Fidibai 4:8 - Ñwed Abasi Ke Ikọ Ibibio Ayo Mfịn

⁸ Ke akpatre, nditọete, se idodo a-adooho akpanikọ, se idodo a-akamake ubọọñ, se idodo a-anenne, se idodo a-asanake, se idodo a-ayaiyake, se idodo e-emaahama, adieke ñkpọ ndomokeed afọnnọ ama, me ado se ekpetooro ikere ibaña utọ mme ñkpọ ado.

Fidibai 4:8 ပူးပေါင်းရင်းမြစ်များ

Matiu 22:16

Ammọ emaenọ mbed ammọ ye mme mbon ñka Herọd ekebo anye ntom ete, “Andikpeeb, ñnyịn imidiọọñọ ibo ke afo ado adinen awo, ñko afo akpeeb usʌñ Abasi akeene akpanikọ. Afo ubaaka awo anyen, sia afo useeghe se awo ado.

Maak 6:20

Koro Herọd amaanie ndịk abaaha Yọọn, anyʌñ akpekpeme anye ñko, sia anye amaadiọọñọ abo ke Yọọn akedo nnen-nnen ye adisana awo. Ke ini Herọd akekoppo se Yọọn aketañ, esịd amaatịmede anye, ado kpa ye ado anye akesʌk amama adikpañ utọñ nnọ Yọọn.

Eti Etob Naña Duk Awet 16:15

Ami anam Yisọs abo ammọ, “Ndufo edo mbon e-eyemme adido nti awo ke iso awo, ado Abasi adiọọñọ esịd ndufo. Se mme awo edat nte akpan ñkpọ adondek ke anyen Abasi.

Eti Etob Naña Duk Awet 2:25

Ekamba awodeen keed amaaba ke Yerusedem, akekere Simiọn a-akedooho adinen awo anyʌñ anie mbaak Abasi. Anye aketie abet idọñesịd Isred, ndin Adisana Sịbidịd amaadoro anye ke idem.

Eti Etob Naña Duk Awet 23:50

Amaaba awo keed a-akekereke Yosef, awo Akwa Esob akọnsịn eti ye adinen awo,

Yọọn 7:18

Awo amaatañ ikọ idem amọ, ayem ukpono anọ idem amọ, ado anye a-ayemme ukpono anọ awo a-akedọññọ anye, anye ado awo akpanikọ; inyʌññọ inie abiaaña ndomokeed.

Utom 10:22

Ammọ emaebo ete, “Kọnediọs, awo sentudiọn akidọñ ñnyịn. Anye ado adinen awo, afeghe Abasi, afịd mme Yuu enyʌñ ekpono anye. Anye akekịt adisana enyere a-akebooho yak anye adọñ nọ ukood fiin adi ufọk imọ nọ anye akop se afo anie aditañ.”

Utom 22:12

“Awo keed a-akekereke Ananayas, a-akesiteeñeke Abasi ayọhọ-ayọhọ nte ibed atemmeke, a-afịd mme Yuu e-ekedʌññọ do ekekponoke eti-eti, amaadinse miin.

Utom 6:3

Nditọete, imek awo itiaba ke atu ndufo, e-eyọhọke ye Adisana Sịbidịd ye ifiọk. Ñnyịn iyaiyaak utom ami isịn ammọ ke ubọk,

Ñwed Mbon Rum 13:13

Yak ñnyịn inam ido afọññọ asaña akekem mme ini uweeme, idooho ke una mfadidem ye ido ukpa mmịn, idooho ke abʌd-abʌd ido me use me ndubiam eduuwem, idooho ke utọk me ke ufịb.

Ñwed Mbon Rum 13:3

Sia mme adaukara idoññoke ñkpọ ndịk inọ mbon enaññake nti ñkpọ, ado edoñño ntodo enọ mbon enaññake ndiọi ido. Ndufo emeyem ibọkkọ ndịk awo a-abaaha ke ukara? Inam se inem ndin anye ayaitooro ndufo.

Ñwed Mbon Rum 14:18

sia awo ake adodo ake anamma ñkpọ anọ Krais ke usʌñ ami enem Abasi esịd ndin mme awo enyʌñ ekpono anye.

