñño mme enyere.

Matiu 17:5

Ke ini anye asʌkkọ atañ ntom, nyamma-nyamma ntọñanyọñ adifʌk ammọ akanna; ndin uyo ato ntọñanyọñ ami ate, “Anye ami ado Ayịn mmi a-mmaaha, nnyʌñ nnem esịd ye anye. Ikpañ utọñ inọ anye.”

Matiu 21:38

“Ado mme atọ inwañ ami emaekekịt ayịn amọ, ammọ emaebo keed aken, ‘Anye ami ado adiaakpa. Idi yak iwot anye iben udiaakpa amọ.’

Matiu 26:63

Ado Yisọs ikisiooho uyo. Ñko akwa aku amaabo anye, “Ami mmukpeiye fiin ke idak unwọñọ ke anyịñ ndu-ndu Abasi adidọkkọ ñnyịn me afo ado Mesaya, Ayịn Abasi.”

Matiu 28:18

Yisọs adi aditañ ikọ ye ammọ. Anye ate, “Eyaak afịd adudu ke anyọñ ye ke isọñ ennọ miin.

Matiu 3:17

Ndin uyo ato ikpaanyọñ abo ate, “Anye ami ado adima Ayịn mmi, a-ami mmaaha eti-eti.”

Maak 1:1

Ntọọñọ eti etob a-abañake Yisọs a-dooho Mesaya, Ayịn Abasi,

Maak 12:6

“Anye amaanie awo keed a-akesʌhọke anye adidọñ, ayịn amọ awodeen, a-anye akemaaha. Anye akeanọ anye aka akpatre, abo ate, ‘Ammọ eyaekpono ayịn mmi.’

Maak 12:7

“Ado mbon e-ekenọọhọ inwañ ekama etie edioomo ke idem ammọ ete, ‘Adia akpa ammọ ado ami. Idi, yak iwot anye, akpa iñwan fain a-anye akpediaaha ayaakappa ado ake ñnyịn.’

Yọọn 1:10

Anye amaaba ke ederimbod, ndin akpesʌk ado ekenamma ederimbod eto anye, ederimbod ikidiọọñọke anye.

Yọọn 1:14

Ikọ amaakappa ado awo anyʌñ adʌñ mi ke ederimbod ke atu ñnyịn. Ñnyịn inyʌñ ikịt ubọọñ amọ a-anye anieeghe ato Ete nte ukwueeñe Ayịn Abasi Ete a-ayọhọke ye mfọn ye akpanikọ.

Yọọn 1:3

Aketo anye afịd ñkpọ adibañña; ibaaha ñkpọ a-mmikitooho anye.

Yọọn 13:3

Yisọs amaadiọọñọ ke Ete amaayaak ukeed ñkpọ asịn ke adudu imọ, ñko ke imọ ikito Abasi idi, idiinyʌñ inyọñ ibịne Abasi;

Yọọn 13:32

Adieke Abasi abọọhọ ubọọñ ato anye, Abasi ayaanọ Ayịn ubọọñ ke idem amọ, ndin ayaanọ anye ubọọñ ado ini keed.

Yọọn 15:15

Ami ikoodo ndufo nditọufọk mmi aba sia ayịnufọk idiọọñọke ndubeghe eteufọk. Ado ami ikood ndufo mme ufan mmi, sia ami mmenam ndufo ediọọñọ afịd ñkpọ se ñkekpeeb nto Ete mmi.

Yọọn 16:15

Afịd se inie Ete annie miin. Ntak ado anam ami mbo ke Sịbidịd ayaaben afịd se into miin iwọt ndufo.”

Yọọn 17:2

Sia afo ameyaak adudu ukara afịd awo anọ anye ma anye anọ afịd mbon ami se afo akenọ anye nsi-nsi uwem.

Yọọn 3:16

“Sia Abasi akeneenekke ama ederimbod asịn anye akenọ ukweeñe Ayịn keed anye anieeghe mbaak awo ake adodo anịmme anye ke akpanikọ akuutak ado anie nsi-nsi uwem.

Yọọn 3:25

Mfaaña amaatọọñọ ke ufọọd usʌk mme mbed Yọọn ye awo Yuu keed kebaña edu adinam idem asana.

Yọọn 5:26

Sia kpa naña Ete anie uwem ke idem amọ anye ñko anọ Ayịn ukeme adinie uwem ke idem amọ.

Yọọn 5:27

Ñko anye anọ Ayịn Awo adudu adibieere ikpe, sia anye ado Ayịn Awo.

Yọọn 9:29

Ñnyịn imidiọọñọ ke Abasi amaatañ ikọ anọ Moses, ado amaado awo ami, ñnyịn idiọọñọke kpak nte anye ato.”

Utom 10:36

Ndufo emediọọñọ etob a-Abasi akenọọhọ esọk nditọ Isred, a-akedooho eti etob emem ke Yisọs Krais a-adooho Abọọñ afịd awo.

Utom 2:17

“ ‘Ke mme akpatre usen, Abọọñ Abasi atañ, ami ñyaanwañña Sịbidịd mmi nduọk afịd uduod awo. Mme nditọ ideen ye ibaan ndufo eyaetañ brọfesi, ñkparawa ideen ndufo eyaenyʌñ ekiid ñkukịd, mme ikpọ ideen ndufo eyaedappa ndab.

