Fidimọn 1:22 - Ñwed Abasi Ke Ikọ Ibibio Ayo Mfịn

²² Ndin ñkpọ keed mfen; beeñe ubeed isen nịm nnọ; sia ato ke akam ndufo, mmenịm ke eyaeyak ami ñnyọñ ibịne ndufo.

Fidimọn 1:22 ပူးပေါင်းရင်းမြစ်များ

Utom 27:24

anyʌñ abo, ‘Bọọd, kuufeghe ndịk. Ana afo ada ikpe ke iso Sisa; Abasi ke mfọn amọ anyʌñ akop ebeeñe mfo, anyaaña afịd awo e-ewatta ye afo.’

Utom 28:23

Ndin ammọ emaedot usen enyʌñ ebeeñe idem adisoobo ye Bọọd, enyʌñ esaña ye ata umiañ awo eka itie anye akedʌññọ. Tọọñọ ke ubakusen tutu ndubi, Bọọd amaanam anwaña ammọ, akwọrọ abio ubọọñ Abasi anwa-anwa anọ ammọ, anwana adinam ammọ ekịt ye anye ufọn adinịm Yisọs ke akpanikọ atooho ke Ibed Moses ye ake mme Brọfed.

Ñwed Mbon Rum 15:24

ami mmenie akikere adinam ntodo ke mmaaka Speen. Ami mme dodanyen adidi adise ndufo ke idaha ndiiboiyo do nko ke ndufo eyaenyaaña ke isañ mmi, ke mmaakekop inem ke atu ndufo ke etək ini.

2 Kọrint 1:11

naña ndufo ekinyaaña ñnyịn ke akam ndufo. Ndin uwak awo eyaenọ ekọọm ke iwuod ñnyịn ke mfọn a-anye afọnnọ ye ñnyịn ke ñkpeubọk uwak awo.

Fidibai 1:19

Sia ami mmediọọñọ ke ayaato ke akam ndufo, ye unwam Abasi a-Sịbidịd Yisọs Krais anọọhọ, ñkpọ se ikitịppe ami inọọ miin ayaakappa ado ñkpọ ubọkkọ annọ miin.

Fidibai 2:24

Ndin mmedot anyen ke Abọọñ mbo ke ami ke idem mmi ñyaadi ke ini miidiikpeeneke.

Ibru 13:19

Ami mmikpeiye ndufo akpan-akpan mbo ebọñ akam nọ ekan emaana ensaana miin eyaak inọ ndufo usọp-usọp.

Ibru 13:23

Ñyem ndufo ediọọñọ ke esio ayịnete ñnyịn Timoti ke ufọk ñkpakọb. Adieke anye asọppọ adisịm, ndiisaña ye anye ndikịt ndufo.

Yemsi 5:16

Ke ntodo, eyaara idiọọkñkpọ ndufo enọ keed aken enyʌñ ebọñ akam enọ keed aken nọ atoodo ekọk ndufo udọñọ. Akam adinen awo asọñ adudu anyʌñ anam ñkpọ.

2 Yọọn 1:12

Mmenie uwak-uwak ñkpọ se ñkpewet unọ fiin; ado ñyemme ediben ñwed ye mmọọñ ñwed ñwet. Utu ke ado, mmeduak adisọp nduse fiin ma ndineme nneme iso ye iso ye afo, nọ ato do idaara ñnyịn ayọhọ.

3 Yọọn 1:14

Mmenie idodanyen mbo ke idiikpeeneke ñyaadukịt fiin iso mme iso.