Fidimọn 1:6 - Ñwed Abasi Ke Ikọ Ibibio Ayo Mfịn

⁶ Mmebeeñe Abasi mbo unọ fiin ukeme edika iso ke utom ima ami, ye mfọnido; anyʌñ unọ fiin ifiọk ke utom Krais, nọ awo adiọọñọ ukeed nti ñkpọ se iba ke idem mfo ato Krais.

Fidimọn 1:6 ပူးပေါင်းရင်းမြစ်များ

Matiu 25:16

Awo a-akebọọhọ taden ition asọp aketọọñọ ubịn udua, anyʌñ anie taden ition ññwen nte udoro.

Matiu 5:16

Ke ukem usʌñ ami ana unwana ndufo ayamma ke iso mme awo, nọ ammọ ekịt nti utom ndufo enyʌñ etooro Ete ndufo ke anyọñ.

1 Kọrint 14:25

ndin mme ndịbe ñkpọ esịd amọ ayaaña anwa-anwa. Anye ndin ayaaduọ ke isọñ akpono Abasi, anyʌñ abo, “Ke akpanikọ, Abasi mmọdo ke atu ndufo!”

1 Kọrint 16:9

sia ekamba usʌñ adinam eti utom abere annọ, uwak awo ñko mmọdo e-ebeeñeke idem adimbiọọñọ miin.

Fidibai 4:8

Ke akpatre, nditọete, se idodo a-adooho akpanikọ, se idodo a-akamake ubọọñ, se idodo a-anenne, se idodo a-asanake, se idodo a-ayaiyake, se idodo e-emaahama, adieke ñkpọ ndomokeed afọnnọ ama, me ado se ekpetooro ikere ibaña utọ mme ñkpọ ado.

Kodosi 1:9

Ke ntak ami, tọọñọ ke usen a-ñnyịn ikikoppo ibaña ndufo, ñnyịn itreke adibọñ akam ibaña ndufo ndin ibeeñe Abasi ayọhọ ndufo ye ifiọk uduak amọ ato afịd ifiọk Sịbidịd mme edinwaña.

Kodosi 3:10

ndin edisịne adufa idem, ake anamma ado adufa ke ifiọk ke mbiod andibod.

Taitọs 3:14

Mbon ñnyịn ana ekpeeb adisịn idem ammọ ke adinam se ifọn, nọ atoodo ammọ ekeme adinie ñkpọ se ammọ eyem ke usen ke usen mbaak ammọ adidu uwem a-ammiibaaha ufọn inọ ammọ.

Ibru 6:10

Abasi inieeghe ukwañ esịd; anye ikemeke adifre mme utom ndufo ye ima a-ndufo ewọttọ anye kpa nte ndufo emaekenyaaña nditọ amọ ndin enyʌñ esʌk eka iso enyanyaaña ammọ.

Yemsi 2:14

Nso ido ufọn, nditọete mmi, adieke awo abooho ke iminie mbuọdidem ado inieeghe adinam ñkpọ ndomokeed? Nte utọ mbuọdidem ado a-akeme inyaaña ammọ?

Yemsi 2:17

Ke ukem usʌñ ami, mbuọdidem ke idem amọ, adieke mmiisañake mme adinam, a-akpa.

1 Bita 2:12

Edu eti uwem ke atu mbon a-amidiọọñọke Abasi, akpesʌk ado ammọ etañña ikọ ibiaad ndufo, ammọ eyaekịt nti ido ndufo enyʌñ enọ Abasi ubọọñ.

1 Bita 3:1

Ibaan ndọ, ke ukem usʌñ ado isuuk iwuod enọ mme ebe ndufo nọ ato do awo keed ake adodo ke atu ammọ ake mmiinịmme ikọ Abasi ke akpanikọ, akappa esịd, itooho ke ukwọrọ ikọ, ado ato ke edu uwem ibaan ammọ;

1 Bita 3:16

enie esịd atʌmmọ asana, nọ ato do mbon e-etañña ndiọi ikọ ebaña nti uwem ndufo ke Krais etịmme ebọ abuud ebaña ikọ ammọ idotto ndufo.

2 Bita 1:8

Sia adieke mme ñkpọ ami abaaha ke esịd ndufo ayọhọ-ayọhọ, ammọ eyaenam ndufo ibaaha ibe-ibe, ikiinyʌñ inana mfịd ke udiọọñọ Abọọñ ñnyịn Yisọs Krais.