Fidimọn 1:7 - Ñwed Abasi Ke Ikọ Ibibio Ayo Mfịn

⁷ Ima mfo annọ mien ata idadesịd ye nsọọñọnda, sia afo, ayịnete, amedemme esịd ikọd Abasi.

Fidimọn 1:7 ပူးပေါင်းရင်းမြစ်များ

1 Kọrint 16:18

Ammọ emaedemme sịbidịd mmi ye ake ndufo ñko. Utọ mme awo ntom edot ukpono.

2 Kọrint 7:13

Afịd ami ado se inọ ñnyịn idọñesịd. Ndin ke ufọọd idọñesịd ake ñnyịn, ndat esịd mbọhọ mbaña idadesịd Taitọs, sia afịd ndufo emenam sịbidịd amaana ademme enye ke idem.

2 Kọrint 7:4

Isọñesịd a-ami nnieeghe ke idem ndufo akpon, mbuuro a-mbuuroko ibaña ndufo anyʌñ akpon, nyọhọ ye idọñesịd nnyʌñ nnie ayọhọ idadesịd ke afịd ukuud mmi.

1 Tesadonia 1:3

Afịd ini ñnyịn imisitoiyo ndufo ke iso Abasi Ete ke abaña utom ndufo a-atooho ke mbuọdidem, akpọsọñ utom ndufo e-enamma ato ke ima, ye adibọ ke ime ndufo a-ademmeke ato ke idodanyen ke Abọọñ ñnyịn Yisọs Krais.

1 Tesadonia 2:13

Ndin ñnyịn isʌk ikaaka iso ikọọm Abasi ye ntak, ke ini a-ndufo ekebọọhọ ikọ Abasi, a-ndufo ekekoppo eto ñnyịn, ndufo emaebọ idooho nte ikọ mme awo, ado ke naña anye aba, ikọ Abasi, a-anamma utom ke atu ndufo e-enịmme ke akpanikọ.

1 Tesadonia 2:19

Sia nso-o ido idodanyen ñnyịn, idadesịd ñnyịn, me anyanya a-ñnyịn idiibọ ubọọñ ke iso Abọọñ ñnyịn Yisọs Krais ke anye amaadi? Nte idooho ndufo?

1 Tesadonia 3:9

Die ke ñnyịn ikeme adikọọm Abọọñ nọ akekem ke usieene idaara a-ñnyịn inieeghe ke iso Abasi ke ntak ndufo?

2 Timoti 1:16

Abọọñ akpekap atua ufọk Onesifọdus mbọm, sia ado anye akesinnọọ unwam anyʌñ asinsọọñọ miin idem uwak ini, ikoppo abuud ibaña itie ñkpakọb mmi.

Fidimọn 1:20

Ke ntom, ayịneka mmi, nam ami nnie idadesịd uto fiin, nyʌñ nam ñkpọ inemesịd nnọ miin ke Krais.

2 Yọọn 1:4

Mmekop inemesịd eti-eti adikịt usʌk nditọ mfo naña esaña ke akpanikọ ukem-ukem naña Ete akinọọ ñnyịn ewʌhọ.