Fidibai 4:12 - Ñwed Abasi Ke Ikọ Ibibio Ayo Mfịn

¹² Ami mmediọọñọ naña aba ke ediba ke unana, mmenyʌñ ndiọọñọ naña aba adinie umiañ. Ami mmekpeeb ndedịbe ifiọk a-abaaha ke ediyʌkkọ ke se adodo itie a-ami ñkịtte idem mmi. Mme mmedia ñyʌkkọ mme nsaña abiọñ, mme mba ke eduek mme ke unana.

Fidibai 4:12 ပူးပေါင်းရင်းမြစ်များ

Matiu 11:29

Iben akpọnọ mmi inyʌñ ikpeeb ñkpọ into miin sia ami ndo sʌñ-sʌñ nnyʌñ nnie nsuukidem ke esịd, ndin eyaenie nduọkadudu enọ ukpọñ ndufo.

Matiu 13:52

Ndin anye abo ammọ, “Do ndin andikpeeb ibed ake adodo e-emaekekpeeb anye ñkpọ abio ubọọñ Abasi atie nte anieufọk a-asiooñoke mme ufa ye mme ñkaan inie uto amọ ke ufọk ubonoñkpọ amọ.”

2 Kọrint 10:1

Ndat ifuuro-ifuuro ye mmem-mmem ido Krais nnịm ebeeñe ke iso ndufo. Ami Bọọd, a-nsibaaha idek-idek mmaatie iso ye iso ye ndufo, ado ndo nsọñ inua ke ini mmembaaha ye ndufo.

2 Kọrint 10:10

Sia usʌk ammọ ebo ete, “Deta amọ adoppo anyʌñ anie adudu ado anye ke idem amọ ado ñkaña awo, ikọ inua amọ idooho ñkpọ.”

2 Kọrint 11:27

Mmenam akpọsọñ utom nnyʌñ ñwaidem, ñtaba idap uwak ini; uwak-uwak ini mmetie abiọñ, ñkop nsaditọñ nnyʌñ nnana se ndia, atuep ammʌm, nnyʌññọ nnie se nsịne.

2 Kọrint 11:7

Me akedo idiọọkñkpọ ami adikisuuk idem mmi nọ ato do idịppe ndufo ke adikwọrọ eti etob Abasi inọ ndufo ke mfọn?

2 Kọrint 11:9

Kpa ke ini a-ñkebaaha ye ndufo ñyem unwam, ñkedooho mbiomo nnọ baaba awo ndomokeed, sia nditọete e-eketooho Masidonia emaennọ se ñkeyem. Mmedʌt idem mmi nsio adido mbiomo inọ ndufo ke baaba usʌñ keed, ndiinyʌñ ñkakaiso nnam ntodo.