Ñwed Mbon Rum 2:29

Iyoo, awo ado Yuu ke adido ke esịd idem; ndin unịm mboppo, ado unịm mboppo ake esịd, ke Sịbidịd, idooho ke uwewed ibed. Utọ itooro ado itooho awo, ado ato Abasi.

1 Kọrint 4:5

Ke ntak ado, kuubiire ikpe ke abaña ñkpọ ndomokeed; bet tutu Abọọñ adi. Anye ndin ayaadiyaara anwa-anwa se idịbe ke akịm anyʌñ ayaara akikere esịd mme awo. Ke ini ado amaakem, awo keed-e-keed ayaabọ itooro ato Abasi.

2 Kọrint 13:7

Idahami ñnyịn ibọñ akam inọ Abasi mbaak ndufo idinam se idiọọk, idooho ma mme awo ikịt ñnyịn nte nti awo, ado ma ñnyịn inam se inen akpesʌk ado abaaha nte ñnyịn ima idue.

2 Kọrint 6:8

ke ini ukpono ye ke ini esuenne, ke idiọọk etop ye ke eti etob; ibat ñnyịn nte mbon abiaaña, ado ñnyịn ido mbon akpanikọ;

2 Kọrint 8:18

Ñko isʌk inọ ayịnete a-afịd mme ufọkabasi etooroke ke utom amọ ke abaña eti etob asaña ye anye adi.

2 Kọrint 8:21

Sia ana isuuk anyen ikere se idot, ke iso Abọọñ ye ke iso awo ñko.

Kadesia 5:22

Ado mfịd Sịbidịd ado ima, idadesịd, emem, ime, mfọnido, eti uwem, mbuọdidem,

Efisọs 4:25

Ke ntodo ana afịd ndufo ekọññọ nsu esio enyʌñ etañ akpanikọ enọ mbọhọidʌñ ndufo sia afịd ñnyịn idoñño ñkek idem keed.

Efisọs 5:9

(sia mfịd unwana asịne ke afịd mfọnido ye akpanikọ)

Efisọs 6:14

Isọọñọ ida ndin, ikịne ñkpaha akpanikọ ke isịn, idian ukwak ikpanesid ke itie amọ,

Fidibai 3:1

Ke akpatre, nditọete mmi, idatesịd ke Abọọñ! Idooho mfịna innọ miin adimaana ñwet ukem ñkpọ ami innọ ndufo, sia ado ukpeme afọññọ ye ndufo.

Kodosi 4:5

Enie ifiọk ebaña naña ndufo enam ñkpọ mme mbon a-mmiisịneke ke atu ndufo; itʌm idat afịd se enie inam ñkpọ.

1 Tesadonia 4:12

nọ ato do uwem ndufo ke usen ke usen anam mme awo ke esion inọ ndufo ukpono, ñko mbaak ndufo idibet edem ke awo ndomokeed.

1 Timoti 2:2

enọ mme mbọọñ ye afịd mme ikpọawo ke adaha ukara, nọ ato do ñnyịn inie emem ye ifuuro, idat ini ñnyịn edidu uwem awo Abasi ke usʌñ a-anieeghe ukpono.

1 Timoti 3:11

Ñko, ibaan ndọ ammọ ena edoñño mbon e-edotto ukpono, idoññoke mbon ñkeñ inua, ado ammọ ena ekama idem ke ufad, enyʌñ enam akpanikọ ke afịd ñkpọ.

1 Timoti 3:4

Ana anye ado awo a-atʌmmọ akama ufọk amọ, a-atʌnọke nditọ amọ, anyʌñ atemme ammọ edidu uwem ukpono.

1 Timoti 4:12

Kuuyak awo use ke ndek adat ke ado etəkayịn, ado do uwọd-ñkpọ nọ mme andinịm ke akpanikọ ke ikọ inua mfo, ke edu uwem mfo, ke ima, ke mbuọdidem ye ke edidu edisana uwem.

