Fidibai 3:3 - Ñwed Abasi Ke Ikọ Ibibio Ayo Mfịn

³ Sia ado ñnyịn ido mme anịm mboppo, ñnyịn i-ikponoke Abasi ke Sịbidịd amọ, u-ubọọñ ñnyịn adooho ke Krais Yisọs, ñko ñnyịn idot anyen ke Krais Yisọs, idooho ke abʌkidem,

Fidibai 3:3 ပူးပေါင်းရင်းမြစ်များ

Ñwed Mbon Rum 1:9

Abasi, a-ami ñkponoke ke afịd esịd ke adikwọrọ eti etob ake Ayịn amọ, ado ntiense mmi ke naña ami itoiyo ndufo

Ñwed Mbon Rum 15:17

Ke ntak ami ami mmetooro Krais Yisọs ke utom a-nnamma nnọ Abasi.

Ñwed Mbon Rum 7:6

Ado idahami, ke adikpa nnọ ñkpọ se ikimʌm ñnyịn ikama ini keed e-etat ñnyịn esio ke ibed man ñnyịn inam utom ke ufa usʌñ ake Sịbidịd, idooho ke akaan usʌñ ake uwewed ibed.

Ñwed Mbon Rum 8:15

Sia ndufo ikibọọhọ Sịbidịd a-anamma ndufo emaana edoñño ifʌn a-kpenamma ndufo ebaañña ke ndịk, ado ndufo ekebọ Sịbidịd nditọ amanaisọñ. Ndin ato anye ke ñnyịn ikood uko-uko, “Abba, Ete.”

Ñwed Mbon Rum 8:39

me anyan, me udeme, me ñkpọ ndomokeed ke afịd abod, idiikanna adidiañña ñnyịn ñkpọñ ima Abasi abaaha ke Krais Yisọs Abọọñ ñnyịn.

Ñwed Mbon Rum 9:6

Idooho nte ke enwọñọ Abasi awuọ ikpu-ikpu. Ado idooho afịd awo se ito Isred edo mbon Isred.

2 Kọrint 11:18

Sia uwak awo eduaha inua naña ederimbod enam, ami ñko ñyaakeene nnam ntodo.

Kadesia 5:25

Sia ñnyịn iduuho ke Sịbidịd, yak ñnyịn isaña ke Sịbidịd.

Kadesia 6:16

Yak emem ye mbọm asịm mbon e-ekeeneke ibed ami, kpa nditọ Isred Abasi.

Efisọs 6:18

Inyʌñ idat mme nsio-nsio ukod akam ye mme ebeeñe ibọñ akam ke Sịbidịd afịd ini. Ye akikere ami ke esịd, itịñ anyen inyʌñ ibọñ akam afịd ini inọ afịd mme ndisana awo.

Fidibai 1:1

Bọọd ye Timoti, mme isʌñutom Krais Yisọs. Ewed enọ afịd ndisana ikot Abasi ke Krais Yisọs ke Fidipai, ye mme etubom ye mme dikịn:

Fidibai 3:12

Idooho nte ami mmebọbọi afịd mme ñkpọ ami me ke emaenanam mfọn mma, ado ami nsʌk ñnwanwana ñka iso adikimʌm ñkpọ ado a-Krais Yisọs akedatta ammʌm miin.

Fidibai 3:14

Ami nsʌk ñnwana adikisịm itie edikan ma mbọ ñkpọ ayịnutom nduba a-Abasi akeñkoodo anọ abio Abasi ke Krais Yisọs.

Kodosi 2:11

Ke anye ke ekinịm ndufo mboppo, idooho unịm mboppo enamma ke ubọkawo. Afịd idem mfo a-abʌkidem akekarake emaeben eduọọk ke ini ekinịmme ndufo mboppo a-Krais anamma,

Ñwed Yud 1:20

Ado ndufo, mme ndima ufan, ndufo edat edisana mbuọdidem ebọp idem ndufo, ebọñ akam ke Adisana Sịbidịd.