Ñwed Mbon Rum 1:4

ndin ato ke Sịbidịd a-asañake mme adudu ewọt ebo ke anye ado Ayịn Abasi ke adised ke ñkpa amọ: Yisọs Krais Abọọñ ñnyịn.

Ñwed Mbon Rum 8:17

Do ndin adieke ñnyịn idooho nditọ amanaisọñ ndin ñnyịn ido mme adiaakpa–adiaakpa ake Abasi ye mme adiana adiaakpa mme Krais; sia adieke ñnyịn iwuaanake ke ufen amọ ke akpanikọ, iyainyʌñ iwuaana ke ubọọñ amọ.

1 Kọrint 2:7

Iyoo, ñnyịn itañ ikọ ibaña ndedịbe aniọñ ake Abasi, aniọñ e-emaekedịp, a-Abasi akebeeñeke anịm anọ ubọọñ ñnyịn ke editọọñọ.

1 Kọrint 8:6

ado ñnyịn inie Abasi keed, Abasi Ete, a-afịd ñkpọ aketooho, anye ñko ke ñnyịn idu uwem inọọ; ñko Abọọñ keed aba, kpa Yisọs Krais; afịd ñkpọ aketo ke anye, uwem ñnyịn anyʌñ ato anye.

Kadesia 4:4

Ado ke ini amaakedikem ayọhọ-ayọhọ, Abasi amaadọñ Ayịn amọ a-akemanake ato awonwaan, amana ke idak ibed,

Efisọs 1:10

a-adiinam awuọ ada ke ini amaadikem ayọhọ-ayọhọ, nọ aben afịd ñkpọ ke abio Abasi ye ke isọñ adian keed ke idak ukara Krais.

Efisọs 3:9

ye adinyʌñ nnam ndedịbe enọ ami anwaña afịd awo, a-adooho ke mme ayo a-akeboiyoke ekedeedịp ke Abasi, anye a-akebotto afịd ñkpọ.

Ibru 1:5

Ake-e ke atu mme enyere ke akenam Abasi abo, “Afo ado Ayịn mmi; mfịn ami mmubon fiin”? Me mfen, “Ami ñyaado Ete amọ, ndin anye ayaado Ayịn mmi”?

Ibru 1:8

Ado ke abaña Ayịn anye abo, “Ebekpo mfo, O Abasi, ayaaba ke nsi-nsi, nsi-nsi; esañ unen adido esañ ubọọñ ukara mfo.

Ibru 11:3

Ke mbuọdidem iñwaña ñnyịn ke ekebot ederimbod ato ewʌhọ Abasi, ke ntodo ñkpọ se ekịt ami awo ikibotto ito mme ñkpọ se ekekịt ke anyen.

Ibru 2:3

die ke ñnyịn idiibọkkọ adieke ñnyịn isịnne utọ ekamba adinyaaña ukpọñ ami? Adinyaaña ukpọñ ami Abọọñ ke idem amọ akebemme iso asian, ndin mbon e-ekekoppo enyʌñ esọọñọ inọ ñnyịn.

Ibru 3:6

Ado Krais anam akpanikọ nte Ayịn ke ufọkabasi. Ndin ñnyịn ido ufọk amọ, adieke ñnyịn imʌmmọ etiido ñnyịn ikama ye idodanyen a-ñnyịn idatta itañ ase.

Ibru 4:14

Ndin, sia ñnyịn imainie akwa aku a-amaakesaña iboiyo ke mme abio ubọọñ Abasi, Yisọs Ayịn Abasi, yak ñnyịn itʌm imʌm akpanikọ ikama ke abaña mbuọdidem a-ñnyịn isọọñọke itañ ibaña.

Ibru 5:8

Akpesʌk ado nte anye akedooho Ayịn, anye amaakpeeb ñkobitem ato ke mme ukuud a-akesịmme anye

Ibru 7:28

Sia ibed akemek nte mme akwa aku mme awo e-edoññoke mmem-mmem; ado unwọñọ a-akedieeghe adikịt ibed, akemek Ayịn, e-emaekenam afọn ama ke nsi-nsi.

Ibru 7:3

Ikinieeghe ete me eka, ikinieeghe ntịppe, inieeghe ntọọñọ me usen uwem me utịd, kpa nte Ayịn Abasi anye ado aku ke nsi-nsi.

Ibru 9:26

Akpedooho ntodo, awuọ Krais akpaakebọ ufen uwak-uwak ini tọọñọ ke ini e-ekebotto ederimbod. Ado idahami anye amaadi ini keed kpọd anọ ukeed awo ke mme utịd ini ami adidiben idiọọkñkpọ mfep ke anye adiwa idem amọ.

1 Bita 1:20

Ekemek anye enịm mbemiso ebot ederimbod, ado ediyaara anye ke akpatre ini ami ke ntak ndufo.

2 Bita 3:3

Ke kpa ifed; ana ediọọñọ ebo ke mme akpatre usen, mme anọọ awo ñyọọ eyaedi, enọọ ñyọọ enyʌñ ekeene mme ndiọi udọñ ammọ.

Ñwed Yud 1:18

Ammọ ekidọkkọ ndufo ete, “Ke utịd ini mbon nsaha eyaeba ediisaaña ke usʌñ idiọọk itọñ ammọ.”