1 Timoti 5:10

ñko, enekke ediọọñọ anye eto nti ubọkutom amọ nte awo a-aketʌmmọ abọọk nditọ, a-aketʌmmọ akama isenawo, ase ñkpọ abaña mbon utom Abasi, ase ñkpọ abaña mbon unana ke atu anyʌñ anwam mbon ukuud, anyʌñ akaiso ke adinam nti utom.

1 Timoti 5:2

dat ñkaan ibaan nte mme eka, ndin ubọikpa nte nditọeka ibaan ke ata edisana usʌñ.

Taitọs 1:8

Utu ke ado anye ana atat ubọk, awo a-amaaha se ifọn, a-anieeghe mfadidem, adinen awo, adisana mme atʌnọ-idem awo.

Taitọs 2:14

a-akeyakka idem amọ anọ ke ntak ñnyịn nọ ifak ñnyịn asio ke afịd idiọọkñkpọ adinam asana anọ idem amọ mme awo e-edoññoke ata ake amọ, e-enieeghe udọñ adinam se ifọn.

Taitọs 2:2

Kpeeb mme ñkaan ideen enie mfuud-mfuud ido a-adoddo mme ukpono, mfadidem, ye nsọñidem ke mbuọdidem, ke ima ye ke adiyọ ukuud.

Taitọs 2:7

Ke afịd ñkpọ wọt ammọ nda usʌñ ke adinam se ifọn, ke ukpeebñkpọ ndufo iwọt etiido, akpan ekikere, ye

Taitọs 3:14

Mbon ñnyịn ana ekpeeb adisịn idem ammọ ke adinam se ifọn, nọ atoodo ammọ ekeme adinie ñkpọ se ammọ eyem ke usen ke usen mbaak ammọ adidu uwem a-ammiibaaha ufọn inọ ammọ.

Ibru 11:2

Ami ado se mme ikaan ekedat ebọ unyịmme Abasi.

Ibru 13:18

Ibọñ akam inọ ñnyịn. Ñnyịn imitʌm idiọọñọ ibo ke esịd ñnyịn anwaña, ñko iminie udọñ adidu uwem ukpono ke afịd usʌñ.

Yemsi 1:27

Ikọ Abasi Ete ñnyịn adatta nte nsasana ndin inieeghe ndo ado ami; adise ñkpọ mbaña mme nditọ anana ete mme eka ye mme ebeakpa ke ini nnan anyen ammọ ye adinyʌñ nnịm idem amọ asana mbaak ederimbod adibiad anye.

Yemsi 3:17

Ado ifiọk a-atooho abio ubọọñ Abasi isịneke ndek ke akpa itie; ndin ama emem, anie akikere, asuuk idem, ayọhọ mme mbọm ye nti mfịd, idaaha ñkañ keed ndin anana abiaaña ñko.

1 Bita 1:22

Idahami, sia ndufo emaekenam idem ndufo asana ke adisuuk iwuod nnọọ akpanikọ nọ ndufo ekan enie ata ima enọ nditọete ndufo, ema keed aken ye ntotəño ima a-atooho ke esịd.

1 Bita 2:12

Edu eti uwem ke atu mbon a-amidiọọñọke Abasi, akpesʌk ado ammọ etañña ikọ ibiaad ndufo, ammọ eyaekịt nti ido ndufo enyʌñ enọ Abasi ubọọñ.

1 Bita 4:8

Akaakan afịd ñkpọ, enie ntọtəñọ ima ke ufọọd idem ndufo, sia ima afʌk uwak idiọọkñkpọ.

2 Bita 3:1

Mme ndima ufan, ami ado ayọhọ deta iba a-nnọọhọ esọk ndufo. Ñwed naña iba editoiyo adinam ndufo enie eti akikere.

1 Yọọn 3:18

Nditọ mmi, yak awo akuuma uma ikpọk inua, yak ikap iwọt ima ke adinam ñnyịn ye ke akpanikọ.

1 Yọọn 3:3

Afịd awo se inie utọ idodanyen ami, e-enam idem ammọ asana, ukem-ukem naña anye ado Adisana.

1 Yọọn 4:1

Mme ndima ufan, ikiinịm afịd sịbidịd, ado edomo mme sịbidịd se me eto Abasi, sia uwak-uwak brọfed nsu ewuọọñọ edʌk ederimbod.