Fidibai 3:12 - Ñwed Abasi Ke Ikọ Ibibio Ayo Mfịn

¹² Idooho nte ami mmebọbọi afịd mme ñkpọ ami me ke emaenanam mfọn mma, ado ami nsʌk ñnwanwana ñka iso adikimʌm ñkpọ ado a-Krais Yisọs akedatta ammʌm miin.

Fidibai 3:12 ပူးပေါင်းရင်းမြစ်များ

Matiu 5:48

Ana ndufo efọn ema, kpa nte Ete ndufo ke anyọñ afọnnọ ama.

Utom 9:15

Ado Abọọñ amaabọọrọ Ananayas ate, “Kaa! Awo ami ado ñkpọutom a-ami mmekke nnịm nnọ idem mmi, nọ anye aben anyịñ mmi akesuan anọ mme Yentaid ye mme ndidem ammọ ye nditọ Isred.

Ñwed Mbon Rum 8:39

me anyan, me udeme, me ñkpọ ndomokeed ke afịd abod, idiikanna adidiañña ñnyịn ñkpọñ ima Abasi abaaha ke Krais Yisọs Abọọñ ñnyịn.

1 Kọrint 13:10

ado ke ini ayọhọ ifiọk amaakem, ubaak ifiọk ayaasop.

1 Kọrint 13:12

Idahami ñnyịn ikịt ñkpọ ndukpọñ-ndukpọñ nte ikịt ke ukịdiso; ini amaakem iyaikịt iso ye iso. Idahami ndiọọñọ ubaak-ubaak; idahado ñyaadiọọñọ ayọhọ-ayọhọ kpa naña endiọọñọ miin ayọhọ-ayọhọ.

1 Kọrint 9:24

Nte ndufo idiọọñọke ke nduba, afịd awo emia nduba, ado awo keed kpọd asibọ utịb? Ifeghe nọ ato do ebọ utịb.

2 Kọrint 13:9

Ñnyịn idat esịd ke ini imemme ado ndufo emesọñ idem; akam ñnyịn ado yak ndufo ekappa efọn ema.

2 Kọrint 7:1

Sia ñnyịn iminie mme enwọñọ ami, nditọete, yak ñnyịn iyet se ideghe abʌkidem ye sịbidịd ifep ke idem ñnyịn, inam adisana ido ñnyịn afọn ama ke adibaak Abasi.

Kadesia 5:17

Sia abʌkidem ayem se Sịbidịd miimaaha, ndin Sịbidịd inyʌññọ iwʌrọ se abʌkidem ama. Sịbidịd mme uduod idiọọkñkpọ eba ke ndusuaara, ke ntodo ukanna unam se afo ayem inam.

Efisọs 1:4

Sia anye ke idem amọ amaimek ñnyịn ke Krais mbemiso ekebot ederimbod nte adisana anyʌñ anana ndo ke anyen amọ. Ke ima

Efisọs 4:12

adibeeñe mbon Abasi idem mbaña utom unwam, nọ ekan ebọp idem Krais

Fidibai 1:1

Bọọd ye Timoti, mme isʌñutom Krais Yisọs. Ewed enọ afịd ndisana ikot Abasi ke Krais Yisọs ke Fidipai, ye mme etubom ye mme dikịn:

Fidibai 3:16

Daña adodo, yak idu uwem nte asañake akekem ke itie a-ñnyịn imaikisesịm.

Fidibai 3:3

Sia ado ñnyịn ido mme anịm mboppo, ñnyịn i-ikponoke Abasi ke Sịbidịd amọ, u-ubọọñ ñnyịn adooho ke Krais Yisọs, ñko ñnyịn idot anyen ke Krais Yisọs, idooho ke abʌkidem,

Fidibai 3:8

Mfen ñko, ñkịt afịd ñkpọ nte ntakudua adieke ebenne edomo mme anana mbied akwa ifiọk edidiọọñọ Krais Yisọs Abọọñ mmi, a-adooho ke ntak amọ ukeed ñkpọ akappa ado ntakudua. Ami ñkịt afịd ammọ nte mbio, ma ato do ami nnie Krais nte udʌk,

1 Tesadonia 5:15

Ikịt ibo ke awo ndomokeed isiooho emọ-emọ usieene idiọọk, ado enwana adinie etiido ye emọ-emọ ye mme mbon mfen.

2 Tesadonia 2:13

Ado akpena afịd ini ñnyịn ikọọm Abasi ke ntak ndufo, nditọete a-Abasi amaaha, sia tọọñọ ke aditọọñọ Abasi amaimek ndufo adibọ adinyaaña nto ke utom adinam asana ake Sịbidịd ye ke adinịm ke akpanikọ.

1 Timoti 5:10

ñko, enekke ediọọñọ anye eto nti ubọkutom amọ nte awo a-aketʌmmọ abọọk nditọ, a-aketʌmmọ akama isenawo, ase ñkpọ abaña mbon utom Abasi, ase ñkpọ abaña mbon unana ke atu anyʌñ anwam mbon ukuud, anyʌñ akaiso ke adinam nti utom.

1 Timoti 6:19

Ke adinam ntom ammọ eyaetʌm inie ebono enọ idem ammọ, inie a-adooho eti itiad idakisọñ ke ini iso, nọ ammọ ediikan imʌm uwem adooho ata uwem ikama.

Ibru 12:14

Inwana ke afịd usʌñ adiba ke emem ye afịd awo ye adinie adisana uwem; adisana uwem mmiibaaha, awo ndomokeed idiikịtte Abọọñ.

Ibru 12:23

ke ufọkabasi mme andikito mmana, e-emaekewet anyịñ ammọ ke abio ubọọñ Abasi. Ndufo emedi ebịne Abasi, akpe ikpe afịd awo, edi ebịne mme Sịbidịd mme nti awo e-emaekenam efọọn ema,

Ibru 13:21

ibana ndufo idem ye afịd nti ñkpọ nọ ndufo enam uduak amọ, ñko yak anye anam ke idem ñnyịn ñkpọ a-anemme anye esịd, ato ke Yisọs Krais, a-anieeghe ubọọñ ke nsi-nsi, nsi-nsi. Amen.

Yemsi 3:2

Afịd ñnyịn imiduọ ke uwak usʌñ. Adieke awo ndomokeed ake adodo mmiinamma ndudue ke se anye atañ anye ado awo afọnnọ ama, a-akemekke adinie mfadidem.

1 Bita 5:10

Ndin Abasi afịd mfọn a-akikoodo ndufo ate edidʌk ke nsi-nsi ubọọñ amọ ke Krais, ke ini ndufo emaekekịt ukuud ke etək ini, ayaamaana idʌt ndufo adat anyʌñ anam enie adudu, nsọọñọnda ye ñkaiso.

2 Bita 3:18

Ado ekọọd ke mfọn ye ifiọk Abọọñ ye Andinyaaña ñnyịn Yisọs Krais. Yak ubọọñ anie anye ke ami ye ke nsi-nsi, Amen.